كيف تعرف الليبى

كيف تعرف الليبى

-اذا كان سمعت حد يقول شن الجو....صقع عليك....فهذا بألتاكيد الشخص ليبى
-اذا كان لقيته ماسك مكياطه فى يد والسبسى فى اليدالتانيه....فهذا بألتاكيد الشخص ليبى
-اذا كان عطاك موعد وجاك بعد ساعه او ساعتين....فهذا بألتاكيد الشخص ليبى
-اذا كان قالك خمس دقايق وقعد ساعتين....فهذا بألتاكيد الشخص ليبى
-كانك على شط البحر ولقيت واحد رادم دلاعه على الشط ....فهذا بألتاكيد الشخص ليبى
-كان طقطق عليك واحد من الجيران وقالك تسلم عليك امى وقالتلك حكه طماطم..ولا حكه زيت ..شويه ملح ....فاعلم انا جيرانك ليبين
-كان لقيت بنيه صغيره تغنى عيله يا عيله....هذى ماتحكش فيها رأسك بكل بألتاكيد ليبيه
-كان لقيت باكو مكتوب عليه رياضى....فهذا بألتاكيد الشخص ليبى
واخيرا وليس اخرا افتخر انى ليبيه والحمدلله انى جيت ليبيه
وصدق اللى قال كان ماجيت ليبى راهو فاتك الجو كله

اذا لقيت شخص له شهرين ما خلصش اكيد ليبي قوى عاطله

اذا لقيت شخص غامه عليه من الحياه اكيد ليبي

إذا مرضت وزاد مرضك في المستشفي
فاعلم بإنك في مستشفي ليبي
ورغم ذلك وذاك فانا "افتخر"

اذا كنت في غربة وسمعت واحد ايقولك تفضل فهو ليبي

اذا لقيت بلاد فيها كل الجنسيات زي بعضهم فهي ليبيا

اذا لقيت بلاد مافيهاش يا باشا ويا بيه فهي ليبيا

اذا لقيت الناس مجتمعة في السراء والضراء واقفة مع القريب فهم الليبيين

اذا لقيت ناس فيهم رحمة انت في ليبيا

إدا كان القيت ميكول ومقروض فهى ليبيا !!!!

إدا القيت واحد جاحد لخير وطنه فهو ليبى !!!!

إدا القيت واحد مغرر به وحنك فهو ليبى !!!!

ادا القيت واحد مش جايب خبر من الخير اللى

هو فيه فهو ليبى !!!!!!!!!!!!

ادا القيت واحد فارس بلا معركه فهو ليبى ....!!!

وليبيا ياما شايفه وياما شايله ......

اولا شكرا لكي عزيزتي عالطرح الرائع والمميز ان انقطعت بيك الطريق

فستجد الليبي يحتضنك ويساعدك الليبي هو الذي لا يرضى بالذل مهما

كانت مصيره الليبي هوا الذي يقابلك مبتسم الليبي هوا الذي لا يررضي

لي اخيه الليبي ان يهان امامه شكرا لكي اختي عاشقة البيضاء

علي هذا الموضوع استمري على

هذا الننحو من الابداع والتميز

عجبني ما قرأته بأحد المنتديات عن الليبي هو كائن حي مكروه دوليا.

مظلوم محليا.

متشتت ذهنيا.

تعبان ماديا.

فاشل عاطفيأ.

فارغ علميأ.

متكهرب يوميأ.

يسمع بقروض وزيادة رواتب شفويأ.

مريض نفسيأ.

مش فاضي كليأ.

مكسد يوميأ.

ماعندش رصيد نهائيأ.؟!

ومع ذلك الحمد الله نحنا خير من غيرنا

مهما كان في عيوب وسيئات فية حسنات وكل بلاد

فيها الصح والغلط وفيها المثقف والأمي وفيها الشر والخير

مع هــذا كله والعيوب الموجودة في بلادي بس ليبيا غير

أهلها غير ترابها غير وريحتها غير لما تطلع من حدودها

حاتشعر بهذا الشعور وتقول أمتى نرجعلها وأنت مالكش

دقيقة طالع من حدودها لها لهفة غير وشعور غير مهما

فيك نحبك ونفخر بيك وبأهلك الطيبين اللي مهما

صار عرق المحنة فيهم والرحمة فيهم ربي يحفظك يابلادي

نونو11

نفتخر الاني ليبيه اللي جار يسال علي جاره هذا ليبي وكان غاب عن صلاة اي فرض في المسجد الكل يسئلوا عنا هذا ليبي وكل العالم يفتقد لهذه الصله واللي يعطي جاره ويوده هذا ليبي قال الرسول صلي الله عليه وسلم تهادوا تحابوا

كل طير يقول يابلادي . نحن جميعاً نحب ليبيا .

