مازلت نا هو نا؟

يقول الشاعر :بوجلاوي

مازال ماسك داره .. الخاطر مع اللي يعرفو مقداره
لجواد بينهم بالكبر زاد كباره .. كبير عندهم ولهم عليه عنا
وحتى لو شكرهم ماي عليه معاره .. للناس لملاح الشكر رد اكفا
ولا من شكر واحد يجير اشكاره..الزين من امعاي ايزين قال اجحا
ولا من قرض ينساق في تياره.. لا ذم واحد لا مدح بإيحا
ومزال يبسط في العرب باشعاره ..كان البحر عنده اصفي وهدا
وان هاج وتغضب يا شقي بحاره .. قليل وين ياجد م الغراق نجا
واخيار الكلا م يفيد باختصاره.. حتى وهو قليل ان كان دل كفا
بلا شرح يعرف مقصدي بافكاره ..الفاهم الليربي عطاه ذكا
مرسولك انكان احسنت في اختياره .. على من رسلته ما يريد وصا
مازلت نا هو نا
مازلت ماسك حدي ..على ما تركني فيه بوي وجدي
لا ننجرف في دفع سيل امعدي..ولا يزحزحن ساسي ارياح اقوا
ولا يوم يبهت معدني ويصدي.. معا صهدصيف ولا جمود اشتا
ولا يغيره طل الربيع ايندي.. خوغ م الندى يردي عليه صدا
وهي للمشاكل والحساي اتودي..ما انتبع اللي في طريق مشا
وغالي علي الحق حتى ضدي .. نقوله وما نطلب عليه جزا
مازلت نا هو نا
مسّع لاكنت الغلب..ولا عمر طيبني ابواخ الجلب
ولا يرد صيدي من نبيح الكلب .. ولا يعن قافلتي سطير اجرا
ومازلت كيف نزوم زومة ثلب.. هدير فرخها ينقص يعود ارغا
ومازلت نحمل في الجواجي قلب.. يفيض بحنان وعطف خير عطا
ولكن شديد عنيد قاسي صلب .. سريع يتحول كان لمر دعا
مازلت نا هو

ما زلت نا هو نا

لاانقول عيب اولا اندير خطا

بغض النظر

ما زلت ماسك روحى

رغم المواجع رغم كثر اجروحى

حتى انكان هانونى توايم روحى

روح العزيز اتكون لى اوقا

مازلت هو القديم

ما ننكسر طول الزمان سليم

ماشى بما يرضى الله الكريم

او نحسب احساب او ما انجى دونا

مازلت ما نهتم

دوبين يجرى فى اعروقى دم

مهما حاولو لانذال فى الذم

تاريخ عندى بيش نتقا

عندى صيت

او ماضى شريف او عز فيه اربيت

ديما ايقابل وينما عديت

{تقبل مرورى اخى ابومعاذ}

حلو ورائع كالعادة ابو معاذ وحلوة صورة البنوتة وان شالله انشوفة صورة بنوتك عن قريب تقبل تحياتى ومرورى .

» مازلت من فرقاك
» رغم الألم مازلت أحبك..