أنا تعبانه يايمه!!

يايمه جيت أبسأل ليه أنا حطي مجافيني أشوف الناس ملثمه وأنا مابين حسراتي
***

أشوف أفراح من حولي أسلم ماتحييني أناديها وأنا خجلانه الزم في تحياتي
***

أحاكيها يافرحه وين؟حلفت أنك تزوريني أشد بحكي ثم أرخي أذاعبها بهمساتي
***

ولابه فايده يايمه برغبتها تمشيني تواعد ثم تخلفني أو أنها تنسي أوقاتي؟
***

أنا أذكر دعوتك لله طلبك أنه يخليني طلبه أنه بيرزقني ويوفقني في بداياتي
***

تعلمت الدعاء منك وصارت عاده فيني
إذا نامت عيون الخلق أوجه لربي دعواتي
***

كتمت الاه لاتطلع
ولا ودي تشوفيني ماودي يتعبك نوحي ولاتشقيك شهقاتي
***

تجرعت الالم يمه شربته بأول سنيني وجيتك مابغيت أنك تحسي مر لوعاتي
***

أضحك هم دمعاتي واظمن خوف يحويني
***

أجملها بذكر الله وأقول الله بيجزيني أهدي نفسي أطلبها نجملها ببسماتي
***

ولكن لو تجي لجد تري كذبي مأذيني ماعاد أستحمل العيشه بتزيفي للفرحاتي
***

أنا هلكانه يايمه أنا تعبانه ضميني
أنا كل ليله أتوفي وارد حيآ لصرعاتي

والله كلمات اظلمك لو ابديت رايى فيها

فصمتى سوف يعبر عن اعجابى

تقبلى مرورى المتواضع