خلو العين ابطولها

خــــــــلو العـــين ابطولهـــــــا ..

ايجـــــــو في هويـــــــــد الليـــل وايهـــــايــولهـــــا ...

اعــــــــــزاز الكــــــــدر

خــــــلو العيــن اتـــجازي

بصـــوب العـــزا مافيـــه بيـــش اتـــعازي

غــــلا يـــاس مـو دايــــم غــلا متــمازي

حكــــايه لهــا مــدات حــايــل حولهـا

ولهـــا الوقــت مــازالت اتقــول اعزازي

شــورهم اتبـــوع كـــل مــا هــــايولهــا

خــــــلو العيـــن وحـــدهــا

وايجــي طيـــفهـم وقـتن احــلي مرقــدهـا

أيـــحـوس مــدار الــعــيـــن وايـقـعدهـــا

ســـاعة عســـيل النـــوم عــز ليــولــهــا

اتنـــوض بالغطـــا تشــلا بحيـــل جهدهـا

انـــهدن مــع كثـــر الحمــول احيــولــها

وشـــط الميـــاه همــد وغــاب مــددهــــا

نيـــن علــتـــن باتت بلا امعلـــولهــا

ومــا تـــنقــدع صلبه صعيــب عندهــا

تنســـف عليــك من الحمــول حمولهــا

اتجـــود وين ماتـــاجد كرم تاجـــدهــا

وتنوض ويـــن تداعـــى النــاس اخيولهــا

غيـــر الــزمن مـــايل اليـــوم زهــدهــا

وقـــتن اتنوض اينــوض ياس ايدولهـــا

انسيـــها الغــايب والقريــب زهدهـا

وعيبت ومــا كــانت العيب ايطولهــا

ما لها حبيــب ان غيبـــت يفقــدها

ولا لها ناس ود ان ما اتجــي يمشولها

الـــلي صيــــفا

للعيــــن مـــازالـــت عليـــه الرفــــا

بيـــهم اتهــاتي هــدبــها ماغــفــا

تـــعزق اغــطـاهــا ويــن مــا هفــولهـا

خــايف اتمــوت بكمتها وحســـفا

اتســـيل وفزعتهــم بكــاء جابولهـا

وان كـــان هــي شكت تشغــل اللي يعرفــا

وحتى اغــراب النـــاس يستمعــولــها

تيـــار صــوبهم تـــاعب قوي جـــارفـا

والنـــاس فيهــم بالجــفا يفـــتولــها

تنشـــد عليـــهم ما الغير جـــرفــا

ولهــم ادزز كـــان ما دزولــــــهـــا

وهــم بــالعطيــبه راديــن سلــفــا

ومــا من سوايـــا موجعــه دارلوهــا

امغيـــر مشــكلتــها حنها ورهــفا

عليـــهم وهـــم بــالغــدر يلتفتولــها

وانحـــاول انديـــر العكــس وانخــالفا

وانبــــات غيــر تغلبـــني ان كان اطرولها

اقــــريب بكـــاها عـــمرهــا كلـــفـــا

امغـــير الحســايف شي ماخلولهـــا

وهـــي في شركـهم حاصله مكتـــفا

حتى المــــــره مرهـــا حلولــــها

خونة بيـــاض اسنونهــم غلفـــا

جرعــات سم في قيــر العســل دسولهـا

خــــلو العيـــن اتراجي

هـــويــد ليـــل والطيــف البــعيد اتنـــاجي

امتليـــت سماها والفلـــت قجــــاجـــي

دمعة اتـــذرف عـــــايرات اسيولــــها

عليــما نهيـــت وقلت دمعك داجـــي

الدنــيا فنى قصرت سوا كي طولهــا

ودســـي عقــــاب الدمع له تحتاجي

عــــامره الدمــعه تلتقى ميمونـــها

وقـــتن أيـــامك بالميـــول اتفـــاجي

وترخي الدنيــــا بالظلام افــتولهـا

قـــالت عليش اتقــول في اتحاجـــي

ســهاري لـواجد موش لي اتقــولها

انا شبــت م الدنيـــا وشاب حجاجي

وطـــاحن اهدوبي من منــاظر هولــها

اتســاند اللي علا ودار ابــراجــــي

واللي كيـــفنــا ســـاهل عليه اميولها

ولهـــا ســم يـــاخذ كـــل يوم افواجي

سريـــع ف العقـــول الـدامره مفعولــها

ولو كـــان فيها خير منــــهــا نـاجـي

المسلم وما طــاحو اللي انطـــاعولها

خــــــــلو العـــين ابطولهـــــــا ..

ايجـــــــو في هويـــــــــد الليـــل وهـــــايــولهـــــا ...

اعــــــــــزاز الكــــــــدر

» حوار بين العين والعقل
» يا سواد العين يا روح الجسد ..
» عشر لحظات يبكي لها القلب قبل العين