حديقة الشهيده رقيه

من زمان ونحن نرجوا ان يجي الوقت اللي نشوفوا فيه التطور في بلادنا ونلقوا اماكن عامه او ترفيهيه وبالاخص لنا

نحن البنات لان دائما في الحوش ومافي ين نمشوا ..ولما بدت الحياة في بلادنا اتغير واول خطوه كان (نادي

المراه) في مدينة البيضاء لاحظت ان وللاسف التخلف الاجتماعي مازال موجود وانا عن نفسي مشيت للنادي وواثقه

اني ما اندير في حاجه غلط والحمدلله بس لما اتجي البنت تبي تدخل يبدوا الشباب في عزق الكلام والاستهزاء :

ليييييييييييييييييييييش؟ !!!!

مش حرام .. نين عاد سكروه وتريحوا ..

وتواا نفس المشكله في حديقة الشهيده رقيه .. الشباب قاعدين قدام الباب وايبحتوا في البنات اللي خاشه واللي

طالعه ..لا والاسوء من هذا " بنظره استهزاء"نين البنت يحرموها اهلها من المشي وهذا طبعا من الشي اللي

يشوفوا فيه ..

وانا امعاكم ان للاسف الاغلب من البنات جايات لاغراض اخري بس ليش يمشي الظالم مع المظلوم ..

في بنات ناس محترمات ويبن يغيرن جو ..

ومن كثر الكلام كره الواحد ان يمشي للاماكن هذين وشنو الحل مشعارفه ؟

او من وين الخلل يبدا مش معروف ؟

للاسف البنات مش متربيات ومش عارفات حدود دينهن والشباب نفس الشي ..

بس لو استمرينا بالطريقه هذي في التفكير مش حنطوروا ولو بعد 100 سنه ..

ياريت اتفاعلوا امعايا وتعطوني اراكم ..

انااااااااا امعاك في هذه الخطوة

وياااااريت هذا ندااااء للشباب ارجوكم اتركوا البناااات بارواحهن اشووي

لان منظركم عند الباب سبب في الشبهة وحرمان بنات واجد من الخروج

يااريت تهنوا هالبنات في طلعتهن وبلا بصبصة ومش عارفة عليش القصقصة ومراقبة البنات

مع احترامي لبعض الشباب اللي يخافوا من ربي

رنوة كتب:: انااااااااا امعاك في هذه الخطوة

وياااااريت هذا ندااااء للشباب ارجوكم اتركوا البناااات بارواحهن اشووي

لان منظركم عند الباب سبب في الشبهة وحرمان بنات واجد من الخروج

يااريت تهنوا هالبنات في طلعتهن وبلا بصبصة ومش عارفة عليش القصقصة ومراقبة البنات

مع احترامي لبعض الشباب اللي يخافوا من ربي

في طائفه من الشباب يخافوا من ربي بس ياريت الكل ايخاف من ربي ..

عشان نعرفوا كيف نواكبوا الحضاره والتطور اللي مقدمين عليهن باذن الله..

وبارك الله فيك رنوه علي المرووووووووووووور والتعقيب عالموضوع ..

ماقصرتي ويعطيك الف عافيه ..

كيف ؟؟

وين باقي البنات ؟!!!

مافي حد يمشي للحديقه ؟؟

ليييييييييييييييييييييش؟ !!!!

لأن البلاد معزولة عن العالم وهذا من صنعة القذافي طبعا ياعائدة طوال السنوات الاثنين واربعين

كان القذافي يحرص على منع اختلاط الليبيين مع غيرهم ولو صار ودز حد يدرس في الخارج لازم ياخذ دورة

المدرج الاخضر المعروفة ليش ما نختلطوش بغيرنا لأن هذا يسبب تفتح الذهنية على حاجات غير مرغوب فيها

بالنسبة له ولو صار وجت شركة اجانب لازم يبنولهم كامبو برة البلاد نفس الشئ الدكاترة والمهندسين لازم يكون

لهم مساكن بعيد من الناس ويمكن هذا سبب منع السياحة في ليبيا ومنع الخمر يلي الاجانب مش ممكن يعيشو بلاه

وطبعا ساهلة جدا انك تبيع خمر للأجنبي وتمنعه عن الليبي لما تكون البلاد معزولة عن الخارج يصبح كل شئ غريب

أنا شفت مناظر عجييبة في مصر مع انها دولة عربية مش متحضرة واجد مقارنة بالليبيين يعني انا ما قارنتش ليبيا مع اوربا مثلا

ولا امريكا لكن اي شكل غريب مقبول بالنسبة للمصريين بنت تقود حافلة عجوز راكبة دراجة او موتو اي شئ

