اسمع تضحك والا تنقهر ..

واحد امى ( جاهل القراءة والكتابة ) يوم فرحه جاته ورقة وهو فى الكوشة جنب زوجته ولان

زوجته متعلمة قاللها ممكن تقريها ليا فستجابت بكل رضا وانبساط وفتحت الورقة وقرتها واذا بها ترمى الورقة فى

وجه وتقوله توا هذا طلقنى وتعيط وتبكى قاللها غير فهمينى قبل شن فيها الورقة قالتله ومازلت تسال لك وجه تسال

يا باتى يا امى طلقونى وعدت تجرى لباتاها وراها العريس المسكين غير اسمعى يستر بيتك شن فى

وصلت لباتها وحكت القصة وين الورفة كذا الورقة وقراها بات العروس وقاله توا هذا اطلق بنتى غير فهمنى يا عمى

شن فى واو منك قلت طلقها يعنى طلقها انت شن تبى بعد هذا كله .... هيا لباتك اللى سبب كل هالخلطة وعدو لباته

والكل وراه فكونا من هالنسبة وجا باته وخذا الورقة وقراها وقاله بالله مازالت على ذمتك انت طلق بنت الناس وحتى

انا رانى متبرى منك ولا نعرفك يا ناعلى يا عالم فهمونى يا باتى غير خلنى نعرف شن فى بالله عليكم .. ومازلت

تنشد ما لنا غير القبيلة تحسم فى امرك ... انقانها ماعد فيها وفعلا دارت القبيلة اجتماع طارى القصة كبيرة وطلاق

ليلة فرح وتبرايت اب من اولده وقمعزو يحكو فى القصة شيخ القبيلة وين الورقة قراها نانقنا صدقو فيك طلاق

وتبراى وراهى القبيلة كلها متبريا منك نبى نعرف شن درت كان ترحمو انت مازلت تنشد واللى فى الاجتماع كلهم

مرت عليهم الورفة واحد واحد والكل يقولو ننقانا ماعد نبوله خلطة فكونا منه تبرو منه الكل وهو حاير جاهل بكل

القصة شن اندير ماحد شفا غليلى وجاوبنى ولو عطيت الورقة لاى محطم طريق اكيد هيدير كيف ما دارو اعز الناس

لى يارب شن اندير ماعد تم لى حد احسن حاجة انهاجر برا ليبيا لكن قبل لنهاجر لازم انوثق الورقة لانى هنتعلم

ويجى يوم ونقراها ونعرف اللى فيها ...

وفعلا هدا برا لبلاد وفى مكان بعيد لقا جبل رقا الجبل على قد ما قدر وجا فى اعلى قمته لقا صخرة كبيرة حاول بكل

جهده نين حركها من مكانها وخط الروقة وخط عليها الصخرة ووثقها لو شن ما صار متحرك من مكانها وهاجر برا

درس وكمل دراسة وربى وفقه بعمل ولقا بنت الحلال اللى عاشت معاه وربى وفقه بعيال وبنات وكبرهم وعلمهم

ورباهم ولعيال حتى هم كبرو وتماله احفاد على وجه زواج وهو تما جد ويكركر فى يوم العيلة كلها ملتمة جو الايناء

والاحفاد ينشدو فى باتهم وجدهم على عيلتعم كان سخر الله وردو لوطنهم وشن سبب هجرته لهله ساعتها بس اذكر

ان الدنيا خداته ولهاته عن اهم موضوع فى حياته .. وقاللهم نحكيلكم القصة طبعا مش هنعاودها لكم اخرا لانى ما

قبل حوتنى كتبتها ا وانا شر منه نبى نعرف شن فى هالورقة اللى نشفت ريقى واان نكتب ..

وبالفعل شدو امتعتهم للعودة الى ارض الوطن عشان يعرفو شن فى الورقة وياخذو بحق باتهم وجدهم ..

وسافرو ووصلو بامان الله الى ارض الوطن والشايب ما قبل حوته اذكر المكان وله سنوات طوال وهو برا الوطن

والمكان متغير اذكر بس اهو من هنا وهنا بيش جمع عدو من هنا تعالو من هنا ها شن صار مازال اشوى وبعد

دواخ راس شر من القصة كلها ..

وصلو للجبل لان مهما تغير الزمان الجبل صامد فى مكانه وقاللهم هيا شيلونى وارقو بى الجبل اخ اوف واو وين اها

اخيرا وصلو لقمة الجبل ولقو صخرة كبيرة ولمو كلهم وشالوها واذا بالورقة موجودة بامان الله كما وضعها ذلك

الرجل المسكين قبل ليهاجر وبالفعل مد يدا ياخذ الورقة ويفتحها وبعدها

و
و
و
و
و
و
و
و
و
و
و
و
و
و
و
و
و
و
و
و

طولو بالكم توا نقوللكم رانى تعبت وانا نكتب لكن الورقة ..

؟
؟
؟
؟
؟
؟
؟
؟
؟
؟
؟
؟
؟
؟

الورقة

الورقة

مد يده ياخذها

جت ريح وشالت الورقةالى حيث لا ندرى ومات الراجل بحسرت ومعرفش شن اللى فى الورقة ..

ارجو ان تكونو استمتعتو بسرد القصة تقبلو تحياتى ..

