الحلقة الخامسة والآربعون من كراسى الاعتراف مع العضو (رنـوة))

العضو رنوة نرجوا منكى التكرم و الجلوس على كراسى الاعتراف

جلوس موفق

شكرا لك اخي علي دعوتك لي بالجلوس بصراحة والله فجاتني كنت تمناها من زمان وانا باذن الله جاهزه للاجوبة علي اسئلتكم
مرحبا بكل من في هذا المنتدي
شكرا لكي جزيل الشكر

السلام عليكم
نتمي لكي جلوس مريح علي الكرسي

ولي عوده ان شالله لطرح الاسئلة تو ارتاحي شوي

تريحت مافيه الكفاية بصراحة بسرعة باسئلة بس انا راه ماعنديش كرسي للجلوس عليك ترحيب حتي كلمة تفضلي قعمزي مافيش شكلي توا انجاوب علي الاسئله وانا واقفة مش مهم اهم حاجة اسئلوا بسرعة راه مليت من الوقوف
اخي فارس ورجال دير اعلان من جديد راه شكله ماحد يبي يسال مرات الاعضاء مايبشو يسالوا لاني مازلت جديدة طبعاً انبصر امعاكم كان هكي توا نسال بروحي وانجاوب عليهن ابروحي

أهلا وسهلا بك ِ أختي رنوة ضيفة ً كريمة نتشرف باستضافتك في كرسي الإعتراف

سوف نبحر جميعا بين كلماتك وإجاباتك التي ستنتقين أروعها لتبوحي بها ،،

وهذا الكرسي هديه اليكي نيابة عن جميع اعضاء منتدانا الغالي منتدى السلفيوم

وهذه اسئلتي بأختصار

1- البطاقة الشخصية

2- المؤهلات الدراسية والى اين وصلتى

3- كلمات فى كلمات بسيطة

4- الاكلة واللون المفضلين

5- موقف اثر فيكى كثيرا

6- مدينة زرتيها ولكى بها ذكريات معينة وتتمنين زيارتها مرة اخرى

شكرا لك اخي الناري واخير في احد سالني وعبرني الاعضاء بعد ماعرفوني قاعدة علي الكرسي هربوا وماحد سال بس الكرسي بصراحة مش مريح شكله يخوف لكن راه شكله حديث بكل ياريت تغير لي انبصر امعاك بصراحة كلك ذوق
بسم الله نبدوا نحلوا الاسئلة (( واعرة بكل نقدر انطلع الغش اللي امعاي يااستاذ راه مادرستش علشان عندي ظروف ساعدني يااستاذ ارجوك)
البطاقة الشخصية
رنوة ( الاسم المستعار)
مواليد 18/4/ 1988
فصيلة الدم B+
المؤهلات الدراسية
بكالوريس هندسة 2009ـ2010وتوا حالياً نشتغل موظفة في جامعة عمر المختار
الاكله واللون
نحب الرز بالخلطة ومعها بطاطا مبطنة (اكيد جوعتك )واللون انحب اللون الابيض
موقف اثر فيكي
بصراحة مواقف واجدة بس اهم موقف اثر فيا بجد صديق او شخص عزيز عليا بدرجة لاتوصف خذلني لاسباب مجهولة بس الحمدلله في رب ايشوف فينا الموقف هذا صدمني بجد لعند الان متاثرة منا ولهذه اللحظة والله مازلت نذكره مستحيل ننساه
مدينة زرتها
انا زرت مدن واجدة فيك اتقول اني زرت او لفيت نصف الكرة الارضية ونصف الثاني مازلت ما مشيتله بس انفكر ناخذ اجازه من العمل ونمشي ندهور ( طبعا انبصر عارفة مش وقت ابصارة اكيد اتقول ياريتني ماسألتها اكيد الاعضاء الاخرين خافوا وتراجعوا عن الاسئلة طبعا لثقلتي اسفه)
بس توا انجوا للجد انا مشيت لبنغازي اصلا انحبها وفيها نتريح هي ومدينة شحات انموت فيهن وتوا بعد كم شهر ناخذ اجازة ونمشي ونغير جوا لكن امنيتي اني انزور دولة فرنسا لان مش عادية
شكرا لك ثانية اخي علي اسئلتك الخفيفة خفت ظلك
وانا جاهزة لاي اسئلة ثانية ماعندي مااندير وميلون مرحبا بيك واسعدني تواصلك بيا
اسفة علي الاطالة منور خوي (( الناري)) لقباك جميل علي فكره

