طريقه العصيدة من يدى

المقادير :

• اول بادى نجيب كبايتين دقيق سمح • 3 أكواب ماء .

• عسل وسمن أو زبده أو رب والزيت .

• وشوى من الملح .

الطريقــة :

• يوضع الماء في الحلة علي النار وينحط عليه الملح ونخليه نين يفور

بعدها ناخذ نصه بره

•نزيد كاشيك زيت في الماء المتبقي ويرش فوقه الدقيق بسرعة مع التقليب

بالمعصدة كلكم عارفينها المعصده موغابى فيها حد

.

• ترفع من علي النار وتعصد نين يتخلط الدقيق ولميه مع بعضهن زين

وكل مرة نزيد شوى من الميه اللى طلعتها بدرى

وكل مرة نصب شوى ميه ونعصد نين تطيب زين وتقعد تقول مستكه

• ترفع من علي النار وتعصد مرة أخري .

ندهن الصونيه بشوى سمن والا زبده وتفرغ فيها العصيدة ونملس

بالسمن أو الزبدة وندير فيها نقره سمحه

ونريها زبده وسمن ونحط فى النقره عسل والا رب

وكلو صحتين وعافيه ورانى حرة نار شايطه فى دور العصيده.

عـصـيدة بـرب وسـمـن .......مـلاها دلال لـوكـان بالـعـسـل

بارك الله فيك اتمنى ان نشوفوها على الطبيعة مش على الشاشة

تكرام يا ولد لجواد موش اخساره فيك انت واصحابك

سلمك والله عصادة

سهفتيني عطك البلا

انقولك سر ما تقوليش لحد

انا ما نعرفش انعصد عارفتها فضيحة لكن الله غالب

حتى كان عصدت ما نعرفش انحطها في الصونية

راك تقوليها لحد هههههههههههههههههههههههههه

شوكرا يا غدير ما فيهش شيى علم دورت العصيده

مغير ديرى المقادير اللى قتلك عليهن واساع اتعلمى

خير ما يقولو عليك باير

يسلموااااااااااااااااااااا

عطك الصحة .. ويسلمو ايديك

صحه صحه ..سلم ايديـــك ..

سهفتينا علي العصيده

غدير حتي انا مانعرف نعصد شن رايك تعملوا مع بعضنا تجي كي ماتجي

نعزموا عليها جماعه السليفوم

طبعا تحت اشراف

العصاده مستوره

طريقه العصيدة من يدى 712706

» العصيدة
» طريقه عمل كعكه النسكافيه
» طريقه لتنضيف الرئه من الدخان