حول السكن الداخلي باجامعه

انا نبي انا قش مو ضوع السكن الداخلي بلجامعه
دائما يعطو فينا وعود ودائما يسجلو وهم في سبات تام

لعند تو مازالو مادارو حل

مش معقوله عائله كامله تتكون من 11فرد او10 يسكنو في غرفه وحده

ومطبخ ودورة مياه والله ضيق

مش معقوله نحن مواطنين ليبيين وليبيا دوله غنيه

ومش من كثرة نسماتها هذا مش سكن نحن نبو حل جدي وسريع

رجاء منطلبوش في المستحيل

ارجو ان يرفع الصوت باسم سكان الداخلي

نريدو حل لهل المشكله

اخر اجتماع قامو بيه في قاعة الحريه

ومازال لعند تو حكي وكلام فاضي

نحن نبو حقيقه مش كلام

ارجو ان يرفع الصوت وتلاقولنا حل..

الأخت دلوعه ..

أضم صوتي المتواضع إلي صوتك الحُر بصدق الكلمة فيه ..

وأنتفض بمداد كلماتي

لعلها تصل ولعل السامع يستمع

إلي قصة أُناس عاشوا أذلة المكان والزمان ..

وهم يعيشون في اليوم الواحد

قصة ألف سؤال من أبناءهم

(( أنحن ليبيون أحرار )) ؟؟ ..

سُحقاً لتلك المفاهيم التي استعصت حتى علي فاعليها ..

وتباً لتلك قرارات لم تُلبس المواطن الليبي (( الحر )) ثوب الكرامة ..

أختي الكريمة لكِ ولنا الله

من قبل ومن بعد

فهو من يُعطي بلا حدود ..

وهو من يهب الرزق دون وعود ..

ــــــــــــــــــــــــــــــــــــــــــــــــــــ

وانتظري مني قريباً وقريباً جداً تقريراً كاملاً عن السكن الجامعي

أختي دلوعه انشاء الله عن قريب يبوا يدرولها جهاز التنميه والتطوير صيانه وناقشت الموضوع مع المهندس المسؤل وقال المشكله ان قلنا للجامعه لازم علي الاقل 6 شهور يكون فاضي علشان الصيانه وحكيت له علي الازدحام داخل الغرف قال انشاء الله نخدموا نفس داخلي مصراته لكن يراجوا في موافقة الجامعة ادعي انتي يوافقوا الجامعه بس

ونار لو نفخت بها أضاءت***ولكن أنت تنفخ في رمادِ

لقد أسمعت لو ناديت حيًا***ولكن لا حياة لمن تُنادي

شكرا لردودكم
ولاكن انا نبي صوتي ينسمع لاعلا المراتب واعلا الامانات نبيهم يعرفو اني انطالب بحقي ليس اكثر ويعرفو ان الشعب فيه ناس احرار ميرضوش بالضلم لو حد يعرف مكان للنقاش اقوي يقولي عليه والله قاعدين نفس الملاجئ ونحنا في وطنا مش قادرين ناخذو حريتنا لامسكن كويس ولا عمل ولامركوب وين كلام الكتاب الاخضر وين حقوق المواطن اليبي نحنا منبوش غير سكن كويس علي الاقل منواطوش اعيونا قدام اصاغرنا والله ظلم مسكن طلبا نسكنو فيه بعائلاتنا لازم تساعدوني وصوتي يوصل لين يفوقو من نومهم ويعرفو ان في احرار يطالبو بحقهم
وبلنسبه لموضوع الصيانه ياخت زهرة الجبل هذي كذبه اقنعونا بيها ويكون في العلم ان الصيانه كانت في الصيف الماضي لعمارتين الي يسكنو فيهم الطلبه وياريتهم كملو لصيانه درسو فيهم الطلبا بنص العمل
هذا وضع منسكتش عليه ولعندا ظمير يساعدني لين يوصل صوتي ويدلني علي الطريقا الاكثر نفعا
حسبي الله ونعم الوكيل هو القادر يفوق نفوسهم الظالمه التعبانه

اختي دلوعه لو في مشكله فهي من الجامعه ولكن الصيانه الدوله وافقت عليها وكلفوا مهندسين بصيانة الداخلي ولكن ههيهات نين يفضوا الداخلي ويلقوا بديل يعني الموضوع تبيله 50 سنه بس

وهذا كلام مضمون

منتهى الاستكراد

ومنتهى التجاهل

ومنتهى انعدام الاحساس

والشعوربمطالب وابسط احتاجات الشعب الليبي

من قبل المسؤلين الليبيين

الذين يتوهمون بان الليبيين يعيشون فى جنات النعيم

أن المرء يتسأل هل هذا هو مفهوم العدل والمساواة؟؟؟

وهل هذا هو اساس توزيع الثروة فى ليبيا ؟؟؟

أن مايحدث على ارض الواقع لايعدوا سوى نهب متواصل

لثروة الشعب الليبي

وتدمير كامل للبنية التحتية

وعدم مبالاه أو اكثرات باحتياجات المواطنيين ...

ندعو الله ان يفرج عن كل مكروب ...

ويرزقه من حيث لا يحتب ..

البيضاء - بنغازي - طرابلس وغيرها السكن الداخلي للطلبة في حالة لايرثى لها ...طبعا ليسهلو على الطلب الدراسة مالا كيف .... لا حول ولا قوة الا بالله

شن اخر التطورات يعني انا نكتب في كلام ميفيدش في شي رجاء اانا نبي حد يوصلني لحل شنو مافي مساعده وين حتي انتو اتحمستو شويا وبعدين خلاص نبي ردودكم الي تفيد رجاء ماحد يتهزا في كتابته لان الوضع فعلا مايساعدش والله حاسين اروحنا لاجئين في حرب مش مواطنيين ليبيين ويطالبو بابسط الحقوق ماقلناش نبو حياه مترفها نفس دول الخليج مع انا ليبيا في مقدورها اتكون احسن من هكي لاكن للاسف الي يمسك منصب في الامانات معدال مايقدم بلاده يسرق فيها عموما الي عندا معلوما حقيقيه وحيوار جدي يرد علي

أختى دلوعه

أحب أن أبلغك بجهه قد يكون لها صدها

وهى اذاعة الجبل المحلية

أو الذهاب مباشرة الى جهاز الرقابة والتفتيش

فهى أقوى سلطة فى المدينه

وأبلغيهم عن وضع سكانكم

والسلام عليكم

شكرا لردودكم والله المستعان علي بلوانا هو الي قادر يساعدنا عموما ثااااااااااانكس علي مجهوداتكم

..... اسف عالتاخير اختي الدلووووعه ....

والله موضوع يستحق النقاش

ولكن كيف ماقلتي نحن لا نريد النقاش الجاد

بل ما هو اكبر من ذلك اي الحل المجدي لاي مشكله او عائق .....

الله المستعان على من يسلبون حقوق المواطن دون ان يعمل لمصالحهم ....

نسأل الله ان يصلح الحال ....

» حوصلة من الاخبار على الصعيدين الداخلي و الخارجي