يسخر منك وفى النهايه امازحك

لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ...
لكن هل كل ضحك مباح وكل مرح فى محله؟؟
اذا جاك شخص يضحك و يستهزئ على فلان وفلان
ما خلا شي عنه
بس علاشان يضحك وتم يحكي ولا علييه من هذا الشخص
ولكن يوم يغتاض الشخص
رد عليييه وقال
صدقت انا امزح انت زعلت؟؟
هنـــا السؤال؟
مــا هي حدود المزح بين البعض؟
يعني لازم في كل وقت نستخف د منا؟؟
ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟
ما نصيحتك لمن يتقبل هذة الطريقة فى المزاح ؟؟
و ما رايكم بهؤلاء الأشخاص الذين يمزحون في كل الأوقات
وحتى في المواضيع التي تتطلب الجديه ......؟؟
الذين يجرحون ويشتمون ثم وبكل وقاحة يوجهون لك هذه العبارة
(ايش فيك نمزح معااااك) ..!!
هل يدخل المزاح في الشتم والتجريح ؟!!

والله ياسالم موضوعك يستحق النقاش اولا فى ناس تبصر
وتتحنط فى كل شى حتى الامور الجديه

بس مش هنا المشكله المشكله لما يطق فيك بالبصاره اوف هذى تستفز فى

عموما انا فى رايى اذا انت درت حدود لروحك اكيد الناس حتعرف كيف تتعامل معاك

يعنى واحد ينحنط على راسك ويبدا يعيب فيك مش تضحك وتمشيها
بالجو وتقول عطى المريض مافى غيته لا اقل شى اقلب وجك او وضح له

وللبصاره حدود يعنى لما واحد يطق فيك فى هلك فى عرضك فى دينك
لالالا هذى لازم تحط فيها حدود

ورا اغلبية اللى يتحنطو مايحملوش البصاره
وفى فرق بين اللى ييصر لغرض انه يضحك الناس يعنى مايحبش
اللى جنبه يكون رقيتلهم وبالعكس نوعية هل الناس ديما تلقا النالس يحبوهم لانك لوكنت شايل هموم الدنيا بكلمه يخليك تضحك وتنسا

وفى فرق بين اللى يتحنط عشان يثبت لنفسه انه خفيف دم

وانا نحب الناس اللى ديما عندها توازن فى حياته شوى ضحك وشى بصاره

واخيرا تقبل مرورى

لا اكيد مش كل الضحك ضحك خاصة لو كان الضحك وتجريح باشخاص انا نرفضه نهائي لان الشخص اللي ضحك وانت معاه علي شخص وفلان وذمه وجرحه ماتضمنش انه يضحك عليك ويذم ويجرح ومرات يكذب حتى بس عشان يضحك الاشخاص هذوم احسن شي تقوللهم حقيقتهم في وجوههم حتى يعرفوا قيمتهم ويعرفوا خطأهم الضحك حلو بس بحدود وفي حاجات معينة ومش لازم التمادي بيه ووقت الجد اكيد ممنوع الضحك ولو مزحة اذا كان الموضوع جدي مايستدعيش الضحك ممكن اذا انت كنت صارم وشخصيتك هكي بعض الناس ينفر منك وفي ناس بحياتي هكي واصبحت انا نبتعد عنهم وهم مش عاجبهم شخصيتي وابتعدوا هذوم ماينزعلش منهم بالعكس عليهم نزعل لان اكيد في شي غلط في تركيبتهم واخلاقهم والله يوفق ويهدي الجميع
شكراااااا موضوع حلو

يسخر منك وفى النهايه امازحك Children+2

سالم الحمري كتب:: لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ...
لكن هل كل ضحك مباح وكل مرح فى محله؟؟
اذا جاك شخص يضحك و يستهزئ على فلان وفلان
ما خلا شي عنه
بس علاشان يضحك وتم يحكي ولا علييه من هذا الشخص
ولكن يوم يغتاض الشخص
رد عليييه وقال
صدقت انا امزح انت زعلت؟؟
هنـــا السؤال؟
مــا هي حدود المزح بين البعض؟
يعني لازم في كل وقت نستخف د منا؟؟
ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟
ما نصيحتك لمن يتقبل هذة الطريقة فى المزاح ؟؟
و ما رايكم بهؤلاء الأشخاص الذين يمزحون في كل الأوقات
وحتى في المواضيع التي تتطلب الجديه ......؟؟
الذين يجرحون ويشتمون ثم وبكل وقاحة يوجهون لك هذه العبارة
(ايش فيك نمزح معااااك) ..!!
هل يدخل المزاح في الشتم والتجريح ؟!!

بالتأكيد أخي سالم هذا الشخص غير صادق .... بكل أختصار ... موضوع جيد للنقاش

» لا يسخر قوم من قوم
» ما رأيك فيمن يسخر منك ويشتم غيرك؟؟؟؟