الجبل الاخضر(البيضاء)

عندي العقل كي غونن نوى ف الحال ارحاله شال عدل وجهته شرّقً عمد لـجبال
ع الكوف جبّا ضاع كل ضيام سبّح الله بقدرته العظيمة
فعلاً جبلنا راسمه رسّام مسّة هلب فيها مع التظليمة
وفات البلنج بسيل دمع جمام وكيف ما يبان البدر فوق الغيمة
بانت البيضاء نايره الظلام دخلها وفات الجامعة تصميمه
وجا للعروبة لقي الناس نيام الخاطر دعا مولاه تبقى ديما
البيضاء هنية وعامرة برجال
عندي العقل كي غونن نوى ف الحال

* * *

هلب بنغازي
وخشّ الجبل الاخضر بشوق يزازي
حكم الجبل عالقلب حكم النازي انكان ماقتل مارحمته تنطال
امرايف رياف العمر ماني هازي لاجل اربيت وعشت فيه دلال
وحتى ان كبرت وشالني عكّازي هونة الجبل والله م المحال
عندي العقل كي غونن نوى ف الحال

* * *

هلبها برقة
عدل جيهته جبّى رحيله شرقه
مرايف وناره في الجواجي ترقى علي وطن مو قابل عليه ابدال
امرايف علي عدّ الشجر بالورقة وعلي عدّ الوطا بـالشبر والاميال
ومرايف علي صفوة سماه الزرقا وع الكوف والبيضاء وع الشلاّل
عندي العقل كي غونن نوى ف الحال
ارحاله شال عدل وجهته شرّق عمد لـجبال

» ماهو افضل حمام بخارى لديك فى الجبل الاخضر
» قائمه باسماء شهداء الجبل الاخضر ... شهداء 17 فبراير
» تقسيم فدراليت مدينت البيضاء