الحلقه الخامسه من كرسي الاعتراف ناصر العوكلي

السلام عليكم ورحمة الله ... إبدأو على بركة الله بتوجيه الاسئله ..

وخووذوو راااحتكم .. وان شالله هنجاوب بكل صراااحه ...

بإنتظار اسالتكم ...

بنووته .. وغسق هههههههه الباااين فيكم ناوييني ؟؟؟

صدفه دخلت الشاات القيت محادثتكم هذي ههههههه:

غسق : اسمعى شن رايك الكرسى المرة الجاية لناصر او الفاروق

[23:58:15 22/01/10] بنوته : لناصرر

[23:58:25 22/01/10] غسق : انا ديما نحفظ فى مشاركاتى

[23:58:29 22/01/10] بنوته : عشان الفاروق مش ديما قاعد في المنتدى

[23:58:32 22/01/10] غسق : اوكى

[23:58:40 22/01/10] بنوته : قتلك

[23:58:57 22/01/10] غسق : بس نبوله زردة سمحة

[23:59:12 22/01/10] بنوته : لالا اكيد انشالله

يستر الله منكم وخلالالالالالاص

السلام عليكم..وعلى بركة الله نبدء معك اول الاسئله ...كم مره حبيت في حياتك ؟؟؟ وهل في تجربه حب معينه ندمت عليها ؟؟؟ وما رأيك في معني الحب من الاخيررررر احكيلي عن حياتك العــــــــاطفيه

السلام عليكم ياناصر انا شخص نعرفك اكويس وما اظن إني محتاج اني نسأل سوال عنك _لاني وبكل صراحة إحبك في الله _وشكرا

ناصر العوكلي السلام عليكم / نحن نعلم بأنك رائع ولن يزيدك مديحُنا روعة ولا ظل خفيف .. ولكن لدي ما لدي من ترسبات أسئلة تمخضت في سؤال واحد ألأ وهو ما هو المحضور الذي وقع فيه العوكلي في يوم من الأيام ؟؟ وعلي قولت خونا جابر نبي الإجابه من الألف للياء .. وكفي

السلام عليك اخى ناصر ممكن اتجاوب بصراحة .... بدون اطالة التفكير فى السؤال :-

1- مع انك مشرف على المنتدى ... وتطلع على كل المشاركات وعندك خلفية على اغلب الاعضاء .. فسؤالى هو : من العضو الذى تحس مشاركاته ثقال على المنتدى وكان تلقى تلغى اشتراكه ... ومن العضو الذى لفت نظرك بقوة مشاركاته وارائه الحكيمة ؟

2- من هو حكيم المنتدى ؟

3- من هو الوجه البشوش الذى يظفى الابتسامة للمنتدى ؟

4- من العضو المشاغب ( اللى يدور فى الحس مع الجميع )؟

5- من هو العضو الذى بمجرد غيابه يفقد المنتدى نكهته الخاصة ؟

6- ما الفكرة التى كونتها على غسق من خلال مشاركاتها ؟

7- من هو العوكلى خارج اطار المنتدى ؟

8- اذا كنت يوما ما اطلعت على موقع الاجدابى من هو الشخصية التى تمنيتها ان تكون معكم فى السلفيوم ؟

9- ما هى وظيفتك وما هو تخصصك ؟

10- هل حاولت يوما ان يكون اغلب الاعضاء من نطاق عائلتك ؟

11- ما تعليقك على (ما علقت به ام البنات ) لغسق ؟

12- متى تنام اذا كنت اغلب الليل ساهر على المنتدى ؟ وكيف تنظم وقتك ؟

13- ماذا يحكى لنا ناصر عن قلبه ؟

14- اذا كان هناك منتدى عالمى يجمع بين المنتديات وطلبو منك اختيار 2 من الاعضاء لتمثلوا السلفيوم فمن تختار ؟

15- كلمة اخيرة تقولها لغسق ..

هبه كتب:: السلام عليكم..وعلى بركة الله نبدء معك اول الاسئله ...كم مره حبيت في حياتك ؟؟؟ وهل في تجربه حب معينه ندمت عليها ؟؟؟ وما رأيك في معني الحب من الاخيررررر احكيلي عن حياتك العــــــــاطفيه

وعليكم السلام ورحمة الله تعالى يا هبــــه ...

