لعبة الصراحة (ممنوع دخول الكذابيين )

هذه لعبة حـلوة

موجوده في اغلب المنتديات ...

لعبة الصراحة لايمكن أن يلعبها الا شخص صادق وواثق من نفسه

يعني كل واحد يسأل سؤال مهما كان ....

وعلى العضو اللي يدخل ان يقرأ آخر سؤال ويجاوبه بصراحة ....

واذا كان في احراج يجاوب بقدر استطاعته ..

وبعد مايجاوب يسأل سؤال ليجيب عليه العضو اللي يدخل بعده

ويمكن أن تسأل سؤال واحد فقط في كل مرة تشارك فيها ...

يلا أنا نبدأ ..

الســــــــؤال .. كم وزنك؟؟؟؟

اتمنى الكل يشارك

لميس ... لعبه حلووووه ... وانا اووول المجيبين ...

وزنـــي 74 ك ...

اللي بعـــــدي : ماهو أسمـــك الحقيقـــــي ؟؟؟

عمر الناجى عبدالعزيز
هل انت انسان ناجح ام فاشل ولماذا؟

بصراحه نا ناجحه في عمل المنزل لان هذه هواتي.......ولكن فاشله في الدراسه لاني لا احب الدراسه على الاطلاق............كم عمرك واين تسكن ؟؟؟

ممكن نجاوبك نا يا جودي ؟؟؟ ممكن ؟؟؟

اسمي سنفور غبي ... عمري 100 سنه ... نسكن في غابة السنافر ..

نبي نسال اللي بعدي سؤال ممكن ؟؟؟ ممكن ؟؟؟

أيش الشي اللي موش عاجبك في المنتدى ؟ وبصراحه ؟؟

والله بصراحة بصراحة اللى مش عاجبنى هو تكدس المواضيع بكثرة...يعنى يكون فى موضوع مهم او موضوع حلو او خاطرة كاتبها احد الاعضاء وماتاخذش فرصتها فى القراءة...لائحة المواضيع يجب ان تشمل اكثر من الان..او ان تمر كل المواضيع بخط صغير فوق شريط الاهداء حتى لانظلم اى عضو فى مجهوداته..بس وهذى حدها.................نسئل اللى بعدى ونقوله لو انا بكرة وزعت منشورات فى لبلاد ونحرض فيكم على انقلاب ضد الدولة!!!!هل ستمزق المنشور وتقول انا شن دخلنى؟؟؟أو ستقف معى و ستجمع آخرين لكى يكونوا معنا فى هذا الانقلاب؟؟؟؟

للاصلاح اساند ولن امزق.... وسؤالي .. هل كذبت يوما كذبه كبيرة سيبك من الكذب الابيض مع ان ما في كذب ابيض ورصاصي لكن الي نقصده كذبه وكنت في موقف صعب لاتخرج منه الا ان تكذب ... هل كذبت ؟؟؟؟

نعم بس والله من أجل الاصلاح بين أثنين
بس والله كانت النتيجة موفقة والحمد لله

السؤال هو
هل تؤيد الدخول بالاسماء المستعارة
ام ان لها تأثير على صاحب المقال؟

لعبة الصراحة (ممنوع دخول الكذابيين ) 0638

لعبة الصراحة (ممنوع دخول الكذابيين ) 0638

مش معناها كذبة كبيرة ... بس كذبة لم تضر باحد لانا انقذتنى من موقف بايخ نوعا ما
هل عمرك حطمت قلب انسان ما ولم تشفق عليه ولم تعتذر منه ابدا ولم تشعر يوما ما انك احد الاسباب التى اوشكت ان تدمر حياته

نعم .......اؤيد ذلك بشة ..........

وغرضى فقط من ذلك هو معرفة اراء من حولى عن كتاباتى من دون مجاملات ...........
.......خاصة عندما لا يعرفون شخصيتى المستعارة .........
هل عمرك حطمت قلب انسان ما ولم تشفق عليه ولم تعتذر منه ابدا ولم تشعر يوما ما انك احد الاسباب التى اوشكت ان تدمر حياته

مافيش حد يموت على حد...

ولو فى يوم حاولت انى نكون قاسية اشوى مش معناها انى حطمت قلب انسان

بس فى ناس زي الزبدة كل حاجة اتعلم فيهم وانا بصراحة مانحبش النوع هذذا سوا انثي او ذكر...

