طيبة وهي مصقعة

موضوع: طيبة وهي مصقعة السبت 31 يوليو 2010, 2:15 am

بسم الله الرحمن الرحيم

أصدقائي أعضاء هذا المنتدى الطيب أود أن أقدم لكم أكلة سريعة

ومقاديرها جاهزة وما فيها تعب ممكن تاكلها بعد العصر في الصيف

أو بعد صلاة التراويح تلقاها مية مية وهي كالآتي :-

أولاً ناخذ بسكويت شاهي جاهز ممكن يكون بسكويت هالة

ومعاة كيكة أي نوع كيكة جاهزة ونقوم بتكسير البسكويت

مع الكيكة ووضع بعض المكسرات مثل الكاكاوية وأيضاً جوز الهند

ونخلطهم مع بعض ....وعدد لا بأس بية موز ممكن خمس موزات

نقوم أيضاً بصنع كستر عادي ونضعه على جنب وأيضاً شوكولا

ممكن تكون جاهزة أذا ما تبي تعب روحك أو ممكن اديرها ابروحك

وهي ساهلة ومقاديرها كالآتي :-

عدد 3 بيضات و كوب ونصف سكر مسحون وطرف فانيليا ومعة

ملعقة صغيرة قرفة وكوب الا ربع زيت وكوب الا ربع زبدة تكون

طرية مش مجمدة وثلاث ملاعق كاكاو وتوضع في الخلاط

ست البيت ونخلية إيلخط لمدة خمس دقائق أو أكثر شوي

حتى تتماسك المقادير مع بعض ...

وناخذ البسكويت والكيكة والمكسرات اللي خلطانهم ونجيب

طاجين أو أي شي مناسب حتى طبق يكون غريق شوي

ونصب أول شيء الكستر اللي طيبناة ثم نصب فوقة الخلطة

اللي درناها البسكويت والكيكة ثم نقطع الموز دوائر نقوم بوضعه

فوق خلطة البسكويت والكيكةثم الشوكولا اللي درناها أو

شوكولا جاهزة بس حتى هذة سمحة بكل جربوها ..

وممكن تزين الشوكولا بأي نوع من المسكرات على حسب

ذوقك هكي تعطي شكل أحلى ...

ونضغه في الثلاجة مدة من الزمن حتى تتماسك في الثلاجة

ولما طلعها تكون مصقعة وراهو دسمة بكل اللي عندة

قابلية للسمنة ما يكثر منها هههههههههههههههه

أن شاء الله تعجبكم صحة وعافية

إمصقعة "ما نحملها بكل" بصراحة يارمز كنت اعتقد بإنك ما تعرفي إتسوى لكن طلعت شاطرة واين فرشات المنتدي !!
خليني نسمن اهم شي ناكلها
سلمت يداك _ربي إيخليك

واو ... سلمت يداك ايتها الرمز ... بس نبو منها

فى رمضان .... تقبلى مرورى ...

معقوله 3 بيضات في شوكولات ؟؟؟

وزيت وزبده اخري

وثلاث بيضات عادي تاكلوهن مش طايبات ؟؟؟

ممكن!!!!

هبة أهلين بيك وشكراً على مرورك واجدين سألوني

نفس سؤالك صدقيني هي هكي حلوة أنتي بس

جربيها وبالنسبة للبيض في ناس تفطر علية نيء

وكذالك الزبدة وفي إمكانية تخليها كلها زبدة بدل الزيت

اولا ياهبه مرحبا بعودتك وأتسأل كيف ياهبه؟
مافهمت شن قصدك؟

تسلم ايديك رمز اكيد حانجربها حسيت ان طعمتها كتير حلوه