والباين فيها اساله واعره من الاول يستر الله ..

في عمري كله حبيت مره وحده ...

هي تجربه وحده وبالعكس عمري مندمت عليها ..

الحب احساس جميل م الاخير لا انا ولا انتي ولا غيرك نقدرو نكتبو عن الحب في كلمات ..

شكرا ع الاسأله وبأنتظار المزيد ...

الورفلي كتب:: السلام عليكم ياناصر انا شخص نعرفك اكويس وما اظن إني محتاج اني نسأل سوال عنك _لاني وبكل صراحة إحبك في الله _وشكرا

الورفلي .. يارك الله فيك .. واحبك الله الذي احببتني فيه ...

عالم الاحساس كتب:: ناصر العوكلي السلام عليكم / نحن نعلم بأنك رائع ولن يزيدك مديحُنا روعة ولا ظل خفيف .. ولكن لدي ما لدي من ترسبات أسئلة تمخضت في سؤال واحد ألأ وهو ما هو المحضور الذي وقع فيه العوكلي في يوم من الأيام ؟؟ وعلي قولت خونا جابر نبي الإجابه من الألف للياء .. وكفي

عالم الاحساس .. وعليكم السلام ورحمة الله ..

(( اللهم اجعلني خيراً مما يظنون ،
واغفر لي مالا يعلمون ، ولا تؤاخذني بما يقولون )).

اما بخصوص المحضور الذي وقع فيه العوكلي فحدث ولا حرج

ولكن من باب (إذا بليتم فاستترو) .. فاسمح لي لن اخبرك بذلك ..

واي سؤال اخره تفضل ...

غسق كتب:: السلام عليك اخى ناصر ممكن اتجاوب بصراحة ....

وعليكم السلام ورحمة الله .. وان شالله هنجاوبك بكل صراحه..

بدون اطالة التفكير فى السؤال :-

حاضر هنجاوب بدون تفكير ...

1- مع انك مشرف على المنتدى ... وتطلع على كل المشاركات وعندك خلفية على اغلب الاعضاء .. فسؤالى هو : من العضو الذى تحس مشاركاته ثقال على المنتدى وكان تلقى تلغى اشتراكه ... ومن العضو الذى لفت نظرك بقوة مشاركاته وارائه الحكيمة ؟

*بالنسبه للعضو اللي مشاركاته ثقال لا اعتقد ان منتدى السلفيوم فيه نوعيه من هذه الاعضاء حتى الان..

بالعكس والله جميع الاعضاء مشاركاتهم راااائعه..

*اما العضو اللي لفت نظري بقوة مشاركاته في البدايه كان عز الرفق

ثم تراجع مستواه قليلا ... والان بنوته وهبه ماشالله عليهم مشاركاتهم قويه ..

والباين فيك تزاحمي فيهم انتي توا ...

2- من هو حكيم المنتدى ؟

الفاروق .. رغم قلة مشاركاته ...

3- من هو الوجه البشوش الذى يظفى الابتسامة للمنتدى ؟

احمد كريم ..

4- من العضو المشاغب ( اللى يدور فى الحس مع الجميع )؟

بنوته ...

5- من هو العضو الذى بمجرد غيابه يفقد المنتدى نكهته الخاصة ؟

ام البنات ... مع احترامي للجميع طبعاً..

6- ما الفكرة التى كونتها على غسق من خلال مشاركاتها ؟

من خلال مواضيعك والتي وصلت الى 17 موضوع ومساهماتك التي وصلت الى 86 مساهمه

ووصولك الى رتبة سلفيومي فعال في وقت قصير جدا يتبين لي ان غسق انسانه

نشيطه .. طموحه .. ذكيه ..

7- من هو العوكلى خارج اطار المنتدى ؟

مثلما هو داخل اطار المنتدى لم يتغير شئ ..