عادي هذا من الاختلاط عبر زمان طويل مع جنسيات مختلفة لما تشوف اديان وجنسيات وعادات وتقاليد مختلفة

واجناس مختلفة يصبح كل شئ عادي وغير ملفت ومقبول بالنسبة لك واكبر دليل الخليج شوفوهم في الثمانينات

كيف كانو وكيف اصبحو البنات في الامارات والكويت عادي جدا في المطاعم والنوادي مش زي السعودية لأن نسبة

العمالة الوافدة عالية عندهم واختلطو معاهم في كل شئ شوفي المدن الكبيرة مثلا طرابلس او بنغازي مع ان السكان

نفس التركيبة الاجتماعية مرات كان في البيضاء وانتقل لبنغازي لكن النضرة تختلف باختلاف المكان والسبب ان المدن

الكبيرة فيها تركيبات مختلفة واجناس متعددة تخلي كل شئ مقبول وما تقوليليش لأن غادي ما حد يعرفهم لأن فيه

ليبيين يرتادو المطاعم والنوادي مع عائلاتهم لما يكونو في الخارج وفي ليبيا لا مع انه معاه اصحابه الليبيين وهذا

لنفس السبب لما تختلط البلاد بعدما نفتكو من الجرذ الكبير توة ايجيك كلامي ان شاء الله بعدين الحديقة حاجة غريبة

في المدينة يعني ما فيش غيرها ولو البلاد كلها منتزهات وحدائق راهي عادية ما تنسيش نحن في المدن الليبية كأنا

عايشيين في معتقلات كبيرة يعني لا حدائق ولا منتزهات ولا ملاهي ولا حدائق حيوان ولا مطاعم ولا نوادي حتى اهل

الصحراء افضل منا اقل شئ يشمو الهواء ولو في المكانات هذه راهو عادي وحتشوفي ان شاء الله

هي الولا السلام عليكم توا انتي قلتي يمشي الضالم معا المضلوم ان انقولك ان مش كل الشباب ايعدو للحديقة او حاجة اخرى نحنا الشباب لما انخطموا من يلا الحديقة نلقو واحد نعرفوه نبقوا نصفتروا عليه ونقولك حاجة را اكثريت الشباب الي هنكي راهم من جماعت المناطق حتا تعرفيهم من شكلهم وشكراااا نونو16

علي بولخنا كتب:: هي الولا السلام عليكم توا انتي قلتي يمشي الضالم معا المضلوم ان انقولك ان مش كل الشباب ايعدو للحديقة او حاجة اخرى نحنا الشباب لما انخطموا من يلا الحديقة نلقو واحد نعرفوه نبقوا نصفتروا عليه ونقولك حاجة را اكثريت الشباب الي هنكي راهم من جماعت المناطق حتا تعرفيهم من شكلهم وشكراااا

وعليكم السلام ورحمة الله اخي " علي "

ومشكور علي مرورك واهتمامك بالموضوع ..

وانا زي ما صنفت البنات نوعين :

كويس ومش كويس..

قلت في ردي علي الاخت " رنوه " ان

في طائفه من الشباب محترمين ومش كلهم

سيئين وبدون اخلاق ..

وانا في طرحي للموضوع ركزت علي

" التخلف الاجتماعي " مش بس المعاكسات

ووقفة الشباب قدام الحديقه ..لان للاسف المعاكسات

اصبحن بالنسبه لطائفه من الشباب حاجه من

الروتين اليومي .. اما مشكلة " التخلف الاجتماعي "

فهذي هي الاصعب واللي علينا ان نتخلصوا منها

في الوقت الحالي لان مقبلين علي حضاره واذا مازال

تفكير الناس هكي ..فيستر الله من اللي جاي ..

ومشكوور اخي علي السفتره علي الشباب اللي قدام

الباب بس برايي الاولي هو النصح ومش

السفتره ..هههههههههههههه

وياريت اتقبل رايي بسعة صدر ..

وضحكتني علي شباب المناطق ..ههههههههههههههه

وشكرا علي مرورك للمره الثانيه ..

انقولك حاجةراهي المعاكس بين الشباب هو عيبارة عن ايستعراض للرجوليتة وليس للمرح اي يعني انهو رجل فهوا جيد فيها ليكي يري اصحابة ماذا يفعل

علي بولخنا كتب:: انقولك حاجةراهي المعاكس بين الشباب هو عيبارة عن ايستعراض للرجوليتة وليس للمرح اي يعني انهو رجل فهوا جيد فيها ليكي يري اصحابة ماذا يفعل

[size=29]

مشكووووووووور اخي " علي " علي المعلومه ..

واعتقد ان سمعت بيها مسبقا ..

بس اللي استخلصت ان هم يعرضوا الرجوله

ونحن المظلومين ..

