طاحت شمس يا غالي غلاك

قصيده للشاعر اروعي الرائع ارويعي الفاخري وتقول

طاحت شمس يا غالي غلاك ... وخيم ليل من فرقاك شين

يوم سعيد يا مسعد مساك ... وفرحه عمر تمت بعد حين

يا امحلاه ضحكك يا ابهاك ... عليك ايخيل لبيض والثمين

ادودش بث فالدنيا اضياك ... وفوح بعطر ورد الياسمين

ها ياداي يا حالي امعك ..هضا وين ما صدق البين

يلي كنت نفرح في زهاك ...كني اليوم في فرحك حزين

وكيف اتكون هي ساعه هناك ... ساعه جرح في صدري مكين

وايش اليوم قالنلك ارياك... او وين القيت خاطيي قرين

واحد قبل راني وانت راك ... كنا كيف تمينا اثنين

كيف اخطاي لطن عن اخطاك ...ودربي وين ماشي وانت وين

اسنين غلاي تعزقهن وراك ...كيف اقدرت تقنى عزم زين

او وين اتريد يا تابع هواك ...عليك انخاف من غربه اسنين

بمن ع الدهر عابي في اعباك ... ان صارت فيه تكشيره جبين

ونفهم فيه ما ايجول بخفاك ... ونقرا فيه من لمحه العين

او وين اتحوس نعرف ويش داك ...وفيه انغوص للسر الدفين

مكبر نار من باقي رجاك .. تنفخ في وايثوب العوين

الحاصل كل مو ساير افداك .... افداك الحرح وافداك الحنين

يا مشكاي لا تعكر صفاك .. .وزيد اليوم في ضحكك رنين

ادودش بس واسبح في افلاك ... احلام الناس وابهج واستزين

اضحك للورد من بين لشواك ...وارقص بين اقلوب العاشقين

الحاصل كل مو ساير افداك ..... افداك الجرح وافداك الحنين

يا مشكاى لا تعكر صفـــاك ..... وزيد اليوم فى ضحكك رنين

ادودش بس واسبح فى افلاك .. احلام الناس وابهج واستزين

اضحك للورد من بين لشواك .... وارقص بين قلوب العاشقين

********************************

أحسنت الاختيار .. مشكور على هدا التدوق

الرفيع للكلمات ..... تقبل مرورى ................

*****************

نونو43

» طاحت شمس يا غالي غلاك
» ما غلاك ايهون
» اهداء الى كل من فاقد غالي