8- اذا كنت يوما ما اطلعت على موقع الاجدابى من هو الشخصية التى تمنيتها ان تكون معكم فى السلفيوم ؟

الاجدابي يعتبر الوجه الاخر للسلفيوم .. ولو راجعتي صفحاته للوراء

لوجدتي ان ناصر العوكلي .. وام البنات .. ومفيده المغربي(الله يمسيها بالخير) ..

وعريش سعيد اول من كتب في جسر المحبه منذ افتتاحها .. ومنذو تلك اللحظه

وكتاب السلفيوم هم نفسهم كتاب الاجدابي .. والعكس ..

9- ما هى وظيفتك وما هو تخصصك ؟

وظيفتي الحاليه تحديداً مراقب على لجنة التوفيق والتحكيم ... بعدما كانت لي جوله

في النيابه والمحاماه الشعبيه ... وتخصصي خريج قانون عام 2004 ...

10- هل حاولت يوما ان يكون اغلب الاعضاء من نطاق عائلتك ؟

مافهمتش اي عائله تقصدي ؟؟؟ لو قصدتي اسررتي بالتاكيد لالالا ..

11- ما تعليقك على (ما علقت به ام البنات ) لغسق ؟

بخصوص ما كتب فأنا مع ام البنات فيما كتبته قلباً وقالباً ...

عندما ان تمنيتي ان تصافحي حامي حمى ليبيا كما ذكرتي ...

فجاء ردها بلسماً شافياً وعبرت عما بداخلي ...

12- متى تنام اذا كنت اغلب الليل ساهر على المنتدى ؟ وكيف تنظم وقتك ؟

*موعد النوم في اغلب الاوقات يكون متاخراً نوعاً ما تعودت علي هكي ...

*الحمدلله منظم وقتي ميه ميه ...

13- ماذا يحكى لنا ناصر عن قلبه ؟

مقفل حالياً ... او خارج نطاق التغطيه ..

14- اذا كان هناك منتدى عالمى يجمع بين المنتديات وطلبو منك اختيار 2 من الاعضاء لتمثلوا السلفيوم فمن تختار ؟

بدون منازع ... 1: ام البنات ... 2: بين عالم الاحساس والعمده ..

وعلي فكره هما موش قاسمين واحد نسيب الاخر ... يعني واحد يتبرع للاخر ...

15- كلمة اخيرة تقولها لغسق ..

شكرا بارك الله فيك ... اولا على الاسئله الرااائعه ... اللي نتمنى نكوت جاوبتك وبكل صراحه..

ثانيا على مشاركاتك الرئعه في المنتدى .. وهذا يدل على حرصك للرقي به الى الامام ...

ودمتي في تألق ...

(ناصر ) والله ماعندى لك اى سؤال ..انت كتاب مفتوح بالنسبة ليا ...

سؤالى صغير جدا ونبي الرد بكلام موثق موش اترد هكى وخلاص؟؟؟

سؤالى شن هيا الكاريزما اللى فيك اتخلى اى واحد يسمع بيك يبي اتعرف عليك...

وبعد ايتعرف عليك اتعز عليه...

وبعد اتعز عليه ايحسك جزء من عائلته...

وبعد ايحسك جزء من عائلته يخاف عليك ...

ومرات يحكيلك الواحد هضا مشاكله وافلامه (فاهمنى اه)..

اكيد اتقول السؤال وين!!!!!!!!

السؤال يا خيي ...من جدى را وقسما بالله نبيك اتجاوب عليه جد را ...

(نبي نعرف شن اللى ايخلى الناس اتحبك بالشكل هضا؟؟)

انا نعتبرك خوي الصغير ونحبك فى الله ...

(سؤال اخرى) ..طيبة القلب اللى عندك موروثة ولا مكتسبة...؟؟

(سؤال اخرى حقير اشوى)

هل عندك عقدة مع حرف معين من حروف اللغة العربية؟؟؟؟ الحلقه الخامسه من كرسي الاعتراف ناصر العوكلي Lol

الحلقه الخامسه من كرسي الاعتراف ناصر العوكلي Lol

أنتهت الاسئلة ...جواب جواب نبي مش تمشاى كلام ....

