الى محسن الفاخري .الورفلي.المغتربه.لميس

انتو وصفكم فرق عالناس::::::وفيكم مزايا غريبة

وانتو وزنكم وزن رياس::::::والرايس برئ مالعطيبة

وانتو طيفكم دار وسواس::::::ومعاه نوم غالب انجيبة

وانتو عقل مليان بحساس::::::وانتو اعزاز من غير غيبة

وانتو قرعة العقل مالناس::::::وانتو وصف ايطول سريبة

الخاتمة ضيء وناس::::::دليل كل ذاهب ايجيبة

(تقبلو مني هذه الكلامات التي اتمنىان توفي ولو بجزءبسيط في حقكم)

تقبلناها .... شكراَ الشمعـــــــــــــــــة . اسم على مسمـــــــى . تذوب من اجل ان نرى الجانب المظلم فى زوايا المنتدى .... وتراكمات المبدعين والمبدعات .... تقبلى فايق احترامى وتقديرى .

عزيزتي الشمعه

يعجز لساني عن التعبير ..

دمــــــــــــــــــــــــتي لنا شمعه مبدعة دئمااااا في المنتدى ..

بارك الله فيك وان شاء الله انكون ديما عند حسن ظنك ..

المحبه لك في الله

لميــــس

و كنا نحن برا الخوطة يا الشمعة
هههههههههههههههه

شكرررررررررا عزيزتى ....شمعة ...احلى شمعة
بس ليش عزيزتى كل هذا الجفاء......لكى سكتات واختفاءات بين الحين والاخر....

فارجو ان يكون المانع خير ولا ...ولا تحرمين من فيض ما عندك....فكم قال مبدعنا الفاااااااااخرى انت التى تنير المظلم فى المنتدى

ونقولك ياااااااااااغالية

يا غالية عليا ماناسيك
وكيف ينتسي هذا اللي غالاك
نجوب الدنيا ونلفها ونجيك
ويزهي الخاطر كل مايلقاك
ويا حال غيتي راني شاريك
ونحارب الدنيا علي سباك
وكان تبيني راني نبيك
وكان نسيتيني ماننساك

شكرا ايتها الشمعة اخجلتي توضعي...بهذه الكلمات التي اعطتني جرعه نشاط لا توصف
بارك الله فيك***
يارب حليها **ومن خيرك اعطيها*
ومن الحاسدين إحميها**تراها غالية ونخاف عليها**

حيا الله مطلع شمس السياده .. وسقى عيونكم روض الفضل و السعاده .. اصحاب المجد و
السماحه ..
مالكين ازمه البلاغه و الفصاحه .. جعل الله ايامكم بالمسرات زاهره .. وابقى طلتكم في سماء
المنتدى
باهره .. ينبئ عن صافي الوداد .. و يخبر عما في الفؤاد .. من خلوص المحبه و الاتحاد .. و
يجلو عن
الالسن حسن تكريرها .. و عبر عن صدق الوفاء طيب عبيرها .. وشوق يفل عن البيان .. و
يكل دونه البنان ..
بكل سرور تناولت الاعز مروركم على اهدائي .. و اطلب من الله ان يمد في عمركم على طاعته و
ارضائه

