الشمعه عضو مميز
رقم العضـــويه : 52 الجنــس : الدولـــه : المدينـــه : البيضاء تاريخ التسجيل : 08/01/2010 عدد المساهمات : 1676 نقــــاط : 3351 المزاج : متقلب العمر : 43 رسالة sms :
| موضوع: كيف الحال الإثنين 01 مارس 2010, 1:57 pm | |
| كيف الحال ؟** ياللى غيابك من زمان وطال
ينشد عليك العقل .. كيف الحال؟ **
ايش اخبارك ؟ ** وليش تمّت بعيده دارك ؟
ما عاد تنشد لا تجيب عذارك ** ياللى غيابك دارلى مشغال
وياللى عزيز وكاويتنا نارك ** ومازِلت غالى والغلا مازال
سبحان كنّا حافظين اسرارك ** واليوم ما مره علينا اتسال
يا ريت كنّا رفق مشوارك ** انشيلوا حمولك والحمول اثقال
***
ويش علامك ** ياللى بعيد الدار بِعد ايّامك
ما عاد تنشد لا اتدز سلامك ** ولا عاد من شورك لفا مرسال
امرايف على قولك وسمح كلامك ** وايام الطفوله ايام كنّا اطفال
كانن احلامى اموافقات احلامك ** وياما سرحنا فى دروب خيال
ياللى عزيز وكان ليك مقامك ** ودوم عالى فى سمانا هلال
**
علينا سلّم ** وامسك الهاتف كذا وتكلّم
ياللى بلاك الوطن راه امظلّم ** وياللى بلاك العقل حاله حال
يا ما قضيت الليل غير امدلّم ** والنوم ما عنده علىّ دلال
انشد علينا يا رفيق تعلّم ** فنون الموده ياطويل حبال
**
كيف الحال ؟** ياللى غيابك من زمان وطال
ينشد عليك العقل | |
|