اخى العزيز ناصر العوكلى
مساك الله بالخير
صحيح انك مكمن اسرار الجميع لا يختلف اثنان فى ذلك
لكنى بفضولى اسألك احيانا عن مواضيع اعلم مقدما انك لا تمانع فى الاجابه عليها
لكن عندى قاعده دائما اعتقدها هو اننى عندما اسألك سؤالا
اعلم جيدا متى تجاوبنى بصراحه تامه واعلم انك تخفى عنى بعض الاشياء
واعلم ايظا عندما لم تصدقنى واخبرك بذلك وتكتفى بالابتسام
اخى هل اعتقادى هذا صحيحا ام لا
وما رأيك فى اختفاء مقال السلفيوم بخير من رئيسيه السلفيوم

أم البنات كتب:: (ناصر ) والله ماعندى لك اى سؤال ..انت كتاب مفتوح بالنسبة ليا ...

سؤالى صغير جدا ونبي الرد بكلام موثق موش اترد هكى وخلاص؟؟؟

سؤالى شن هيا الكاريزما اللى فيك اتخلى اى واحد يسمع بيك يبي اتعرف عليك...

وبعد ايتعرف عليك اتعز عليه...

وبعد اتعز عليه ايحسك جزء من عائلته...

وبعد ايحسك جزء من عائلته يخاف عليك ...

ومرات يحكيلك الواحد هضا مشاكله وافلامه (فاهمنى اه)..

اكيد اتقول السؤال وين!!!!!!!!

السؤال يا خيي ...من جدى را وقسما بالله نبيك اتجاوب عليه جد را ...

(نبي نعرف شن اللى ايخلى الناس اتحبك بالشكل هضا؟؟)

انا نعتبرك خوي الصغير ونحبك فى الله ...

(سؤال اخرى) ..طيبة القلب اللى عندك موروثة ولا مكتسبة...؟؟

اولا شكرا بارك الله فيك ونرد عليك زي ما رديت علي عالم الاحساس

(اللهم اجعلني خيراً مما يظنون واغفر
لي مالا يعلمون ولا تؤاخذني بما يقولون).

وازيدك من الشعر بيتاً:

والله لو علموا قبيح سريرتي *** لأبى السلام عليا من يلقاني

ولأعرضوا عني وملوا صحبتي *** ولبؤت بعد كرامة بهوان ...

وممكن السبب طمعانين في المنتدى من بعدي عشان هكي كلهم يحبوني ؟؟؟؟!!!!!!

وأحبكِ الله الذي احببتني فيه ...

(سؤال اخرى حقير اشوى)

هل عندك عقدة مع حرف معين من حروف اللغة العربية؟؟؟؟

بالتاكيد عندي عقده منذ الصغر مع حرررررررف الرررررررر

يعني يكتب ولا ينطق ... قد ينطق غ أو و في بعض الاحيان ..

وللعلم مووش ورااااثه نا الوحيد اللي في العائله ...

أنتهت الاسئلة ...جواب جواب نبي مش تمشاى كلام

شكراً ع الاسئله الحلوه والخفيفه .. وان شالله نكون جاوبتك زي ما تبي؟؟

....

الفاروق كتب:: اخى العزيز ناصر العوكلى مساك الله بالخير ...

أهلا بك الفاروق ومسائك أسعد

صحيح انك مكمن اسرار الجميع لا يختلف اثنان فى ذلك

لكنى بفضولى اسألك احيانا عن مواضيع اعلم مقدما انك لا تمانع فى الاجابه عليها

لكن عندى قاعده دائما اعتقدها هو اننى عندما اسألك سؤالا

اعلم جيدا متى تجاوبنى بصراحه تامه واعلم انك تخفى عنى بعض الاشياء

واعلم ايظا عندما لم تصدقنى واخبرك بذلك وتكتفى بالابتسام

اخى هل اعتقادى هذا صحيحا ام لا ؟؟؟

الفاروق .. كل ما قلته صحيح .. وانت الوحيد من بين الاعضاااء كلهم

اللي عمري ما خبيت عليك شي .. وحتى لما منبيش نقولك شي معين نوضحلك ..

وانت تفهم من كلامي اني منبيش نجاوب .. لا لشئ ..