بس مش لدرجة انى انحطمه.........

لو فى واحد يعز عليك واجد واااااااااااجد واجد وغلط غلطة كبيرة

وجاك وقالك سامحنى وماتفضحنيش شن اتدير وقتها؟؟؟

انسامحه بس معاش انرفقه او لانقعد امعاه
لو عندك مشوار ضرورى يتعلق بمصلحه تخص مستقبلك وانت طالع من الحوش جاك واحد من خارج البلاد لزيارتك هل تقعد امعه والله تعتذر منه مع ملاحظه انه حوشكم مافيه حد؟

ناخذا امعاي انكمل شغلي وبعدها ناخذ للحوش.............سؤالي؟؟؟؟؟؟شتو امنيتك؟؟

أني أنشوف محمد ابني يلعب فى المنتخب الليبي

لعبة الصراحة (ممنوع دخول الكذابيين ) Clear

هل انتا تحترم الاخرين حتى لو اختلفت معهم فى الراى او الفكر ؟؟؟؟؟؟؟؟؟؟؟؟؟؟؟

مرحبا اكيد نحترم لان يبقى رايهم بس مالهم الحق يفرضوا رايهم علي نحترمهم بس ماني مجبورة نقبل بيه اذا انا ماني مقتنعة بيه
وانت هل تحب كل الناس وتتقبلهم؟وتحب تجامل؟وماتكره حد؟

بصراحه في اشخاص لا اتقبلهم ...المجامله في اقات اضطر اني انجامل.......الكره لالا اكره حد بس في هذه الايام في شخص سببلي موقف ماتوقعتش منا ..هذا تقريبااول شخص كرهتا ومستحيل انساه هذا الوقف................سؤالي هل تحب مسلسل وادي الذئاب؟؟؟؟؟

مرحبا بنوتة
الحقيقة لست من متتبعي هذا المسلسل.
هل تجيد تنظيم وقتك للاستفادة منه الاستفادة القصوى ؟؟

انحاول انى انظم وقتى بس للاسف مايسير شي لان وقتى ملك غيرى مش ملكى يعنى فى كثير من الاوقات انلخبط روتينى عشان حاجات الاخرين.اصلى طيبية بكل انا والناس قادرين عليا!!!!!!! لو فى حد امزعلك بكل ..وغالط فيك!وانت مش قادر اتعيش بلاه!!! هل تتصل بيه عادى؟؟ولا ترجى نين هو اللى يكلمك(مع انه موش حيكلمك بكل اصله باررررررررررررررررررررررررد)

مرحباً أم البنات
نكلمه عادي باش نقطع الشك باليقين وحتكون الفرصة الأخيرة ( باش ما يجيش يوم ونقول يا ريتنى كلمته)

أصعب موقف مر بيك في حياتك؟

اصعب موقف في حياتي هواا وفاة انسانه عزيزه وغاليه على قلبي ..............اجمل موقف مر بيك في حياتك؟

مواقف كثيرة جميلة فى حياتى مش موقف واحد بس........لو كنت قاعد فى عيادة وتستنى فى دورك من وقت طويل بكل..ولما نادت الممرضة على اسمك تتفاجئ بشخص (داير روحه)مثقف ومؤدب ومتعلم ايقولك دقيقة نبي الدكتور اشوى..ويخش فى مكانك وياخذ دورك ويطول !!!تسكت وتمشيها له ؟؟ولا اتدقا طريحة ؟؟ولا شنو اتدير بالضبط؟

لالالا مانشيهش له نعطيه طريحا نين يعرفعا طريحه عشان معش ايتعودها ..سؤالي؟؟.كنك ساير امعاك الموقف اليوم...؟؟؟؟؟ لأم البنات

خليها ساكتة !!!!!!!

عليك بخت قبل نبي انجواب بس شكلهن اكملن الاسئلة بس فعلا خليها ساكته هاها
هل انت تحب الضحك إذا كانت الاجابه بنعم فما هو اجمل موقف مضحك في حياتك ؟؟

الصراحة انحب الضحك لاكن مانعرفش نضحك
إلا لما يفوز الاخضر
سؤالي: شن ادير اذا لقاك واحد بالاحضان وانت عارف انه ما يحبكش وواصلك كلام انه يقرم فيك؟

» ممنوع دخول المشرفين !!!
» ممنوع دخول اصحاب القلوب الضعيفة
» ممنوع التعليق...