رنوة
شنوا حالك ياك طيبه؟
لدي عدة اسئله ؟
السوال الاول ماهي وظيفة عملك
بالظبط؟ ما تخافي مانبي منك شي
هاهاها
السوال الثاني؟
كيف تعرفتي علي هذا المنتدي
بالظبط
السوال الثالث؟
ماهي عيواب ومزيا هذا المنتدي؟
السوال الرابع؟
اكثر شي لفت إنضارك اكيد انا
بس لازم إتجوابي؟
السوال الخامس؟
معني اسمك
السوال السادس؟
مارايك بالحب في ليبيا

واخيراً ورفلينا نرجا فيك من بدري تسالني
اخباري طيبة والحمدلله انت شن اخبارك واخبار المحل مافيش بضاعة جديدة هاهاهاها
وظيقة عملي بالضبط
سكرتيرة في احد كليات جامعة عمر المختار ( كلية علمية في الجامعة القديمة)
كيف تعرفت
بصراحة من زمان انتبع فيكم لكن كنت مش فاضية علشان اندخل امعاكم لكن بصراحة من كثر ماني معجبة بالمنتدي حبيت انكون عضوة فيه وشكرا طبعا للادارتنا الكريمة علي قبولي كعضوة فيها والحمدلله توا انا بشحمي ولحمي موجودة امعاكم
عيوب ومزايا المنتدي
بصراحة انا في نظري ان مافيش عيوب والله مانكذب بس لايخلوا الامر من العيوب واكيد انا مش ملاحظة هذا الشيء وانحس فيه مميزاته اكثر يكفي من ضمن مميزاته اامحبة والالفة والود والاحترام اللي انشوف فيه بينتاكم وربي يعطيكم من خيره ويزيدكم ويباركلكم في اعماركم وصحتكم
وانشالله ربي يدوم عليكم المحبة والميزة الثانية ترحيبكم وتشيجعكم لبعضكم البعض
اكثر شيء لفت انظارك
اكثر شيء لفتني هو انت بالتاكيد وروحك المرحة والله مانكذب واستاذي شاهين برقة وغسوقة وودق2010 وزهرة القلوب والملاك البريء والناري اتمني ان لا اكون نسيت احد اصلا هذا طبعك تتصف بالرقة والاخلاق الحميدة والادب والاحترام
معني اسمي
رنوة قمة او منتهي الفرح والسعادة وانا الحمدلله ديما نضحك وسعيدة
مارايك بالحب في ليبيا
الحب سواء في ليبيا او خارجها هذا شعور انساني لازم الشخص يتحكم في عواطفه بعيدا عن المعاصي والذنوب بس خاصة في ليبيا في اشخاص يقدروا معني الحب ويفهموا صح حتي لو تعترفلهم بمدي حبك لهم بس في اشخاص معدومين ومجردين من الاحاسيس ويستغلوا نقاط الضعف
لذلك انا من راي ان الوحدة لازم تحتفظ بالحب في قلبها وماتعترفش به للشاب هذا سواء من الناحية الشرعية او الادبية علشان مااتطيحش من عين الشاب وكل واحد حر في طريقة تعبيره في الحب
وشكرا لمرورك اخي الورفلي اسئلتك خفيفة بصراحة

.... السلام عليكم ...

.. أختنا ... رنــــوة ....

إن شاء الله يكون اسبوع مريح في كرسي الإعتراف ...

... سؤالي الأن :

.. هو ما هو الشيء الذي يشغل بالك دائمآ ...

حين تكوني في لحظات خلوة مع نفسك ؟؟؟؟

ــــــــ


ولنا عودة إن شاء الله ...

... تحياتي ...

شكرا لك اخي علي اسئلتك بصراحة مرورك اسعدني جداً اسفة الصبح كنت في العمل وماناخذش امعاي لاب توب بس عليش القصقصة علي الصبح (( اسفة انبصر امعاك))
بصراحة مانكذبش عليك اول عرض جاني بعد التخرج اني نقعد مساعد باحث وعرض اخر هو سكرتيرة بصراحة انا مليت من الدارسة فحبيت انخوض تجربة السكرتريا ولو مليت منها توا انسيبها ونمارس عمل اخر لكن علي فكرة انا الحمدلله ننجح باسنة وراء سنة ومن الدور الاول لاني حبيت مجالي
طبعاً تخصصي هندسة مدنية بحكم مجالي البنات يتعبن في هذا المجال لكن في بنات ماشاء الله عليهن من حيث قوة الشخصية وايام ونحن ناخذ في العملي طبعاً في ارض الواقع نتعرضوا لمضايقات كثيرا ولكن التخصصات الهندسة الاخري مش متعبة قد الميدان لذلك انا من مويدين البنات يدخلن هذا المجال بس لازم يتحملن المصاعب يعني علي قد مافي مصاعب في شغل حلو بس يبي صبر ووسعة بال لكن هو مجال حلو ولازم تفرض شخصيتها