و في نفس الوقت نتمناها تكون احسن بلاد ،

لكن علينا اولا ان نعترف بان فيها فساد اداري

و هذا الامر لم اقله انا ، بل هو من تقارير عالمية عن الفساد .

عموماً إن اردنا الاصلاح فعلينا ان نعترف بالفساد ،

فإن لم نعترف بالفساد ؛ فماذا نصلح إذا ؟؟؟

فالرضي و الطموح بينهما شعرة .

و كل ما زاد عن حدة انقلب الي ضده .

تقبلوا تحياتي و رأي المتواضع الذي ربما يكون مخطأ

حراااااااااااااااااااااااااااام عليك في واحد

ايقول على نفسه مريض نفسيا فارغ علميا

على العموم يا أصدقائي انتظروني في سلسلة

مواضيع

حتعرفوا منها كم الليبي عظيم وكم ليبيا عظيمة

بس نحنا مشكلتنا مش عارفين عن بلادنا شئ

ومش عارفين قيمة ارواحنا

يا روز و الله نحن نريد ليبيا احسن بلاد .

لكن لا نغمض اعيننا عن السلبيات ،

فلو سألتي المصري عن مصر سيقول انها احسن بلاد

و كذلك السوري و غيره ، و علينا ان اردنا ان ننظر

لانفسنا ننظر بعيون الغير . و التقرير العالمي عن الفساد الاداري

، ليبيا للاسف الشديد احرزت فيه مراتب متقدمة فحصلت

علي الترتيب الـ4 عالمياً . عنما تري هذا التقرير ألا يدور في رأسك لماذا ؟؟؟؟؟

و كيف السبيل ؟؟؟ و ما هو الحل ؟؟؟ نحن الحمد لله نعيش في نعمة من الله

، و لكن إن اردت ان تقارننا بباقي الدول العربية و لا نقل العالمية فعليك ان

لا تقارننا بمصر مثلاً لأنه لا يوجد وجه مقارنة في الامكنيات و الموارد و

الكثافة السكانية ، بل عليك ان تقارننا بالامارات مثلاً .

و اخيراً الحمد لله وضعنا احسن من النيجر

امشوا لتونس القريبة و ستروا وللاسف الشديد اننا فارغون علمياً

كما قالت الاخت زهرة القلوب.

و الله اقولها بكل اسف .

حتي لغة انجليزية كيف العالم و الناس ما عندنا ، من السبب ؟؟؟

ياعلي انا عشت بالنيجر 3 سنوات الفساد والخراب اللي هنا موش عندهم صدقني وعندهم اعمار وبنيه تحتية افضل من هنا ويجيدو في 3 لغات الى جانب الافريقية ونحنا هنا العربيه وبالمخالطة
بس اسم حوبلن ممكن تفسره لي بعد اذنك او هو لقب العائلة

انا نحب بلادي صح لكن نجب تكون افضل

مافيهاش وساطة مثلاً الوساطة خشت حتي في المرض

نبيهم يعرفو النظام اكيد سمعتو وشفتو طوابير القوي العاملة

نبيهم يقدرو العلم لان المحامي والمعلم وقريباً الدكتور يكون في الكادر

بالله عليك في دولة في العالم فيها قوي عاملة اكثر من اللي يشتغلو وتقولو ما فيش مرض نفسي

ومع ذلك فخورة بأنها بلد المليون حافظ

لكن نحبها تكون افضل

تحياتي

اكيد تفتخرى انك ليبيه عاشقة البيضاء

حتى نص ليبيه فيها فخر صدقيني

تقبلى مرورى

الي الاخت رانية سالم : (حوبلن) لقب في جدي يعني لقب العائلة

اما عن النيجر ( من سوء حظي انك ماشية للنيجر ) ، فانا لم اذكر ذلك إلا علي سبيل المزاج ، رغم اني متأكد ان الاعمار في النيجر او اي دولة مهما كانت امكانتها هي احسن من البُني التحتية إلا اذا نظرنا للصومال مثلاً

( ركي تكوني ماشية للصومال يارانية )

» الكعك الليبى
» أنواع الشباب الليبى
» اناشيد للمنشد الليبى/نصير الكاسح