مغرورة

.مغرورة
أمغير خـــيــال أبقيتي بعد كنت أتقول غزال
يا بنت عيت فلان
خيال وصـــوه أخسارة بعد كنت زمان أسطورة
كنت شبيه الصبح ضاوي نوره ما عمر حد عنك أنظارا شـــــــــال
صوبك غريق وهايجات بحوره ركبة أمواجه شي م الموحــــــال
بيناتن متميزة ومشهــــورة وحتى مثيــــــلاتك صحيح اقلال
ومن دونهن متكبرة مغـــــــرورة ولكن زمانـــك فات بختك مال
هكي الزمان انكان لف بدورة يا تيك باللي ما تخش البــــــــال
أتقول أســـــــــــــــــــــــــــــــــــيرة أبقيتي بعد كنتي أتقول أميره
كنتي تمام البدر في تصويره والي ابقي منك امغــــــير هلال
جمالك غزا ياما اعقول كثيرة له سلمــــــــن من غير كثر اقتال
اليوم ماحد تشغلي تفكــــــــيرة منهم ولاوالي عليك أيســــــــال
اتريدي اتكوني لوله و لاخيرة وتبي لزولك ينحتـــــــوا تمثال
يانك أبقيتي بين شك وحيره عالخد دمعك منفلت شــــــــــلال
كنتي روعــــــــــــــــــــــــــــــــــــــة وكنتي السمحة الخايله المردوعة
وكنتي الحلوة الباكية ألد لوعة وللقرب منك ما هناك مــــــــجال
معا طلتك حتى الساكر يوعـــــه خفه وعفه ومغنــــــــــجة ودلال
واليوم تمت ضحكتك مصنوعة بكيتي بعد داعي البسمــــــة زال
غرك جمالك بيه يا مخدوعـــــة ياما كسرتي من قلوب رجــــــال
وانك اليوم بخاطرك مفجوعة سبحان من بدل الحال بــــحال أنت عذابك تلزمه موسوعـــة مازال ياما تنظري مــــــــــــــازال
مع تحيات الشاعر : أمويلة السعيطي