:::: وين نقول انشيل رحيلى ::::

وين نقول انشيل رحيلي
ما تا بيلي
اتديري لي نقناق تسيلي
*****
اتديري نقناق
تقولي ما نحمل لفراق
ونا كيفك راني مشتاق
ولو تلقي لي
يا عين دباره قولي لي
***
تقولي محبوب
امفيت عليه ايخيل الصوب
ونا حالف ما نخش دروب
الا بدليلي
ومنين دليل تجيبي لي

****
تديريه محاس
تقولي ريدي دون الناس
وناعندي للحب قياس
ان غاب رسيلي

******

تقولي نبيه
ومن مدات نراجي فيه
ونا خايف لو نشقى بيه
انقول خليلي
ينقص ما يابا يوفي لي

****
اديريه سريب
ويلفالك دمع وتسكيب
ولجروحك ما القيت طبيب
احتار دليلي
وأنتي ما بيتي ترثيلي


راق لى للشاعر اهليل البيجو

ـــــــــــــــــ المخضرم ـــــــــــــــــــــــ

مذهله ... كلماتك الرائعه وردودك الاروع كم

اشتقنا اليها كثيرا ... مرورك وتواجدك بصفحتى

اسعدنى كثيرا ... والحمدلله على السلامه .....

دمتى بود

ـــــــــــــــــــ المخضرم ـــــــــــــــــ