نمشى بيك وين ...... للشاعر عبد الحميد السعيطى

نمشى بيك وين

نمشى بيك وين
عندى كبد مفروعة اثنين
نا ياعين
نمشى بيك لين
وقتى شين كم فاهق امبين
فراق عزيز عندى موش هين

ويش اندير مكتوف اليدين
لين فية مابا يتلين

ملوى بخت من مدة سنين
وين انغدى بيك
اصحاب الصوب جو جوبة عليك
وكثر ابكاك صيور ايعميك

على وحدين بحساب ميتين
ونطلب فيك مولاى يهديك
اديرى عزم كيف الناسين
وانريد رضاك غير اوحلت فيك
انلط ايسار واتطلى ايمين
غير كنك اتجظى
نا ياعين هذالون حظى
لاها الوقت ماهو شى امرضى
دون الناس مستوة وحزين
وانتى فى يادنيا اتمظى
ما من تو بصرك فى شين
ناياعين ذايح
نتنع فيك فى ديموم رايح
نصحتك غير ماجابن نصايح
هك عزيز هكى خلو دين
نمشى بك لمن
وفاى مكان نلقالك الحن
عزيز غنوة وانتى فيك جن
يمخض فيك مرةمرتين

ـــــــــــــــــ المخضرم ــــــــــــــــــــــ

رائــــــــــــــــــــــــــع

يعجز اللسان عن وصف جمال هذه الكلمات

فليس غريب علي شخصك الكريم

شكرا همس على تذوقك الفوق رائع ..........

اسعدنى مرورك ...

ـــــــــــــــــ المخضرم ـــــــــــــــــــ

جميلة أيها المخضرم

معانيها عميقة وأختيارك لها اكثر من رائع

دمت كما تحب

بنت ابوها واكثر .. مرورك وتذوقك

للكلمات هو الاروع فى سماء متصفحى

دمتى بود وعافيه ...

ـــــــــــــ المخضرم ـــــــــ

» انخــــــــــــاف للشاعر صالح بوعياد
» قصيده للشاعر جمعه بوخبينه
» قصيدة الشباب للشاعر جعفر الحبوني