وين الفرشات

موضوع: وين الفرشات الخميس 23 سبتمبر 2010, 6:04 am

وين الفرشات وين رايحين

وين المغتربه و زهور وزهرة البنفسج وين عاشقة ولميس وغسق

ومرح و مروش وين رمز الوفاء والاخلاص وجود ووين رواسي وروابي

وين البتول وين امل وروزا ووين الماس ليبيا

وينكم افتقدناكم ننتظر العوده بفراغ الصبر انتم من يزيد المنتدي جمالاً وروعه

ان شاء الله المانع خير

تسلم يا نشاد على انريدك حى صحيح وما يطرالك شى

شكرا زهرة القلوب وانا سيقل تواجدى فى المنتدى بسبب الدراسه وخاصة انى شهاده ثانويه

اتمنى من الجميييييييع ان يدعيلى بالتوفيق والنجاح

مشكورة ... زهرة القلوب ... على السؤال

و الله كان عندي ظرف طارئ ... و كنت مسافرة ...

و هالظرف يمنع على أصطحاب الكمبيوتر ....

بس والله أشتقتلكم ... وكن أنتابع فيكم من الموبايل

تحياتي و أشواقي للغائبات الثانيات

زهوووورة..... مشكورة عسولة على السؤال كلك ذوق والله سلمك

نشادة عزيزتي والله سبب غيابي زفاف خويا الايام الجاية عقبالك

أن شاء الله ولكل أعضاء المنتدى العزابية بس راك أتغيبي معزومة

أنتِ وكل أعضاء المنتدى وكل ما تواتيني فرصة نحاول ندخل ونشوف

آخر أخبار المنتدى ضروري لأنكم أسرتي الثانية ..............

نونو11

على من تنشد حى وحى ناسينى من البال ولى .... فعلا الفراشات هن اساس

انتعاش المنتدى والشباب راهم يزعلو وهم اكسجين المنتدى ربى ما يغيبنا عن بعضنا وديما

نطمنو على اخبار بعضنا تسلمى زهرة القلوب وديما امفتحة ومزهرة ومنورة وربى ما يحرمك

من المية وهى المنتدى بيش تشذينا بعبيرك وعطرك تقبلى تحياتى وكل فراشاتى الغاليات ..

زهرة القلوب شكرا لسؤالك

وين الفرشات Hqzb39j9upws

قلبي المجروح من بعدك عطيب
ومن عقب فرقاك قلبي ما قوا
الجروح اليوم ما ظني تطيب
غير لا صرنا أنا وأنت سوا
ما يطيب الجرح لو جبت الطبيب
صار شوفك هو حياتي والدوا
كل همي ما أبيك عني تغيب
كن شوفك صار للخافق دوا
مشكورة زهرة القلوب والله انك الوحيدة اللي ذكرتيني والله احس بالفرحة بسؤالك عنا

مشكورة زهرة القلوب على سؤالك عنا

لكن والله مشاغل عن نفسي اليوم كله شغل ما بين شغل الحوش وشغل برة الحوش

هي طلات سريعة على المنتدى اطلاع بدون مشاركات وليه ثلاث أيام ما دخلتش على المنتدى

عمري ما درتها من اول ما اشتركت في المنتدى كنت يوميا ندخل مرتين أو ثلاث

الايام هذه عندي زحمة شغل واحتمال في القريب العاجل يكون عندي سفرة للخارج

بس حتى لو مشيت لآخر الدنيا حنكون معاكم في منتدانا منتدى السلفيوم

وين الفرشات 312519

مبرووووووووووووووووك رمز الوفاء والاخلاص ربي يتمم بخير

عاشقة البيضاء شدي حيلك هذه شهادة مش حاجة ساهلة وفكي روحك من النت والتلفزيون

وحتى المناسبات والتلفونات يعني حبس رسمي عشان في الاخير اتريحي واتحصلي التقدير الي