وانما مرات يكون الشي هذا حالف اني منحكيش لحد ..

وما رأيك فى اختفاء مقال السلفيوم بخير من رئيسيه السلفيوم

اول منزل المقال والله العظيم موش عارف قلتها المن بالضبط

بس قلت ان المقال موش هيقعد يومين كاملين وذلك

لان جميع الردود اللي هتووصل هتكون معاارضه لكلام الناجي

ومنهم من هيهزبه بكلالام قاسي وجااارح ردا علي كلالامه

وموش هينزل ولا رد ضده .. وهينزل الردو اللي متوافقه مع كلامه ...

عندها هيقتنع الناجي انه غلطان (أمفلم يعني) ..

هيقعد بينه وبين رووحه ويقووول (لالالالا نا شن درررت؟؟؟؟؟)

بعدها هيحول المقال طووول ... وصدقني هذا الشي اللي صارله ...

ان شالله نكون جاوبتك بصراااحه ؟؟؟

سلالالالاميتووووو

خير ياعوكلي جيت هالبة لقيتك هنا ..صار جابوك جابوك؟؟ نونو26

نشهدبالله تستاهلها
سؤالي .... حاجة عندك واجعتني بجد هنا رجليك انت عارف ليش لكن مرات حد مش عارف (ياهو راهو ناصر كل مايلعب مبارة ايروح لحوشهم يعرج نونو30

امتى اخر مبارة لعبتها وحصلت فيها تكسيرة باهية

ليبية كتب:: خير ياعوكلي جيت هالبة لقيتك هنا صار جابوك جابوك؟؟
نشهدبالله تستاهلها
سؤالي .... حاجة عندك واجعتني بجد هنا رجليك انت عارف ليش لكن مرات حد مش عارف (ياهو راهو ناصر كل مايلعب مبارة ايروح لحوشهم يعرج
امتى اخر مبارة لعبتها وحصلت فيها تكسيرة باهية

أولا باهي اللي حطوني ع الكرررسي عشاان هلبتني من هنا وشفناك في المنتدى من جديد ..

بعدها الكرسي هذا جايينه جايينه ... حتى انتي توا يجيك ماعندك وين رايحه منه ...

وبخصووص اخر مباااره لعبتها كانت اول امس ... بس بدون اصابات ..

والحمد لله رجلي توا ميه ميه .. رااك تعطيني بعين ...

شكرا لمرووورك ...

عوكلي

رد اقرى سؤالي
قتلك اخر مبارة تكسرت فيها مش لعبتها نونو7

في فرق
بعدين ماتدورش الحس امعاي نا سالتك سؤال عادي ماخزرطتكش زي هبة والا ام البنات والا والا
ره
نونو27

ونسألك اسئلة مرات اتقول هذي من وين تعرفهن
ونصدمك بيهن ايوه ماتنابشنش وخلي المستور مستور
نونو14

.... السلام عليكم .... السؤال الأول يا ناصر 1 .. لو أنقطعت الاماني وقالوا لك هناك أمنية واحدة لك فماذا تتمنى ؟؟؟ السؤال الثاني يا ناصر 2.. لو أن ورود العالم كله قد نفذت ولم يتبقى سوى وردة واحدة فلمن تهديها ؟؟؟ السؤال الثالث يا ناصر 3 .. لو أنك تقابلت مع شخص أعمى وقال لك يا بني أرجوك أن توصف لي الدنيا فماذا تقول له ؟؟؟ وتحياتي ...

