ادريس استيتة عضــو
رقم العضـــويه : 401 الجنــس : الدولـــه : المدينـــه : البيضاء تاريخ التسجيل : 08/06/2010 عدد المساهمات : 27 نقــــاط : 92 المزاج : عال العمر : 59 رسالة sms :
| موضوع: نيويورك لندن القاهرة طرابلس الأربعاء 23 يونيو 2010, 6:16 am | |
| نيويورك
المتصل : الو... 911
911: يس نحن معك... ماهو بلاغك?
المتصل: حالة اقتحام منزل من قبل مجرمين مسلحين
911: حدد موقعك?
المتصل : 15 شارع مانهاتن منزل رقم 21
911: أهدا.. سنكون هناك خلال دقائق
لنـــــدن
المتصل: هالو.... الإسعاف
الإسعاف: نعم... أي خدمة?
المتصل: الحقوني .. هيلب مي !! اشعر و كأني سوف أصاب بسكته
الإسعاف: حدد موقعك?
المتصل : مايفير ... 12 شارع كوينز واي
الإسعاف : إهداأ سيصلك العون بسرعة
القاهـــرة المتصل: الوووووو.... بيتزا هت
بتزا هت : نعم معك... أي خدمة?
المتصل: ازيك يا باشا?
بيتزا هت : اختصر يا بيه... اي خدمة?
المتصل: بليز.. عاوزين 2 بيتزا سوبر سوبريم حجم كبير بيتزا هت : عيوني يا استاذ
انت تؤمر
المتصل: الله يخليك يا باشا
بيتزا هت: العنوان يا بيه?
المتصل: المهندسين... 9 شارع لبنان
بيتزا هت: ثواني و يكون طلبك عندك يابيه طرابلس المتصل : الو... المطافىء... الحقونا
المطافىء: اهلين خوي... يا خوي شويه شويه.. شني فيه المتصل: نار نار... حريقه
المطافىء: كأنك قلت شيء جديد.. عارفين انها حريقه... المتصل : بسرعة.. الحقوا... اهلى كلهم في الحوش
المطافىء : لا تخاف .. تعرف سبب الحريق؟
المتصل : شني عرفني.. بسرعة
المطافىء: باهي اعطينا عنوانك
المتصل : انا .. انا... في الشارع الغربي
المطافىء: وين؟
المتصل: وين... انقولك.. تعرف جامع بن لامين المطافىء: وينه هذا ؟؟؟
المتصل: طيب يا خووي تعرف المعصرة ؟
المطافىء: لا.... لحظة نسال عليها......
المطافىء بعد دقايق طويلة : لا ..
ما حد يعرفها... يا وخوي قولنا مكان معروف
المتصل : باهي... تعرف قاعة الشعب؟
المطافىء وين تحديدا.. ..وين من الكبري؟
المتصل:: جاي بالكلام يا بووي... تعرف جامع حركات؟
المطافىء: ايوا نعرفه .. وين من حوشكم؟
المتصل: و انت جاي و نازل من الكبري.. امشي لين توصل كوشة
العجيلي.... وبعدها فوت الوسعاية الاولي نفس الخط ... المطافىء: وبعدين.. كمل
المتصل: باهي ... لما تزيد القدام تلقى الوسعاية الثانية المطافىء: وسعاية الحبتي
المتصل : ايوا فوتها شوية و اسال على السوري المطافىء: السوري شني؟
المتصل: السوري الكهربائي المطافىء: باه .. كمل يا بوي
المتصل: لما توصل للسوري.. حتشوووف شجرة كبيرة متاع حوش المرحوم
احمد العجيلي... خش الزنقة.. و بعدها تشوف حوش احمر
المطافىء : احمرفاتح او غامق؟
المتصل: ووووه خيرك معايا.. تعالونا يا ناس المطافىء: تي باهي خيرك ادف قولنا وين حوشكم؟ المتصل: وين وصلنا؟
المطافىء: عند الحوش الاحمري
المتصل: ايوااا ... بعدها لف يمين في شمال .. حتشوف الحوش
ينحرق...هذيا هو حوشنا
المطافىء: وين ؟؟؟ وين من حوش "حمد" متاع ايجار السقالة ووديع القرقارشي؟ المتصل: ايوا.. انتا تعرفهم؟
المطافىء: كيف ما نعرفهم.. كنا صغار حارة وحدة ايام زماان.. وديع
صاحب المرسديس الكحلة
المتصل: هاذو جيراننا.. حوشهم قدام حوشنا
المطافىء: خلاص.. توا انشوفلك لو الشباب موجودين نبعتهملك
المتصل: وك وك وك .. باهي يا موجودين
المتصل: اسمع ... راهو الحوش طاح على اهلي.. ابعتلنا الاسعاف المطافىء: كل هالخظة على خاطر تبى اسعاف.. يا بويا.. هذي
مطافىء... اتصل على الاسعاف واطلب لك سيارة... تشاو .. الله يتولاك برحمته المتصل بسرعة: الو الاسعاف
الاسعاف: نعم.. خير..