اسمع تضحك والا تنقهر .. 490614

هههههههههههههههههههههههههه

والله علقتيني نحساب روحي نطلع بزبدة

روعة التعليقة وخفة الدم

تقبلي مروري ونجدتي

ودق لا منيش مسامحة نبي نعرف شن فيها الورقة والا نرفع عليك قضية

استخدمي كل اساليبك واستخبارتك في الحصول علي الورقة

ودق استمعت بالقصة لكن الفضول قاتلني

شكراً لك علي خفة ظلك

تقبلي مروري وتحياتي

وكلى وزهرة والله مروركم هو خفة ظل وبسمة ترتسم دائما على شفتى نورتما

صفحتى باطلالتكما وحتى انا اول ما سمعت القصة وهى فى الاصل نكتة او مداعبة المهم

نشفتلى ريقى وانا نسمع فيها وفى الاخير اللى قالها لى خذا طريحة سمحة وقعدت نضرب

اخماس فى اسداس بيش انتخيل شن فى الورقة مضطتش معاى مرات شى مخطم طريق يلاقيها

ويجى يقوللن على فيها ..

مش شورنا ودق

اسمع تضحك والا تنقهر .. Lol

دورى هل الراجل و أسأليهم .... و ألا دورى زوجته السابقة و أسأليها

و الا أنتي تاخذى طريحة زى اللى حكاها لكي

الله غالب ... طحتى فى وحدين قصقاصين

بس و الله الورقة دارت عمايل

تعلم الراجل و تحصل على شهادة ز.. يعنى فضل وراء فضل

شكرا ودق علي هالتعليقه

بس نا جتني فكره ؟

شن رايكم كل واحد يحاول يكمل القصه ؟

ويكتب شن كان موجود في الورقه ؟

هبت الرياح بقوة وأخذت معها الورقة
وإنتقلت من شجرة إلي إخرى ومن
غصن إلي أخر "
كان يشاهدها صديقنا وهي تنتقل
وكلما إستقرت علي غصن كان
يحاول الصعود علي الشجرة
ومحاولة المسك بالورقة
وفي كل مرة يصل إليها تبتعد
حتي وصلت إلورقة إلي الشجرة
الأخيرة والتي يقع بعدها النهر
وإستقرت الورقة عليها
كان ابناء الرجل يطلبون من
اباهم بالتخلي عن هذه الورقة
الملعونة حتي لايفقدونه
لخطورة الشجره والصعود إليها
وتسلقها وشدة إنحدار النهر..
ولكن العار الذي لحق بصديقنا
من وراء الورقة والكوابيس
التي كانت تلحقه لم تجعله
يفكر إلا بإسترجاع كرامته
وقراءة ما جاء بالورقة
تسلق الرجل الشجرة حتي
وصل إلي الورقة وعندما
وصل
.
.
.
.
.
.
سقطت الورقة في النهر وكاد
الرجل يسقط معها
وصرخ الاولاد بكل قوة خوفا
علي أباهم في هذه اللحظة
انقض الاب إحد الاغصان
بعد أن امسك به
وتذكر بإن القدر هو الذي
ابعده عن أهله وإن إرادة
الله كانت أقوى
وشكر الرحمن لإنه لازال
علي قيد الحياة وإنه
يعيش الان حياة سعيده
مع عائلته وقرر طوى صفحة
الماضي ومغادرته وعدم
العودة إليه من جديد....
إنتهت بقلمي

غسوقة مستعدة للطريحة بس نعرف شن اللى فى الورقة .. لان اللى قالها لى خذا

الطريحة ومقلش شن فيها لانه ميعرفش ,,, تسلميلى عمرى على ردك بخفة ظلك المعهودة ..

الحزين دائما الحمد لله انها عجباتك كيف ما انتمنا اتغير اسمك للسعيد دائما لان الانسان يتفائل

بالسعادة ويتاملها اما الحزن ففينا جميعا لا هرب منه وياريت كل اللاعضاء ياخذ بفكرتك لانها

حلوة وعجبتنى حتى انا واولهم الوورفلى لبا ..

ورفلى فبرك كيف ما تبى واخترع قصص لكن مش هتقدر ىعرف شن فى الورقة نين اتصبى قدام

التيار بيش تخبط فى وجعك وتمسكها بسنونك ووقتها قوللنا على فيها سعدت بمروركم الكريم

وزادت قصتى او اضحوكتى تالقا .. بس ماقلتولى ضحكتم او انقهرتم ,,, سلاميتو ..

[size=24]

قووووووووووووووووووويه

لاقيته خالتي ماشهيه تقول (علي من تخطر)

اخــــــــــوك الــــــــــــشمعه

يجماعة انا عارف شنو في الورقة
بس مانبي إنقول لحد ما تنتهي
الردود .....ههههه

الشمعة دائما انارتك سباقة لتضىء اركان وزوايا صفحتى تسلم لمرورك الكريم .. وانت يا

ورفلى اتموت وتعرف شن فى الورقة تتذاكا وتعرف ما بالورقة هات ماعندك واتحفنا يا

عبقرينو ولو عرفت شن فى الروقة وعد منى انديرلك طجين بسبوسة وانوصلة لك لعند

البيضا .. وشكرا لمرورك اللى كل مرة ي ي ي ي ي ي ي ي ي ي اسمع تضحك والا تنقهر .. 635961

سعدنى ..

» الوفاء اللى على اصله والا بلاش
» اللهي اسمع رجائي
» اقراء واضحك والا فأبتسم