الســـــــــ عليكم ــــــــــــــلام

到你们的设让我们看到你们的设计看

فقط احبك فى الله

عليك (فزلكـــــــــــــــــــــــــة) ياهووووووووووو ....الناس كلها خشت وسئلت والعيل هضا خش ايدير فى جو متاع رانى مش فاضيلكم...عارفينك مهندس وعارفينك صقع وعارفيك مشغوووووووول وعارفينك مانش من مستواك...غير جامل يأخى واسئل سؤال ..وفكنا من جو الحروف الصينية راهن يطلعن خراااااااافة حتى هن --اذكرت !!!ايام الخرافة الصينية!!! ....اللــــه اللـــــــه ...........نسئل انا سؤال اخرى يا ناصر......سؤال وراس أمك مايبي مجاملات يبي الرد يكون شعــــــــــير بوجه...( لما اتفكر انك تزوج ان شالله هل تفضل زوجتك بعيدة عن عالم النت...او تكون متعرف عليها عن طريق منتدى او موقع او ايميل او الفيس بوك او....او....او......يعنى تفرق معاك ولا عادى(بصراحة والله مايزعل حد بس فكنا من المجاملات ...).....سؤال آخر...الفاروق امس قالك مرات نسئل فيك على حاجات وانت اتهرب من الاجابة ...(السؤال) هل الفاروق قصقاص ولا شن نظامه؟؟؟......سؤال آخير) جمعية السلفيوم متاع يوم 11 ..تضم 8 من نجوم الكتابة .. اذكر نجم واحد فقط تجده الاقرب اى قلبك ..تو اتقول كلهم قريبين والجو هضا عارفتك عندك فيه ...بس نبي واحد اقريب لناصر العوكلى (واحد بس تسمع فيا )....

ليبية كتب:: عوكلي
رد اقرى سؤالي
قتلك اخر مبارة تكسرت فيها مش لعبتها
في فرق
بعدين ماتدورش الحس امعاي نا سالتك سؤال عادي ماخزرطتكش زي هبة والا ام البنات والا والا
ره
ونسألك اسئلة مرات اتقول هذي من وين تعرفهن
ونصدمك بيهن ايوه ماتنابشنش وخلي المستور مستور

واااااااواواواواواو خووفتيني .... باهي استرري ما ستر ربي ...

الملاك البريء كتب:: .... السلام عليكم ....

وعليكم السلام ورحمة الله ايها الملاك ..

السؤال الأول يا ناصر

إنعم يا سيدي تفضل ؟؟؟

1 .. لو أنقطعت الاماني وقالوا لك هناك أمنية واحدة لك فماذا تتمنى ؟؟؟

حسن الخاتمـــــه ...

السؤال الثاني يا ناصر

2.. لو أن ورود العالم كله قد نفذت ولم يتبقى سوى وردة واحدة

فلمن تهديها ؟؟؟

لك انت اولاً ... ولبااقي اعضاء المنتدى ثانياً ...

السؤال الثالث يا ناصر

حسستني اني في امتحان .... يستر الله ...

3 .. لو أنك تقابلت مع شخص أعمى وقال لك يا بني أرجوك أن توصف لي الدنيا فماذا تقول له ؟؟؟

اولا ساقول له :[ ليس الأعمى هو أعمى البصر بل
الأعمى هو أعمى البصيره ]

الدنيا تختلف في معناها من شخص لشخص لآخر

فمن يتذوق مرارتها سيقول لك اتمنى
لو كنت في مكانك...

ومن تذوق حلاوتها فسيقول لك هي اشهى من الشهد وازكى من
العسل ..

آرائنا تختلف في وصفها مع انها كلمة واحده ..

فلا تسال الضعيف فسيقول لك سعادة الدنيا بالقوه ..

ولا تسال الفقير فسيقول سعادتها بالمال..

ولا تسال المسكين فسيقول سعادتها بالجبروت..

ولا تسال اليتيم فسيقول سعادتها بالعائله..

ولا تسال السقيم فسيقول سعادتها بالصحه..

ولا تسال المجروح فسيقول سعادتها بالحب الحقيقي..

واسأل الله فالسعاده معه اصدق الاحاسيس واطهرها وانقاها..

واعلم ان الدنيا زائفه بكل ما تحمل من نعيم وشقاء..

واعمل لآخرتك ولا تنتظر من الدنيا شيئا...

وتحياتي ...

احمد كريم كتب:: الســـــــــ عليكم ــــــــــــــلام

وعليكم السلام ورحمة الله ....

到你们的设让我们看到你们的设计看

到你们的设让我们看到你们的设计看

فقط احبك فى الله

أحبك الله الذي احببتني فيه ... شكرا على مرووورك ...

أم البنات كتب:: عليك (فزلكـــــــــــــــــــــــــة) ياهووووووووووو ....