غسق غير تسلمي انتي قولي شن تبي و يسترني امعاك الله

بس انقولك

خليه خاطري امسكـر علـي مافيـه

راك تفتحـه تبكـي اسنيـن عليـه

مــاتــقــرب شــــــوره

خليـه فاقـد بسمـتـه وســروره

وخليـه دافـن علـتـه مطـمـورة

وخليـه متناسـي الــي مكـديـه

لو تقربـه تبقـى اسبـاب اسمـوره

وتخطـر عليـه اقـهـار وتبكـيـه

اشبوب الزها مايـوم نزلـن شـوره

وديما الـي فـي غايتـه اتخاطيـه

عاليـات ماهديـن نهـار ابحـوره

لرياح لربعـة تخـلاق برمـن بيـه

عايش معيشة اتقـول بيـن اقبـوره

ان كانهو خذا غفـوة خيـال ايجيـه

وعايـش ابنـار املهلبـة مكبـورة

اتقـول حالفـة بيميـن ماتخلـيـه

محبوس ابضليمة افسجن عالي سوره

وفـارح ابحكـم اعـدام ومراجيـه

خليه خاطري امسكـر علـي مافيـه

راك تفتحـه تبكـي اسنيـن عليـه

امــســكــر بـــابــــه

لاتفتحـه تبقـى اسبـاب عـذابـه

واتخطر عليه اوحود كانـو احبابـه

وكانو اعزاز افوقـت فـي ماضيـه

ودارو الـي مادارهـا فـي احسابـه

فيهـم ان حتحتـه ابهـم عـزيـه

منهـم فقـد السيطـرة وصـوابـه

ايهفـو اوقـات اينـزحـو ماقـيـه

لاتخطـرة رانـي قفـلـت اكتـابـه

موالهـم حسبـت الــي ناسـيـه

خليه خاطري امسكـر علـي مافيـه

راك تفتحـه تبكـي اسنيـن عليـه

لاتــخــطــر مـــاضـــي

هو سبب جرحي وهو اسباب امراضي

الخاطر معبا اهمـوم ماهـو فاضـي

خزيـن الكوايـن ســاده كافـيـه

امغيـر مايـوري دائمـاً متغاضـي

لـو تدخلـه ماعـد حيـاة اتعطيـه

خصما محامي ومستشـار اوقاضـي

حكـم البـراءة مانـهـار ايجـيـه

عاش في زمان عليه ماهـو راضـي

قـاوم نصيـب اوفالعقـاب ارضيـه

خليه خاطري امسكـر علـي مافيـه

راك تفتحـه تبكـي اسنيـن عليـه

خـــلـــه امــســكـــر

لوتفتحـه ماضـي نسـاه اتـذكـر

وتخطـر عليـه الـي عليـه تنكـر

الـي بايعـه وهـو بالغـلا شاريـه

اسباب الخطا فيهـن الخاطـر فكـر

ايريـد يلتمسلـه عـذر مولاقـيـه

ضايـق ملاجـه خاطـري متعـكـر

وحامل مـرض ماعـد دواء يشفيـه

وسابـق خريفـه عالربيـع وبكـر

ويـاس ابقبالـي يردمـن سافـيـه

كان قدرتي اتراعي الكلام اللي فوق اطلبي اي حاجه وانشالله ننستر امعاك

تسلمى عزيزتى ... كنت نمزح معاك فقط ..
لكن بالدلالة نطلب منك شعر على الام
................
سببتى لى حيرة عندما قرأت تلك الابيات ... ليش هذا الشعر بالذات

تقبلي اعتذاري ع التأخير

[b]لا قبل قالوا لا حنان بعدها تسمر علي شانك الليل وحدها [/b]
[b]
لا قبل قالوا لا هناك مثيلها ولا فيه ف الدنيا حنان بديلها
تفرج عليك الهم كي تحكيلها وما من دبارة خير كي تنشدها
تمسح دموعك وين ما تشكيلها وكان قلت يام اتنوض من مقعدها
وبيتك هذك حايس ايحير دليلها ليلة رقاد الناس ما ترقدها

هي المحنه وهي العطف كله من اخلاف امنه
ان غبت تسمعها افلين كنه اتكابي بطول الليل في مرقدها
وهي اللي رضاها من رصيد الجنة لوما الشرك انقولك تعبدها

مي منانة وهي الود كله ومنبته ومكانة
وهي اللي معاها ما تجيك خيانه رضاتها رضاك وكل شي يسعدها
تفرح مع فرحك وهي زعلانة وتشكر نباك وشينتك تجحدها

هي العطوفة علي كل غايب لاحقتها خوفا
وهي اللي تمشي كل حد بضروفة كي زوجها والبنت كيف ولدها

هي اللي لو ريتها اتقول مرحبا ع الحال لا لاقيتها
تواطي علي شانك طرايق بيتها يوم ميتك والناس ما تنقدها
هي اللي صبايا حتى ان كان تزعل للخلا بكاية
كان حقت العيب اتقول عنا هايا ويجن اوقات ما تلقى اللي يسندها
هي اللي لولاها مايصير ف الدنيا عمار بلاها
يلتمن ادموم الناس من سباها وما من بعيدة بالنسب تعقدها

هي الحنان وهي مصدرا في كل كاين كان
وهي اللي خلقها ربنا سبحان من ضلع آدم ف الكتاب اكدها
وهي اللي عليها حرضاً لديان رضاتها ارضات الله كي تاجدها
كي ذكر مريم بنت بن عمران الخالق الباري بالعذر مجدها
باتت اعجوبة سر ها الزمان جابت غُلام ومن الدنس باعدها
وموسى عليه اعطفت ف الميدان مرة الطاغية كيف الكريم رشدها
وحنة حليمة حن م الوجدان ع الطفل اليتيم وجوزها حودها
حتى وهو فقير الرزق من الرحمن ذكر الكرامة ف الكتاب خلدها
وباتت خديجة للوفا عنوان مع زوجها صبت بحيل جهدها
وما من امثال تجيك في الأديان تبين مواقف الأم كي نجبدها

ما فيه والي كيفها ولا فيه هيف يجيك يشبه هيفها
حتى كيف تلحض في منامك طيفها تصبح سعيد وعيشتك حامدها
مهما يزيد الشعر في توصيفها وتجمع جميع الناس وتمجدها
ما يقدروا ضني علي تشريفها شيالة عمار الكون في مزودها

لا قبل قالوا لا حنان بعدها تسمر علي شانك الليل وحدها[/b]

» الورفلي & لميس & مروش ؟؟!!
» زيارتي لـ (((( محسن الفاخري )))
» خطم للشاعر اروعي الفاخري