تبيه وان شاء الله ربي يوفقك

الماس ليبيا ليش مستقلة روحك ما نكش شويه راهو

عندنا انت حاجة كبيرة

وشكرا ليك زهرة القلوب من جديد

عزيزتي ....زهرة القلوب

اشكرك ومن كل قلبي على سؤالك عني فقد اسعدتني لفتتك الكريمة حقا فبكل صراحة

لقد كثر غيابي هذه الفترة عن هذا المنتدى الحبيب ولكم لم يسأل عني احدا سواك فشكرا لك

اما عن سبب غيابي فهو العمل في الفترة الصباحية ودروة في الفترة المسائية

وسأحاول بين الفترة والاخرى ان أكون بينكم فأعضاء هذا المنتدى هم اسرتي الثانية ولا أستطيع

الغياب عنهم فترة طويلة

لك كل الحب ........أمـــــل

والف مبروك لرمز الوفاء والاخلاص وربي يتمم لكم بخير

موضوع: رد: وين الفرشات السبت 25 سبتمبر 2010, 2:39 am

اختي عاشقة هذه الفترة مسموح لك وندعيلك من القلب ربي يوفقك في دراستك ويحقق

كل امنياتك وبين فترة والتانية طلي علينا

عسوق الحمد الله علي السلامة اهم شئ انا ديما في بالك وانك ما تغيبيش علينا

بس عندي فضول نعرف " السفر لوين"

رمز الــــــــــــف الــــــــــــــــف مبروك وعقبالك انتي وكل شباب وبنات منتدانا

الفترة هذي عذرك معاك لكن نحنا في انتظارك ما تطوليش الغيبه

ودق حلو وصفك بأنتعاش المنتدي وطبعاً ما ننسوش أكسجين المنتدي لهم مني اجمل تحية

والورد ما يعيش بلا الهوا والميه كذلك المنتدي ما يعيش بلا فرشات وصقور بهذه الروعه

مرح لا شكر علي واجب ربي ما يحرمنا من بعضنا ويدوم محبتنا في الله

الماس ليبيا ما فيش اخت تشكر اختها علي سؤالها هذا واجبي

حبيبتي ربي يفرحك زيادة ويجعل كل ايامك افراح وسرور وما تحرمينا من طلتك علينا

روزا ربي يكون في العون ربي يوفقك في كل خطواتك " علي رأي اخوتنا المصريين

يجعلك في كل خطوة سلامة"

امل ربي معاك وربي يوفقك حتي انا جت عليا فترة شغل صبح وعشية كنت نروح واصله حدي

ربي يكون في عونك لكن كوني متأكده ان الكل ينتظرك لأن في النهاية نحنا اسرة واحده

تحياتي لجميع الفرشات المتواجدات واتقدم بأجمل تحية وشق لأمنا ام محمد ونقوللها وين الغيبه

ووين ام ايوب وكل التحايا ل راجية الفردوسو همس و ساجده لله و بنوته و الفراشه وسنووايت

وهند و المنار و بريق الماسه وين نهي حسن وينكم تتنورو المنتدي

مع تحياتي وحبي لجميع فراشات وزهروات المنتدي

موضوع: رد: وين الفرشات السبت 25 سبتمبر 2010, 2:45 am

مشكورررررررررعزيزتى زهرة ...بس عارفة فراشات المنتدى ما عقبلى شئ انقوله خذنا الكلام الحلو كله
بس انا لا يكفينى كل كلام الدنيا الحلووووووو لاقوله لك على مشاعرك الرررررررائعة

بالنسبة لى انتى عارفة ظروف دراستى وحنحاول نشارك معكم فى المنتدى كل ويك اند اذا اراد الله

دمتى لنا سندا وعونا دائمااااااااااااااا ان شاء الله وين الفرشات 312519

لك تحيااااااااااااااااااتى

موضوع: رد: وين الفرشات الأحد 26 سبتمبر 2010, 1:36 am

عزيزتي المغتربه عارفة انك مشغوله في دراستك وربي يكون في العون ويوفقك

ويردك لبلدك في القريب العاجل

لكن ما يمنع من طلات حتي لو خفيفة لان لو ما تواجدتي انتي وباقي الفرشات

المنتدي ينقص واجد

بعدين نبي نقولك انتي مرورك علي صفحاتي احلي من اي كلام

دمتي لي ولمنتدانا

» مسابقة جديدة بين الفرشات والشباب