هذه العائله وين تمشي

السلام عليكم::



انا نبي نسالكم سؤال وياريت يا اعضاء المنتدى وكل المشرفين والمدراء يردو عليا::



هنالك عائله كان لها ابناء ::فاستشهد ابنائها فالجبهه.وبقت الام وبناتها..فقام المجلس الانتقالي باعطاء تعازي للاب



وصرف الفي دينار للاب..فقام الاب بالتعرف على احدى النساء وصار يصرف عليها كل شئ واصبحت الام ترى دم ابنائها يذهب للنساء الاخرياتا وزوجها..



صراحه هذه جارتي..وصديقتي ايضا::المهم::تم طرد الام والبنات..فالشارع..فوجدن احدى جيرانهم استقبلهم في بيت لان اهالها تقريبا مسافرين::اصلا ماعندهاش الا ام واخت وبس::



انا عطيتها رقم المحامي فتحي تربل وقلت لها هو فالمجلس وحيساعدك؟؟ولما اتصلت به

قال لها ::انه مش شورا وانها لازم ادير هك وهك هك::ومعش كلمها ولم يهتم بيها::اقسم بالله انا هذا الكلام صح اقسم بالله انه استكرد الامر:

كنت عندها انا وقتها بكت الام وقالت يا اعيالي وااااااااااااااااااااااااااا..يلي ضحيتو بروحكم من اجلهم شوفوا سيبوني يا اعيالي سيبوني الناس اللي رحلتو وضحيتو بروحكم عشان حريتهم ليش يا اعيالي ترحلوا وتسيبوني سيبتوني لمن..بصدق بكيت معها حتى الان انا اكره فتحي تربل ومن معه::وحتى دمعتي لازالت على خدي..



لان ابنائها كانوا رجاله بمعنى الكلمه؟

وهيا مشت لمركز الشرطه الشرطه قالت لها انتى بالك تكذبي جيبي شهود مشت تاني يوم وجابت شهود ..وبعدها المحضر تاخر ولم يصل لنيابه الا بعد اسبوعين شو فو اسبوعين..



ولمى وصل للنيابه عشان يطلعو زوجهها من بيتها ويرجعوها ..تمت كل يوم تمشي لنيابه يقولولها المحامي ماجاش اليوم تمشي تاني يوم يقولولها جايينا وفد من ايطاليا وبكره يجي::وهكذا تستمر القصه ::بالله عليكم::

هل الوفد الايطالي مش مفروض يلتقي بام الشهداء مش هؤلاء امتال تربل وغيره الذين ماشفوش الجبهه حتى بالكذب ::

انا :اكتب لكم لكي اي حد في اسرع وقت اليوم قبل بكره يقدجم مساعده نبو رقم اي حد نبو رقم مصطفي عبدالجليل او اي حد محامي كبير ويخشش الام فدقيقه لبيتها مش هؤلاء الذين مخللينها هي وبناتها عند ناس غرباء هي وكانها فالشارع::

اين انتم ياشرفاء البيضاء لتشوفوا شن حاصل فبنغازي::عفكره هي جارتي فبنغازي مش المرج::



اقسم بالله انها لازالت تجري هنا وهناك ولاحياة لمن تنادي::اقسم بانها هكذا ولم اكذب في شئ::

انا خائفه هل ليبيا الجديده اصبحت تعامل الزوجه هكذا والحق كله لرجل::غريب يادنيا ::

لا حول ولا قوووة الا بالله

ربي يهدي الناس وربي يفرج علي هذه العائله وامثالها

والله ربي مش هايسيبهم

وفتحي تربل وامثاله ربي ياخذ الحق منهم

وبارك الله فيك اختي علي المعلومه وانشاءالله الام توصل للحل قريب

السلام عليكم::



مشكورات اخواتي علي مروركم::



قريبها محامي وقف معها وبكره ماشي واتصلت بي فرحانه::لان قريبها قاللها ماعليك::

حنطرده..من الشقه وانتي ترجعي..



وغدا يتم النطق بالحكم:وتنفيذ القرار فورا::

سبحان الله شوفو ربي كيف فرجهها..

بس ربي يسامح تربل::وامتاله::رفعيين اخشومهم عالفاضي والله والله والله استكردها رسمي..

السلام عليكم::بارك الله فيكم

الحمدلله والله فرحتيني اختي بها لخبر الحلو

وانشاءالله الحكم ينطق لها ويطرد زوجها وربي يفرجها علي المحامي اللي ساعدها

سلامي لها اختي وقوليلها والله دعيتلك بالفرج

وقوليلني بكرا شن ايصير امعاها طمنيني