اللى مارد عليك

مع الاعتــــذار لحسناء الجبل

الله لا يردك

ولا يوم تنشف دمعتك عن خدك

ياخاينهوعودك الله لا يردك ...

الله لا إتجيبك

ولا يوم تمليهن إعيون حبيبك

والله لا إيبارك عام فرحت عيدك

وجميع من إمعاك اليوم بكره ضدك ...



الله لا يصونك

وبكره إتنوضى إمغمضات عيونك

مانور فيهن بيض كيف إسنونك

والناس تكرهك ما حد يمسك يدك ...



الله لا إيعينك

وجميع من ايشوفك يقهرك ويهينك

لين تنخزي ويبان فوق جبينك

عديمت اخلاق افمنطقك وفي ردك ...


الله لا إيدلك

على كل فعك الخير ربي إيضلك

ودروب المعاصى إبقدرتا يسهلك

ويوم القيامه م الشفاعه إيصدك ...


الله يخزيك

ويرد ربي الظلم كله فيك

لاترقدي فى الليل لايهنيك

ولاعاد شئ يقنعك لا إيسدك ...



الله إيضلك

ويجيبلك مرض مبهم خطير إيشلك

يرقد أطرافك يذبلك ويعلك

وما عاد تلقي من إبعون إيمدك ...




الله ايخونك

جميع من إتغالي ينبذك ويهونك

وجميع من كرهتى إيجيك ساعة نومك

جايب إمعاه المنكده إللى إتغدك ...



الله إيكيدك

على أثر التعاسه فقر ربي يزيدك

حتى إللى عندك إتريح إمنيدك

الشارع يلمك والشحاته حدك ...


الله يعميك

على كل خطت سؤ ترسم ليك

لين فى النهايه تنزلي بيديك

إفحفره غريقه إمظلمه كيف ودك ...


الله الوكيل

إيساويك كيفك كي أصحاب الفيل

إينزل عليك إطيور أبابيل

ترميك بالحجاره لين تقصر يدك

الله لا ايردك ..

ولا يوم تنشف دمعتك عن خدك ..

ياخاينه لوعود الله لا ايردك ...!!!