ع القديم و الجديد

السلام عليكم ورحمة الله وبركاتة
شتاوي عالقديم والجديد .. واللي عنده يشاركنا
*****

ان قلت انسيتك يا القديم..... انوهم في روحي توهيم

يالقديم ايطيح سعدن .....ان كان خذوكم ناس بعدنا

قديم حلفنا ماننسو ه ..... أيدورن ليام ونلقوه

نار قديم انخمد فيها ..... تاكل كل جديد ايجيها

اقدم مازالو يطرو في ..... اللي مخليني قاعد حي

أنت ديمه للعين ونس ..... معايا يالقديم اتحس

صون العشره إلي عشناها ..... يالقديم وما تنساها

قديم انسيته قول عليش ؟ ..... اللي ماتت ما عاد اتعيش

بلا منت عيت قديمين ..... جديد ايداوي جرح العين

علي من تخطر ياالجديد ..... تنسيني من كنت انريد

كان جديد الي دواكم ..... قديمي مش قادر ينساكم

امسلم يالقديم ايدي ..... امغير ايش ايرضيك علي

يالقديم الله يهديك ..... راقد واعي نحكي بيك

يالقديم علينا وسع ..... سمك فينا ياما لسع

راك أتحط اللوم علينا ..... يالقديم جفيت جفينا

يالقديم معاهن كنك ..... يبكن فيت عليك ومنك

شهادة من دينك ياعين ..... اجدد ايجو كيف قديمين

هازي يالقديم علينا ..... ماتحساب جديد ايجينا

يا القديم أنسيتك راني ..... صاحب صوب جديد لواني

يا القديم انسيتك مدة ..... نادم ونفكر فى الردة

نندم ننرجعلك هيّالك ..... خلّي يا القديم فبالك

******************
ان شاءالله تعجبكم

تسلم ايديك زهرة البنفسج

ع الميزان جديد لقيته*** يوزن كل قديم انسيته

مادام الجديد امعاي*** يربح قديم ماني امدوره

مشكور زهرة البنفسج

وبارك الله فيك

وهذه مشاركتي

*
*
خطم القديم من يلاي صبيت وقلت الدنيا فارغه

*
*

انخاف كي اندير جديد ... يفضى قديم وننقهر

ع القديم و الجديد Ro72