جتني رنه

موضوع: جتني رنه الجمعة 26 فبراير 2010, 5:01 am

نمت ، جتني رنـــه ..... فزيت من نومي عزيز انظنـــه ..... طلع شخص رايـــق

رن البيله ..... و نا غفيوتي حصلتها بالحيله
فزيت قلت اكيد فايز جيله ..... مشتاق ما يحمل غيابي عنه
درت الاعاده دون ما نرعيله ..... نادى ، فتح ، خوكم بدا يتغنى
يا سمح يا ذاهب العقل دليله ..... وين ؟ كم يوم فرنتك نستنّى
دقايق و نا بلوعتي نشكيله ..... و هو غير يسمع منسجم لاينّه
فجأه انفجر بالضحك عطبك ليله ..... فجعني بصوت اوتانتا كاينّه
طلع قيس دزّتله رساله ليلى ..... يبي رد يحكي عالغرام و حنه
يالله احرمه مالنوم و التعسيله ..... طيّر النوم و فرحتي نلقنه
و باهي اللي مادارلي تسجيله ..... لو كان دارها هابا عليكم غنّه

طيّر نومي ..... و فرحي و ضيّق يا قرين اعلومي
انتفافى على رنه بطولة يومي ..... و هو مكر فيا دارها كاينّه
برنه بعد غفيت رق عزومي ..... فرحه و ما تمّت ، عليها هنى
نحسابه عزيز اشتاق جابه لومي ..... و عشره سنين و صوب ناره جنّه
من كم يوم و هو مطوّل صومي ..... لا مسج لا اتصال جني منّه
و اللي زاد ضاعف يا قرين همومي ..... وين نطلبه يعطي مسكّر ، كنّه
يالله المانع خير يا قيومي ..... و يالله يعود عزيز و يطمنّا

» جتني رساله