مازال عندي أمل!!!!!!!!!

مازال عندي أمل ,, في وجه الكريم العالي

وكيف الجبال أنحَمَل ,, على الهمّ واسع بالي

**

مازال نقدر نصبر ,, وبمركبي بحر المصاعب نعبر

مازلت مهما أكبرت نعرف نخبر ,, درب الحياة فيما مضى والتالي

**

مازلت ما ننهزّ ,, ومازال في نفسي شموخ وعزّ

ولا أندير شينه فـ الكنين أتحزّ ,, ولا أنضيف ناس أبخال ما تابالي

**

مازلت ثاقب نظره ,, في دنيتي والناس عندي خبره

مازلت كيف اليوم وأمس وبكره ,, جوّال نرحل كيف ما يحلالي

**

مازلت كيف زمان ,, عاشق وهايم بالغلاء ولهان

حتى ونا عايش بدون حنان ,, بعكس البشر لاني غلاء لا غالي

**

مالت صاحّ صحيح ,, ومازلت بيدي نتّقي وأنطيح

ومازال نوقف في مهبّ الريح ,, وما أتضرني خونة أحدود آمالي

**

ومازلت ما ننهاس ,, ومازلت واثق صلب كيف الناس

ومازلت نذّوّق وعندي أحساس ,, ولا أندير ثوبي م الرقيع البالي

**

مازال عزمي زين ,, وعندي محنّة ع العرب لخرين

لكن اللي ماهو أمداد العين ,, ما نقربه لاجل إيردّي حالي

**

مازال زاهي لونه ,, ومازال عقلي ما نقص قانونه

كيف العسل بالسمّ شارب خونه ,, وتحاين أعروقه كيف قبل وتالي

غسق ابدعتي ويــــــــــــــــــن هذا كله المواهب كاثره

ربي يستر من العين

بجد كلمات رائعه تسلم يداك

تقبلي مروري

مازال عزمي زين وعندي محنة ع العرب لخرين

لكن اللي ماهو أمداد العين مانقربه لاجل يردي حالي..

ابدعتي غسق راااااااااائع جدا

مازلت ثاقب نظره ,, في دنيتي والناس عندي خبره

و ظني لم يخيبني

عندما قلت ... الذوق و التميز ... لأهل التميز

زهرة القلوب .... الحزين

تميز الموضوع لمروركم العطر

» (مازال بالنار مصهود)و( عندي ليل)
» عندي عقل
» ما عندي ما نقــــــــــول