المتصل : نبي سيارة اسعاف.. الحوش نحرق على اهلي الاسعاف: باهي .. وين حوشكم؟ المتصل : لا حول و لا قوة الا بالله
المتصل : تعرف حوش حمد متاع ايجار السقالة؟ الاسعاف: لا... منوا هذا؟
المتصل: باهي تعرف حوش منو في الشارع الغربي؟ الاسعاف: نعرف حوش الظراط
المتصل : من هما ?
الاسعاف: بيت "الفلاني "
المتصل: غيرهم.. ما نعرفهم الا بالشكل
الاسعاف: عيب عليك.. صغار شارعكم ... باهي وين من بيت
"علان العلاني"
المتصل : عليك نووور..... انت اوصلهم .. وحوشنا وراهم على طول..
حتشوووف اثار النيران و الدخاخين في كل مكااان
الاسعاف: اوكي .. ان شاء الله حيكونوا عندك المتصل: لحظة
الاسعاف: شني
المتصل: تعرف على اي رقم نتصل لو كانت عندنا حالات وفاة ؟؟؟ فهمتم الموضوع ؟؟؟
لو طلبت منكم توصفوا لي بيتكم في سطر او سطرين...
هل تقدر توصفه بحيث اني ما اضيعه !؟؟ سوف تكون محظوظ جدا اذا كنت تسكن بجوار فندق خمس نجوم
أو مطعم معروف جدا او مستشفى خاص كبير ..
| |
|
لميس عضو مميز
رقم العضـــويه : 25 الجنــس : تاريخ التسجيل : 12/12/2009 عدد المساهمات : 1750 نقــــاط : 1266 المزاج : الحمد الله العمر : 36
| موضوع: رد: نيويورك لندن القاهرة طرابلس الخميس 24 يونيو 2010, 1:16 am | |
| شكرا اخي ادريـــــس على موضوعك الرائع وعلى تميزك
والله صحيح ان شر البلية مايضحك ..
من يصدق ان ثمة دولة بها شوارع بلا اسماء
ولا عناوين ومنازل بلا هوية ولا ارقام!!
اللهم اليك نشكو ضعف الحال مع مانملك من ثروات وأموال ..
على اي حال اعتقد اسفا بان لو
اخضعنا لاي مقارنة من هذا النوع
(( خاصة تلك التي تميز بين مجتمعات راقية واخرى متخلفة ))
فان بلادنا ستتربع على قمة القائمه
في كل ماهو سيئ وفي ذيلها فيما هو مفيد للانسان..!!
مثال الحريق يعطينا الفرق بين دولة تحترم مواطنيها فجعلت من
خدمته اساس وجودها واخرى لايهمها
المواطن الا في مقدار الضرائب التي يدفعها
ودرجة قربه او بعده من السياسة .. والباقي ..
تفاصيل تافهة كمعرفة عنوان منزل محترق مثلا !!
