مداخلة بين "عبد السلام بوجلاوي" و "إبراهيم بوجلاوي

اهداء الى جميع اعضاء المنتدى

مداخلة بين "عبد السلام بوجلاوي" و "إبراهيم بوجلاوي"
أخدم بجد اوصدق في دنــيــــــاك
ولكن اليوم المـــــــوت دير حساب
ربي كلفك بــالعقل كيــف نـــــشاك
على ماخلق فوق الوطـــــاه دواب
وبهن بيش تصرف أفكـــــــار عطا ك
ونزل امنجلك ع الرســــول اكتاب
تفكر غداً لله يـــــوم لقـــــــــــــــــــاك
ماتغربك زهـــــــــــــــوت ايام شباب
ونجاك عفو ماغير الكــــــريم عفــاك
وعلى كل تايب ربنـــــــــــــــا تواب
ونجاك خير ماغير الكريم عــــــطـــاك
واللي قاســـمة تطرق عليك الباب
ومــا أنقولك خــليك تحت أغطـاك
راقد ايجي رزقك بـــدون اسباب
أسبب أوخـلي فـا الصواب أخــطاك
ايعينك الله سبحــــــــان ماتغلاب
ولا ع الفقـــارة تفتخــر بـــــــــــــغناك
ولاالقل يسمى عليك أغـــــــــــــــــلاب
وحــمد الـمولا وشكــرة ابـــــــغـداك
وقول العشى عنده اوهو جـــــــــياب
ولا تــرتعب خــــليك في مصبـــــــاك
عليك انتعدا واعتـــــــــــــــدى نهاب
بــصيرة أومورايــد ابـــها مــــــــــولاك
انراد امخلوق ايديرلك كـــــــــذاب
ونجـــاك شي ضرك من افراد اعــداك
مكتوبلك اوجعلهم الله اسبــــــــاب
وحسب احــساب القــــــــــبر راه وراك
تجية في كفن مسبول فوق اخشاب
مـــا ينفعوك ابنفس فيــــــــــــه ضنــــاك
ولاابواسطة دلوك اتشـــــــيل شراب
ادنــاها قـريب التـربتك دنـــــــــــــــاك
ويشيل بالته يسفى عليك اتــــــــراب

ويـــاتيك سايـــل وينما خـــــــــــــــلاك
على قيس مفعولك اترد وجــــــــاب
انــكان شــر يشـــهدبه عليك عضــــاك
ونكان خير ماتشعر اباب ارهـــــــــاب

من هنا لشايب إبراهيم بوجلاوي

ولا اتعبـــه ع الدنيــا اديـــــــــر اعبـاك
اثبت بالتجارب دهـــــــــــــرها قلاب
تفقــر غنيـــها نين يشحت جـــــــــــــــاك
وتغى اللي جايك اوهو وهـــــــــــــــاب
والمـــال راها كيف الوسـخ في أرداك
ايعدي مع غسل المـــــــــــــــــوية ذاب
يفننه سنين الكــــــــــــــرب لا مـاجـــاك
هي ميش ديمه سيلها دعـــــــــــــــــاب
خلـه على قــل الـرجـــــــــال ابــكــــاك
مافيش وادي ابغير اشعــــــــــــــــــــاب
ولو امطرت عشر أيــام حـــــط احـذاك
بلا اميوح مايملا البير سحــــــــــــــاب
ونسه سيت الصاحب انكان جـــــفـــاك
بلاه راك ماتكبر اولاتنـــــــــــــــــــهاب
راهم ايقولوا خـــــــــــــــوك مــن والاك
اوعدوك عدوك لو بقي شرهــــــــــاب
نـــاعلى وصيتـــك اورد بــــــــــــــــــداك
وصاه خلها بين العيون احجــــــــاب
اختمت يــالمتصنت ابقول حشــــاك
الله ناعل النمام والكـــــــــــــــــذاب
ونـا عل البخيل امعـاه مـوش امعـاك
وناعل الذليل اللي المـــوت ايهاب

قصيده رائعه و فيها من الحكم و المواعض و التي للاسف الكثير منا يتجاهلها

احسنت الاختيار و مرحبا بيك في منزللك الثاني و بين عائلتك

تقبل مروري الشمعه

» منتسبي "المنظمة الوطنية للشباب الليبي" اليوم الثلاثاء, 12 يناير إعلانا بمناسبة احتفالهم بـ "السنة الليبية الجديدة".
» "أنفلونزا الماعز" وباء جديد يهدد الدول الأوروبية
» "قناة الساعة" تمنع العاملين من دخول مقر القناة