كانو غاليين للشاعر بوبكر بو حويه

كانوا غاليين ... وهانوا وين تموا مانيين ... علي اعزاز

كانوا كيف روحي

ومنها بدضمادت اجروحي

وكانوا سيل يلعب في ميوحي

جف اتقول صاغت فيه عين

كانوا غاليين

كانوا يحلفوبي

وكنت انقول من دمي وثوبي

ايام زمان ياما قذروبي

وياما بي كانوا شاقيين

عمر اعزاز ما عافوا ادروبي

موش وراي يبقوا لولين

وعالخرين كانوا يفخروبي

فيه احرمي ماهم عاطيين

موش اليوم تموا يلعبوبي

لعب اقمار بين امخوجين

كانوا غاليين

كانولك ارياد

غير عليك هك اله راد

حتى وين غيث الله جاد

علي مبذور حارثته دفين

وغنزر كيف منبوت السماد

الولده فيه تسوى ولدتين

وين قريب جا وقت الحصاد

المنجل طب في ايدين الخرين

كانوا غاليين

كانولي زمان

بلسم جرح شواه الزمان

ايدوي في وايطيب المكان

من تلويث دين الحاسدين

وكنت انقول هم دار الحنان

وكنت انقول ليا وافيين

ولاكن دالني ازمان

وتمى الكوز في ايديا ضنين

عملهم في موش امغير شان

شينت وطن مجدب له اسنين

كانوا غاليين

كنولي احباب

وكانوا ود ماهم شي عذاب

وكانوا لي ما ايطيقوا اغياب

وكانوا وين وينك يا جنين

وكانوا ضي ماهم شي ضباب

العين وقلب فيه امسيطرين

ولاكن تو واتنهم اشعاب

وفي وديان غيري نازلين

لهم ماعاد داير شي احساب

ولي احساب ماهم دايرين

كانوا غاليين

كانولي اولاف

فيما فات وانياهم انضاف

حتى وين ما ايسير الخلاف

ديمى عذر ليا لاقين

ان كلي تو في سوق التلاف

باول سوم في امربحين

يا سبحان بدال الاوصاف

سعتى وين وانا تو وين

جميل ماقدمت من كلمات

شكرا لك