ساعدوني

موضوع: ساعدوني الثلاثاء 07 سبتمبر 2010, 4:08 pm

ساعدوني جماعة الخير انا شريت ليبيا ماكس منذ اسبوع والرصيد فيه 40 دينار هكي قالي صاحب المحل ولما اتصلت ب116 قاللولي رصيدك صفر وبعدها فتحت النت وفتح عادي كيف نعرف رصيدي ونحاول نتصل بيهم ما يردوش عليا فياريت حد يساعدني ساعدوني 763688

موضوع: رد: ساعدوني الأربعاء 08 سبتمبر 2010, 1:21 am

الأخت : الماس ليبيا

ما عندك عليش تبي تعرفي رصيدك

لأن ليبيا ماكس لا تحاسب بالدقيقة

ولكن اشتراك شهري 40 دينار

سواء استعملتي النت أو لا

يعني كل بعد شهر تاخذي 4 كروت 10 واتعبيهن

موضوع: رد: ساعدوني الأربعاء 08 سبتمبر 2010, 2:45 am

منور صحيت يا أبن البيضاء طمنتي الله يفتحها في وجهك مشكور خوي صحيت

موضوع: رد: ساعدوني الجمعة 10 سبتمبر 2010, 9:03 pm

شوفي اختي أول شئ انت لما تستفسري من التلفون الارضي يقولك

اضغط اثنان للإطلاع على الرصيد ومعلومات الخدمة

بعدين يقولك للإطلاع على الرصيد اضغط واحد وللإطلاع على معلومات الخدمة

اضغط اثنان خوذي اثنين حيقولك مقدار الرصيد بالغيغابايت مش بالدينارات

وهذا في جميع خطوط الانترنت ما عدا الدل اب وانت مقدار الغيغابايت امتاعك 10 غيغا كحصة

شهرية يعني هذه تنقص من الداون لوود مش من التصفح العادي

نحن في الخدمة

موضوع: رد: ساعدوني الثلاثاء 12 أكتوبر 2010, 6:23 am

السلام عليكم
الحصة الشهرية الان للواي ماكس هي 15 جيجا بايت ومحسوب فيها كل شي التصفح والتنزيل والاتصل وكل شي يحسب عليك
وربي يعاونكم

موضوع: رد: ساعدوني الثلاثاء 12 أكتوبر 2010, 7:14 am

يا هلا له زمان القمر ما بان وينك

والله ما عندى معلومه عليه انشاءلله ولد البيضاء فادك اختى الماس

» أرجووووووكم ساعدوني