الزبادي في الحوش

أنا قبل قلت للورفلي توة انحطها بكرة على المنتدى لكن بعدين قلت انحطها توة عليش بكرة لأني

أنا كنت نبي نجهزها ونصورها عشان تكون واضحة لكن فكرت قلت الطريقة ساهلة جدا ما تبيش حتى الصور

المهم المكونات هي باكو حليب أو حليب طبيعي وكوب زبادي ورشة ملح واذا تبوها بالفواكه ممكن تحطو فواكه مقطعة

الطريقة تاخذو الحليب وتغلوه على النار وتحطو رشة الملح وتتركو الحليب يبرد بعدين تاخذو من الزبادي كاشيكين لكل

كوب حليب يعني تقدرو كمية الحليب مثلا خمس كبابي حليب تحطو عشرة كواشيك زبادي وتحركو كويس نين تختفي

الزبادي ولو تبو فواكه تضيفوها في الخليط وتصبو الخليط في حفاظة مغلقة كويس وتلفوها في قطعة كماش وتحطوها

في مكان دافي ولو في الشتاء تحطوها قريب من الدفاية أو الغاز في الكوجينة يعني جو دافي مش تحطوها في حرارة

عالية في الكوشة مثلا هكي غلط تموت بكتيريا التخمر الي فيها وتخلوها اطناشر ساعة لما تفتحو عليها تلقوها زبادي

تهبل بدون مواد حافظة لأن كمية الزبادي الصناعي الي حطيتوه شويه ما تأثرش يعني خالية من المواد الحافظة وفي كل

مرة تقدرو تحفظو كباية من الزبادي عشان المرات الجاية تاخذو من الزبادي القديم وتحضرو كمية كبيرة

ملاحظة أنا ما جربتش اللبن الحامض بدل الحليب مع اني واثقة انه يصير منه وهو طبعا أكيدة يطلع أحسن لأنه طبيعي

مش زي حليب المصانع يلي نصه هرمونات انتو جربوها اولا بالحليب وهذه انا اندير فيها من زمان بعدين جربو باللبن

والي تصح معاه يقولي بس لاحطو اللبن فيه ملح أصلا يعني راعو كمية الملح

و مزمز يا ورفلي

طريقه حلوه للزبادي

تسلمي اختي

انا نذكر إن بنتنا مرة دارت زبادي
في الحوش وتوا إنبلغها بطريقتك بالك إتكون تختلف وتتعلمها
تسلم إيديك الأن وغدا وفي كل
الأحوال....
مع روزا ****الزبادي الاصلي****

بصراحة أنا ما أحب الحليب ومشتقاته

بس أختي عجبتهاااااا كثير

وأن شاء الله تجربة

تسلم يمينك صديقتي رواز

تقبلــــي مـــروري بـــــزهوري
الزبادي في الحوش 1%20%2823%29

طريقة رائعة وما شاء الله عليك وبالذات كونها طبيعية وبدون مواد حافظة بعد تكرارها عدة مرات

تكون المادة الحافظة انتهت

يسلمو

الزبادي في الحوش 64142

مشكورة عزيزتي

انا عندي في الحوش اربع وحوش للزبادي وطبعا حتى امهم غير تسلم

والله فكرة بسيطة ومضمونة وبدون مواد حافظة

مشكووووووورة

» يوميات الحوش الليبى