اسفة علي المقاطعة لكن الخط مره مره يفصل امعاي نرد علي باقي اسئلتك
بصراحة المواضيع كلهن حلوات بدون تحديد في تنافس جداً في المواضيع بصراحة مانقدرش انقولك علي موضوع معين
وبالنسبة اول مانفتح علي متفرقات وكرسي الاعتراف وبعدين نبدا ندخل علي الاقسام الاخري اهم حاجة عندي انمر عليهن كلهن
شكرا لك اخي تحياتي القلبية لك وكنت خفيف الظل واسئلتك رائعة وشكرا علي مرورك

شكرا لك اخي الملاك البريء علي سوالك لي فقد اسعدنيي جداً
الجواب مايدور في بالي واللي شغله بصراحة رضا ربي وانفكر شنو درت طول اليوم يعني ساعدت من وزعلت من وخاصة في العمل نتعرض للضغط وانحب يكون عملي علي اكمل وجه ومانزعل حد ومانحبش انسكرها في وجه حد مع ان طبيعة شغلي تفرض عليا معاملة معينة مع الناس انشالله اتكون فهمتني صح واني ماطولتش عليك بالجواب بس في لحظة الخلوة اكثر حاجة انفكر فيها هو ربي ورضاه عليا
شكرا لك جدا علي مرورك وكانت طلتك خفيفة مشكور اخوي كثيراً

اختى رنوة السلام عليك ورحمة الله وبركاته



ليش ما جوبتى عن معنى اسمك ؟

افضل قسم فى المنتدى تحبيه ؟

وتقبلى مرورى وليا عودة

مشكورة حبيبتي علي مرورك بصفحتي القصقصة مافيهاش ثقلة ياريت الناس كلهم كيفك انا والله حبيتكم من صمصوم قلبي
انجو انجاوبوا علي الاسئلة
1ـ الاقرب هم الاثنين اكيد لكن اكثر ماما بصراحة بسرعة ماتفهم فيا علي طول
2ـ كنت انحب اني انكون محامية لاني انحب القانون لكن اختياري كان علمي وبعدين اهلي نصحوني بالهندسة اول مرة ماكنتش متقبلة بس بعدين حبيتها وانسجمت فيها بسرعة بس ساعدتني صحبتي دخلت امعاي نفس المجال وشجعنا بعضنا
3ـ اختيار صعب جداً لكن نختار شخص انا انحبه لان صدقني اول مانحبه اكيد هانسعده طول حياته كما هو هايسعدني بالتاكيد لكن مرات هو ايحبني بس انا مانتقبلهش واتصير مشكلة لكن كان انحبه اكيد نعيشا في جنة
4ـ في حاجة مهمة بس مانقدرش نذكرها لكن انقولك عدم حفظي للقران وزيارة البيت الحرام لكن في المستقبل ممكن نقدر نحققه انشاءلله
5 ـ اكيد هانصدم ويغمي عليا ونعطيه او انسلم الي اقرب مركز شرطة لان مش من حقي هذا المبلغ لكن لو جاني هدية اكيد وراها مقابل اصلا مافيش حد يعطيك زي هذه الهدية ولو اصر اني ناخذه بدون مقابل نعطي منه الفقراء والمساكين ونعطي كل واحد يبي فلوس ونعطي اهلي واصدقائي اكيد مش هاننساكم حتي انتوا في القرعة نعطيكم ماتخافوش ونشري سيارة ونمتع روحي ونسافر اول حاجة الي فرنسا وايطاليا ولبنان لهن هذه امنيتي بصراحة انسافر مانقول شيء امغير اتجي الفرصة
6 ـ امغير تسلمي راه حبيت بس بصراحة امغير تسلموا كلكم لكن انا من زمان نعرف الورفلي وتربطني به صداقة لكن توا شكله ناسيني بحكم الظروف ومن انا نعرفه بصراحه طيب وخلوق وادب ماشاءالله عليه وعليكم حتي انتوا ماتفرقوش عنه ذوق ومودة واحترام
7 ـ كل المواضيع حلوة وجاذبة لكن بصراحة بدون زعــــــــــل قلت بدون زعـــــــل يعني ماحدش يزعل ارجوكم بليز من شان خاطري راكم تزعـــــــــــلوا جديات عاد انحب انتبع مواضيع شاهين والورفلي وانت يازهرة طبعا وغسق والاخرين امغير ايسلموا ربي يعطيكم الصحة يارب
بصراحة كلك ذوق وود اي ثقلة اللي تحكي عنها وكان عندك اسئلة رد بالك تحشمي اسئلي عادي بكل راحبة صدر حبيبتي نجك لي وربي يحقق جميع امانيك
وشكراً علي مرورك مني اجمل تحية
هذه دعوة مني لكي ياريت تدخلي وتاخذي ايميلي لو مافيش عندك مانع اتمني ان نصبح صديقات

