شتاوي وغناوى عالرياف والي عندة يزيد

عينــى لين عليه اتمـــوت...اريــاف وتنهيــــد بلا صـــوت

سمـاحتـة فى الصـــوب اتصيـــر...ارياف وجضــة وتقطميـــر

حرقتــــــــوا كبـدى يـالولاف...بعـــاد ومـــوح وطول اريـــاف

امرايــف عالـــولاف صحيـــــح...اريـــاف العميـــــة للتفتيـــح
اتجونـــى ديمــة يالولاف...اتزيـــدو فيــة غيــر اريـــاف

تقطميـــر وجضــة وريــاف...هـو دوم غلاكم يــالولاف

الخــاطر فية ثـلاث وصايــف...مجــــروح وغــاوى ومرايف

امــرايـف للغـالى نمشيـــلة...اريــاف العميـــة للتكحيـــلة

عليهم ريـفتــــــى يــاعيــن...غـوالى غــابو قلنـــا ويــــــــن

اريافي كي ارياف المديون... علي عشره يقتل ويخون

ايمتا ياغالى نلقاك...انحيد اريافى نا وياك

اريافى واريافك مضمون...انظر ملقانا كيف ايكون

يالعزيز امسك ماجاك...ارياف وشوق ونار غلاك

ارياف ايطارح فيه ارياف...امتا ننضركم يالولاف

على عقلى ماجد جديد...امفات غلا وارياف ايزيد

جاك ارياف امسك... واتقا ضما راه الياس ايحقه

كل نهار أنقول اولافي ...طايل في لوهام أريافي

العقل أملي بغلا وأرياف ... وغيض عليكم يالولاف

امرايف يالولاف اليوم... تعالولى حتى فى النوم

انريد انجيك وانريح بالى...منكثر اريافى وأهبالى

اريافى تما موش ارياف ... على روحى تميت انخاف

مريض اعقيلى يالولاف...مرض واعر سموه ارياف

شكرا عاشقة البيضاء ورجاء اثرينا بالتراث الجميل وكل تقديرى على المشاركه الجميله
رزق العوامى
مرسى مطروح ( الساحره الجميله )

امرايف عليك العقل .. وماله عزا غير البكى

ــــــــــــــــــــــــــــــــــ

شكرا ابنة الصحراء لذوقك الرائع

تقبلى مرورى

دمتى بخير

ـــــــــــــــــــــــــــــــ المخضرم ـــــــــــــــــــــــــــــــــ

ولا منــــام فيــــه اخطــــــرو *** مــلا اريـــاف ياعيـــن علقـــــدم *** تقبلى مرورى

» شتاوي ثلاثية مختارة
» شتاوي عالدنيا ومطرا الدنيا..
» غناوي و شتاوي شماتة !!!!!!