شعر على بنغازي

ياعين يا نشاده
ادموعك على الأعزاز تمن عادة
تبكي عليهم يانا
ناس ساكنين الشط في جليانه
لاهنتي ولا هانوا أسباب غلانا
غير الوقت دار الهجر وطال ابعاده
تبكي ديمه
علي ناس في البركه وفي بوهديمه
جرح الغلاء عندك تمادا ضيمه
وأنتي بروحك دايره نكّاده
امغير تعاني
علي زول باهي ليك في السلماني
من لوعتك في ذكرته شقاني
كثّر اسهوري وفكها الوساده
اللوع ايزيده
تلمليم ناسك وسط راس اعبيده
عمر الوفي مايوم يترك ريده
وانتي تركتي الود ياشراده
امغير اتنين
يا قلب في سبة افعال العين
احزن علي رواد سيدي حسين
علي افراقهم محكوم بالأباده
لا اتقول ليش
يلي انسيت اولافنا ف الكيش
ومهبول من ينساك يا اخريبيش
مجنون ماعندش كثير إراده
ياعين يا نشاده
أدموعك علي الأعزاز تمن عاده
ياعين راك خطيه
درتي العيبه في ابعادك ليه
من حب قلبي بنت بنغازيه
حلوه جميلة ناعمه وداده
لها اسم معروفه لها بيتية
لها خلق وادب ودينها وزياده
لها ناس معروفين اطياب النيه
ناس صبايين في الميعاده
ابكي وديري نوح ياكحلية
ماينفع ابكاك ودمعتك منزاده
مادرتي الحق امغير شماته فيه
زدتي لزولي عزوته حساده
حرمتي ارويحك من الناير ضيه
وحرمتيه قلبي من اينول مراده
ادموعك علي الأعزاز تمن عاده
يا عين يا نشاده
وليد الرملي. باريس..

ياأهل بنغازي ويابنغازي من ذا يكافئ فعلكم ويجازي
بعض المدائن أهلهم وفعالهم في القلب يشبه مثقب الخراز
لكن أهلك في الجراح بلاسم وطرازهم في الناس أي طراز

ياعين يا نشاده
ادموعك على الأعزاز تمن عادة
تبكي عليهم يانا
ناس ساكنين الشط في جليانه
لاهنتي ولا هانوا أسباب غلانا
غير الوقت دار الهجر وطال ابعاده
تبكي ديمه
علي ناس في البركه وفي بوهديمه
جرح الغلاء عندك تمادا ضيمه
وأنتي بروحك دايره نكّاده
امغير تعاني
علي زول باهي ليك في السلماني
من لوعتك في ذكرته شقاني
كثّر اسهوري وفكها الوساده
اللوع ايزيده
تلمليم ناسك وسط راس اعبيده
عمر الوفي مايوم يترك ريده
وانتي تركتي الود ياشراده
امغير اتنين
يا قلب في سبة افعال العين
احزن علي رواد سيدي حسين
علي افراقهم محكوم بالأباده
لا اتقول ليش
يلي انسيت اولافنا ف الكيش
ومهبول من ينساك يا اخريبيش
مجنون ماعندش كثير إراده
ياعين يا نشاده
أدموعك علي الأعزاز تمن عاده
ياعين راك خطيه
درتي العيبه في ابعادك ليه
من حب قلبي بنت بنغازيه
حلوه جميلة ناعمه وداده
لها اسم معروفه لها بيتية
لها خلق وادب ودينها وزياده
لها ناس معروفين اطياب النيه
ناس صبايين في الميعاده
ابكي وديري نوح ياكحلية
ماينفع ابكاك ودمعتك منزاده
مادرتي الحق امغير شماته فيه
زدتي لزولي عزوته حساده
حرمتي ارويحك من الناير ضيه
وحرمتيه قلبي من اينول مراده
ادموعك علي الأعزاز تمن عاده
يا عين يا نشاده.

» دربي بنغازي
» مسؤول: حركة ميناء بنغازي في تزايد
» شائعة كاذبة تثير الرعب في مدينة بنغازي وضواحيها