لعل الله ان يصلح الاحوال ويعوضنا خيرا ..
| |
|
روزا عضو متقدم
رقم العضـــويه : 582 الجنــس : الدولـــه : المدينـــه : البيضاء تاريخ التسجيل : 27/07/2010 عدد المساهمات : 260 نقــــاط : 406 المزاج : هادئ العمر : 44 العمـــل : مهندس كمبيوتر تعاليــق : اعمل لدنياك كأنك تعيش ابدا واعمل لأخراك كأنك تموت غدا رسالة sms : اتق الله تجده تجاهك
| موضوع: رد: نيويورك لندن القاهرة طرابلس الجمعة 30 يوليو 2010, 5:02 am | |
| الغريبة انهم حتى لما دارو مشروع عنونة الشوارع داروه خطأ يعني مثلا في حي ال300 كل شارع ليه اسم سناء محيدلي قرطبة وهكذا وهذا صعب في الصف لما ايجيك واحد ما يعرفش الشارع اصلا واتقوله حي 300 شارع سناء محيدلي معناها هو يبي يبدأ في ال300 من أولها لأخرها دوارة والأصح انه يكون كل شارع له رقم يعني حي 300 الشارع 21 بيش تكون الدوارة زي ما ادور صفحة في كتاب وهذا اسهل وهو المشهور عالميا يعني في مصر مثلا ايقولك شارع 6 كتوبر الفرع 60 وهكذا يا ريت بصراحة يغيرو طريقة العنونة هذه | |
|
الورفلي عضو برونزي
رقم العضـــويه : 16 الجنــس : الدولـــه : المدينـــه : البيضاء تاريخ التسجيل : 07/12/2009 عدد المساهمات : 3262 نقــــاط : 2364 المزاج : جيعان العمر : 41 تعاليــق : كن مميزا ولا تقلد أحد.... رسالة sms : أللهم أنت ألامجد ...ولك أسجد ...
وأليك يدي أمدد...أن تحفظ ناس
أحبهم فأشهد....أمين
| موضوع: رد: نيويورك لندن القاهرة طرابلس الجمعة 30 يوليو 2010, 12:52 pm | |
| لا أملك إلا الضحك !!يحفضنا الله تي والله كان إتصير شي حاجة إنعدوا فيها ...نحن في المدينة إنشوفوا في الطيارات اكثر من سيارات المطافي ههههه صحيت يا ابو ستيته قوية جدا وشديدة علي جماعة المطافي والاسعاف!! | |
|
ام أيوب عضو نشيط
رقم العضـــويه : 63 الجنــس : الدولـــه : المدينـــه : البيضاء تاريخ التسجيل : 13/01/2010 عدد المساهمات : 470 نقــــاط : 418 المزاج : الحمد لله العمر : 42 رسالة sms : قد يتحول كل شئ ضدك ويبقى الله معك فكن مع الله يكن كل شئ معك...
| موضوع: رد: نيويورك لندن القاهرة طرابلس الجمعة 30 يوليو 2010, 5:01 pm | |
| شر البليه ما يضحك, الله المستعان..... مشكور استاذ .. | |
|
المخضرم عضو سوبر
رقم العضـــويه : 285 الجنــس : الدولـــه : المدينـــه : اجدابيا تاريخ التسجيل : 19/04/2010 عدد المساهمات : 2020 نقــــاط : 1671 المزاج : إريد يطربق العمر : 54 العمـــل : م ... نفط تعاليــق : هى : لَمْ تدرِى كمْ أهزلني [الجوى] و أنني لا أُطِيقُ [النوى] و آهٍ من
صُبْحٍ دونَهُ كم من وجعٍ [حوى]!!
رسالة sms : أنا لست ضد رحيلك.. لكن.. أفكر أن السماء ملبدةٌ بالغيوم.. وأخشى
عليك سقوط المطر فماذا يضيرك لو تجلسين؟ لحين انقطاع المطر .....
| موضوع: رد: نيويورك لندن القاهرة طرابلس الجمعة 30 يوليو 2010, 10:22 pm | |
| توه خلاص يا أدريس ما ألقيت مع من تقارنا الا
بأمريكا وبريطانيا !!!! ضاقت الواسعه .... انـــت
غير شوف دبى ..... المشكله مشكلة وعـــــى
لا أكثر .... بالرغم من السوق والمبانى الموجوده
فيها وتقدمها الشكلى فقط .... الا انه لازالت فيه
بعض الاماكن موجود بها الزرائب واكواخ الصفيح
والخيام الى هده الساعه .... ادن المشكله هـــى
مشكلة وعى لا أكثر .... تقبلو مرورى ..... | |
|