ما كذبت على امى.....يوم قالت

السلام عليكم كل اعضاء منتدى السلفيوم
ارجو الاستفادة للجميع

ماكذبت أمي عليّ .. يوم قالت ..

لاتنام إلا متوضي
وصل .. لله ركعتين
واقرالك لو آيتين
وارفع يديك وتضرع .. بالدعاء
يشرق النور بجبينك
ماتجيك أحلام توحش
وماتقوم الصبح
مهموم .. وحزين

ماكذبت أمي عليّ .. يوم قالت ..

لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك

ماكذبت أمي عليّ .. يوم قالت ..

لاتصير إنسان جارح
إضحك بوجه الجميع
عامل الناس بتسامح
لاتجامل في النصائح
ولاتثور .. تصير فاضح
وإن لمست عيب صاحب
استر العيب ولاتسير جارح

ماكذبت أمي عليّ .. يوم قالت ..

إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك

ماكذبت أمي عليّ .. يوم قالت ..

إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا تؤذيه بصغارك ..

ماكذبت أمي عليّ .. يوم قالت ..

إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم

ماكذبت أمي عليّ .. يوم قالت ..

خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه

ماكذبت أمي عليّ .. يوم قالت ..

إحذر تصير البخيل
واحذر تبذر وتطّغى
واحذر تعيش بخساسه
أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل

ماكذبت أمي عليّ .. يوم قالت ..

لاتمل حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره

يارب ياوافي ( العطا ) جنّبنا دروب الخطا
واغسلنا بـ " ثلج " العفو والبسنا من [ سترك ] غطا

.... روووعة مشاركتك اختي مغتربه ... وربي يوفقك

مغتربــــه ... مشاااركه مميزه ورااائعه جدا ...

لاتحرمينا ابداعاتك ...

» ثمان مرات: كذبت أمي عليّ !!!...
» فتاة قالت لسوداني ياأسود بماذا رد عليها؟؟؟