لنقااانك صدقتي في ...

الناس كلها خشت وسئلت والعيل هضا خش ايدير فى جو متاع رانى مش فاضيلكم...

المشكله انه فااضي 24 سااعه غير جووو بس ... فزلكه علي قولك...

عارفينك مهندس وعارفينك صقع وعارفيك مشغوووووووول وعارفينك مانش من مستواك...

والله في اللي مشغوول اكثر منه بس ايش تقووولي عد ...

غير جامل يأخى واسئل سؤال ..وفكنا من جو الحروف الصينية

تي هذا المجامله هكي وهو هكي ... موش قاري اصول المجامله ...

راهن يطلعن خراااااااافة حتى هن --اذكرت !!!ايام الخرافة الصينية!!! ....اللــــه اللـــــــه..

بصدق كانن اجمل ايام .. الله يرحم السلفيوم واياامه ...

نسئل انا سؤال اخرى يا ناصر......

اسالي ميهمك شي ماني قاعد هنا الا عشان تسالوني..

سؤال وراس أمك مايبي مجاملات يبي الرد يكون شعــــــــــير بوجه...

بدون ماتحلفي والله عمري مارديت وجاملت العور عور في عينه...

( لما اتفكر انك تزوج ان شالله هل تفضل زوجتك بعيدة عن عالم النت..

او تكون متعرف عليها عن طريق منتدى او موقع او ايميل

او الفيس بوك او....او....او......يعنى تفرق معاك ولا عادى

(بصراحة والله مايزعل حد بس فكنا من المجاملات ...)..

بصدق تفرررق معااااي ... من ناحية اذا كنت متعرف عليها عن طريق النت..

ومنعرفش عنها اي شي الا اني تلاقيت معاها في موقع او ايميل او شاات او او او او ....

فهنا بالتاكيد موش هنحاول اني نرتبط بيها ...

لانها زي ما تعرفت عليا ع الايميل او او او اكيده متعرفه علي غيرري ..

هذا من وجهة نظررري ... مع احترامي للبعض ..

اما اذا كنت مثلا نعرف البنت هذي كويس ...

ونعرف اهلها من .. وهي من وين ... فممكن الكلام يتغير ..

لان موش كل من دخل ع الايميل او موقع او شات معناها موش تمام...

ان شالله اجابتي وااااضحه ؟؟؟

سؤال آخر...

تفضلي ...

الفاروق امس قالك مرات نسئل فيك على حاجات وانت اتهرب من الاجابة ...

(السؤال) هل الفاروق قصقاص ولا شن نظامه؟؟؟

بصدق .. لنقااااانا ميبيش اي شي يهلبه ...

يعني يبي يعرف كل حاااجه ... ولما يعرف في شي ساير من ورااه يقعد وراه وراه نين يعررررفه..

سؤال آخير...

جمعية السلفيوم متاع يوم 11 ..تضم 8 من نجوم الكتابة ..

اذكر نجم واحد فقط تجده الاقرب اى قلبك ..

تو اتقول كلهم قريبين والجو هضا عارفتك عندك فيه ...

بس نبي واحد اقريب لناصر العوكلى (واحد بس تسمع فيا )

أحمد كريـــم ... هو الوحيد اللي شبه اتصال بيني وبينه يومياً..

وعمرا ما دسً عليا شي ولا نا عمري خبيت علي شي..

وكلهم عارفين الشي هضا يعني موش منحررج منهم عادي ...

....

ناصر نا صحيح فضولى لكن مش فى كل المواضيع يعنى اللى لا تهمنى ماندورهاش لكن القصقصه لها هلها ..قولها لاختنا ووجهلها سؤال نيابه عنى لانها ليست على كرسى الاعتراف ..ايش رايك فى القصقصه مع ناس تعزيهم واااااااااجد ربما لانك خايفه عليهم تبيهم يحكولك كل شيىء

» الحلقه الخامسه والعشرون من كرسي الاعتراف ... مــرح
» الحلقه الحاديه عشر من كرسي الاعتراف ... بنوته
» الحلقه الثانيه عشر من كرسي الاعتراف ... الفاروق