خطم للشاعر اروعي الفاخري

خطم مضيق عصر ... فاحن عطاره هلب بانجراره يريد ينقطع مالتثني خصاره

خطم مضيق عصر ... ما عرفناه يضاون عضاه ويسفى وراه في سالف كساه

ويوهج مع الشمسوهج المراه

جماله بلا قول موللغباهولو للمذارى يشيعن انواره ويشيعن اخباره

ويلهلب اتقول نار في راس قاره

خطم مضيق عصر ... وسطه اثنى عيونهم كلنه عيون اغبطنه واعيون احسدنه

وكل سمح في خطمته غار منه

وعاقلين ماعقل عنهم تعنى خلاهم حيارى يمينه يساره عليهم توارى

خطم بضيق عصر ... وقت العشيه بمشيه بطيهوطله بهيه جماله سويه

الشايب سحر والولد والوليه

سحاب في عقاب توت ريحه نديه تواقد شراره صبى في اكتاره هلل من امطاره

جميع من عليه طرطش ابذاره

خطم مضيق عصر ... في لبس غالي نريد من اهبالي نفتحله اسوالي مشى ما صغالي

ولا ع الوطا حاسب احساب والي

وكل مسكين حاله بحالي خطفن انظاره اشباه الغدارى اسلام ونصارى

اسم الله علي كل من جا اصداره

خطم مضيق عصر ... مرفوع شوفه ومردوع جوفه جمع بين نوفهوجسره وخوفه

علي كل ولهان ماشي حسوفه

تلقى غير من ينشدوا عن اظروفه وهو وين داره وقول يا ازهاره ومبرك نهاره

اللي هالغزال فيه طالن اقداره

خطم مضيق عصر ... دار اثغبوره بفوحه اعطوره وتسفاي دوره وكثره غروره

ما كيف هكذي ريت فالناس صوره

جنان مختبل فيه غنن اطيورهوفحن ازهاره ومالنا دباره انطولوا اثماره

حتى فالسما لو انطيروا اطياره

خطم مضيق عصر ... عيني سحرها من شيله نظرها خذتا الشرهه لو يسمع خبرها

تلبي اللي يريد من غير كرهه

كنوز لارض في برها وبحرها ما الغالي اسعاره و والوافي عياره ينال بجداره

وان راد القمر فيه ما هو خساره

خطم مضيق عصر ... ماير الباسه عيونه نعاسه حدود الكواسه وجا باسلاسه

علي نبض لقلوب طقهمداسه

براح الجمال فيه برح بياسه وبرح بناره وطوله اقهاره اللي من جظاره

يريد من هضا حن حتى اشاره

» شين ياقطع لارحام للشاعر احمد بورميله الفاخري
» قصيدة جميلة لشاعرالرويعي الفاخري (مبروك)
» تعزيه الى محسن الفاخري