وطبعا ما نقدروا انردوا.. يقولوا:

(مش متربيه واترد عالشباب ) ..

وشكرا ..[/size]

روزا كتب:: ليييييييييييييييييييييش؟ !!!!

لأن البلاد معزولة عن العالم وهذا من صنعة القذافي طبعا ياعائدة طوال السنوات الاثنين واربعين

كان القذافي يحرص على منع اختلاط الليبيين مع غيرهم ولو صار ودز حد يدرس في الخارج لازم ياخذ دورة

المدرج الاخضر المعروفة ليش ما نختلطوش بغيرنا لأن هذا يسبب تفتح الذهنية على حاجات غير مرغوب فيها

بالنسبة له ولو صار وجت شركة اجانب لازم يبنولهم كامبو برة البلاد نفس الشئ الدكاترة والمهندسين لازم يكون

لهم مساكن بعيد من الناس ويمكن هذا سبب منع السياحة في ليبيا ومنع الخمر يلي الاجانب مش ممكن يعيشو بلاه

وطبعا ساهلة جدا انك تبيع خمر للأجنبي وتمنعه عن الليبي لما تكون البلاد معزولة عن الخارج يصبح كل شئ غريب

أنا شفت مناظر عجييبة في مصر مع انها دولة عربية مش متحضرة واجد مقارنة بالليبيين يعني انا ما قارنتش ليبيا مع اوربا مثلا

ولا امريكا لكن اي شكل غريب مقبول بالنسبة للمصريين بنت تقود حافلة عجوز راكبة دراجة او موتو اي شئ

عادي هذا من الاختلاط عبر زمان طويل مع جنسيات مختلفة لما تشوف اديان وجنسيات وعادات وتقاليد مختلفة

واجناس مختلفة يصبح كل شئ عادي وغير ملفت ومقبول بالنسبة لك واكبر دليل الخليج شوفوهم في الثمانينات

كيف كانو وكيف اصبحو البنات في الامارات والكويت عادي جدا في المطاعم والنوادي مش زي السعودية لأن نسبة

العمالة الوافدة عالية عندهم واختلطو معاهم في كل شئ شوفي المدن الكبيرة مثلا طرابلس او بنغازي مع ان السكان

نفس التركيبة الاجتماعية مرات كان في البيضاء وانتقل لبنغازي لكن النضرة تختلف باختلاف المكان والسبب ان المدن

الكبيرة فيها تركيبات مختلفة واجناس متعددة تخلي كل شئ مقبول وما تقوليليش لأن غادي ما حد يعرفهم لأن فيه

ليبيين يرتادو المطاعم والنوادي مع عائلاتهم لما يكونو في الخارج وفي ليبيا لا مع انه معاه اصحابه الليبيين وهذا

لنفس السبب لما تختلط البلاد بعدما نفتكو من الجرذ الكبير توة ايجيك كلامي ان شاء الله بعدين الحديقة حاجة غريبة

في المدينة يعني ما فيش غيرها ولو البلاد كلها منتزهات وحدائق راهي عادية ما تنسيش نحن في المدن الليبية كأنا

عايشيين في معتقلات كبيرة يعني لا حدائق ولا منتزهات ولا ملاهي ولا حدائق حيوان ولا مطاعم ولا نوادي حتى اهل

الصحراء افضل منا اقل شئ يشمو الهواء ولو في المكانات هذه راهو عادي وحتشوفي ان شاء الله

اختي روزا ..

كلامك لا غبار عليه وهذا الواقع لان

كنا في ظلام مطبق وهذا اكيد اثر

علي تفكير الناس بس انشالله طريقة تفكير

الليبيين ككل تتغير بعد ثورة 17 فبراير..

ونحن مانبو انفتاح كامل نين ايسير

فساد اخلاقي لان والحمدلله الليبيين معروف

عنهم وبصوره عامه انهم شعب محافظ

بس نبوا شوي تطور بحيث ان التمييز

بين الرجل والمراه يتلاشي وفي نفس الوقت ما تكونش المراه

مراقبه ومعرضه للنقد دائما في اي تصرف

بسيط وغير خارج عن الدين ..

( يعني نبو حضاره في اطار اخلاقي وشرعي )..

فقط الا غير ..

ومشكوووووووره اختي ..

ان ش الله بعد التغيير انتفكو من التخلف هذا كله

برعصيه كتب:: ان ش الله بعد التغيير انتفكو من التخلف هذا كله

ربي يسمع منك يا اختي برعصيه ..

وشكرا لمروووووووووووووورك ..

تحياتي ..

» الشهيده رقيه الحاسى
» أم الشهيده رقية تحكي علي أحداث إستشهاد إبنتها
» افتتاح حديقة "ليو ميسي" للطفل في برشلونة ...