ممكن تاخذيه من ادارة المنتدي ياريت اتحاولي انت وتوا انا انحاول انشاءلله ايصير منها هذا تفرحيني لو تكوني صديقتي مشكورة لانك قبلتي صداقتي حتي وانا ثقلت عليك اسفة جداً

.... هبا عليك بخت ... نقني زعلت بجد ....



.. الورفلي وشاهين برقه .. مواضيعهم اغلبهن في قسم رياضة ...


... وانا مش معقب جهد وداير روحي في الفورمة ...


.. طلعت برا الكادر انا وولد البيضاء .....


......... .....



.... نبصرررررررررر ... بجد احسنتي الاختيار ....

حي عليا رد بالك تزعل مني والله مش قصدي نزعلك امغير اتسلم انت والله لك قرعة خاصة والله ربي اعلم بنيتي حي عليا كان مش زعلان مني طمني توا ضروري لاني مانحبش حد يزعل مني والله اسفة هذه قلت ذوق مني بصراحة طلعت فيها قليلة ذوق راك تزعل حلفتك بالله دليل علي اني انعميت ومانحقش في مواضعيكم بالعكس مواضيعكم حلوة وجاذبة رد بالك تزعل مني امغير تسلموا كلكم حتي ولد البيضاء امغير يسلم انشالله رضيت

والله اختي زهوره شكله زعلان ملاكنا عطني دعوة في عافيتي ماني قاصدتها

في البداية مانبيش إنقولك عدنا
وما عدنا وإنديرلك حركات اسبيستون
إنخش في الاسئلة طول طوالي؟
والاسئلة هل المرة مزدوجة
بين الصعب والسهل ؟
اولا اكيد يشرفني بإن يكون هناك سابق معرفة رنوة
بس والله اانا الذاكرة ضعيفة
وديمه حاطه في الشحن خ خ خ؟
سوالي؟ افطني في كبوه؟
1_‏ لو طلب منك شخص قريب
لك { مصلحة} وكانت هذه
الخدمه يطلب إنجازها عمل غير
شرعي كالواسطه مثلا هل
تنجزيها بكل صراحة؟
2‏ ‏_ ما هو رأيك في مستوى
الجامعة ق_ ج وخصوصا
الهندسة والطب والقانون؟
الاسئله السهله
1‏_‏ ماهو الدافع الذي دفعك في
السابق للتسجيل في كلية القانون ومن بعدها حدث التغير؟
3‏_‏ رقم حذائك بكل صراحة لإني
عندي احساس بإن رقم حذائك
42‏ لإنك دبه همهمهم...
4‏_‏ الجميل في روحك هو تلك
الابتسامة التي رأيتها من خلاك
كتابتك ماهو سر صباطك اسف
قصدي انبساطك ....
ولي عوده اكيده....

مساءك سعيد خوي الورفلي صدقني انت تعرفني اكويس المشكله بالاسم المستعار ماعرفتنيش لكن توا بعد تعرفني اتقول هي هذه نقدر انقولك رمز تعرفني علي طول لكن خليك معلق هاهاها سوف تكتشف امري يوماً ما
وبعدين نبي انقولك كانك عاودت الامتحان كيف انا شكلي مانجحتش ودرجتي ضعيفة في الامتحان السابق توا انجوا للجديات طبعا مستحيل نخدم هذا الشخص اللي يبي مصلحة انشالله حتي لو كان بابا لان اهم حاجة عندي رضا الله عليا وبعدين كانك تشتغل امعاي يعني في العمل نتعرض للاشياء هذه بس بصراحة نكسف فيهم حاجة نقدر عليها نخدمهم لكن واسطة او غيرها مستحيل هذا غير الطلبة اللي ايجوك وايقولك نبوا انغشوا في الامتحانات اصلا هذه امانة او ايجوك وايقولك سربينا الامتحان