مصلحة العمل تعرض 10 الاف دينار للتنازل عن العمل في ليبيا

قال مدير مكتب الإعلام بمصلحة العمل والتدريب المهني أنه بناء على تعليمات اللجنة الشعبية العامة، فيما يخص الملاكات الوظيقية، تقرر منح مبلغ وقدره "10.000" دينار ليبي مقابل التنازل عن العمل في الدولة الليبية.

وأضاف العريبي في تصريح لليبيا برس اليوم الخميس أن هذا المبلغ سيتم منحه للمتقدمين من فائض الملاكات الوظيفية الذين تقل مدة عملهم عن العشرين سنة في الدولة الليبية.

وفي السياق ذاته لفت العريبي إلى أن المصلحة ستقوم بتسليم المبلغ المقرر للمتقدمين قبل إنهاء خدمات الراغبين في الإستفادة من هذه الفرصة، لافتا إلى أنه ستكون الأولوية لهؤلاء المتقدمين في إمكانية الحصول على قروض وتسهيلات إئتمانية للبدء في مشاريع استثمارية خاصة.

من جهة أخرى عبر عدد من المنسبين للمصلحة من فائض الملاكات الوظيفية، عن تخوفهم من إمكانية فرض هذا القرار الغير مدروس على حد تعبيرهم.

ولفت آخرون إلى ضرورة منح هذا المبلغ لفئة الباحثين عمل، تشجيعا لهم على القيام بمشاريع استثمارية، وتشجيعا للقطاع الخاص.

السلام عليكم أخي العزيز السعيد أنا مستغرب كل الاستغرب من اسمك السعيد وتفكيرك الحزين فالماذا الحزن فأن كان سببه موت صدام فالكل سيموت لا محال وان كان عن الطريقة التى مات به صدام فنعم هي الطريقة فأن صدام رزقة الله بأيدي أعداءه مالم يكون على باله فأ،نه مات في افضل الايام عند الله وهو عيد الاضحى المبارك كذلك فأنه قد شهد له ملايين البشر على نطقه بالشهادة فمرحبا بهذة النهاية التى احسبه عند الله بشائر خير لهذا الرجل البطل فلا تحزن أخي العزيز على شئى الا وقتا اهدرته فى مالا يرضى الله فذلك الذي يستحق منا ان نحزن عليه شديد الحزن فالله لا ابرى نفسى ان النفسه لأمارة بالسوء الا ما رحم ربي وسامحني ان كنت قد اسهب في النصح فالك منى كل التقدير اخي العزيز السعيد والسلام عليكم

10000 دينار شن ايريد ايديرو بيهن حتي سياره ما اتجيب الان هذا ضحك علي الشعب عيني عينك لانهم مغفلون يحسبوا الشعب مغفل زيهم

رساله الي المسئول المرتزق في ليبيا احذر غضب الشعب فأنت في نظرهم مجرد لص تحتمي بالدوله

صحيت اخي علي الخبر

كان يزيدو صفر على اليمين انقدم استقالتي من بكره

هذا اخر ما توصلوا اليه يريدوا ايهججونا من ليبيا وبعدين على راى عبد العزيز شن يبن ايديرن 10000 فى نظرى مبلغ غير مغرى لشخص يريد ان يتغرب

شنو 10000 مرتب كل شهر معقولة واخرا ابتداءا من الشهر الجديد باهى كل شى على البركة

بس عليش يزيدو فينا قروض ماساد العشرة شنو ندهورو بيهن سياحة خارج ليبيا لا واجد

والله شن تبو بعد هكى .. بيريحوكم ويجيبو اجانب يمسكو بلادكم شن عرفكم فى السياسة ..

تحسابو حتى العشرة بتاخذوهون ولو صار وخذيتوهن عارفين امتا مش قبل شى خمس

اسنين ..

بس تبو الحق اللى ريقه ناشف وما حصل تعييين او عمل فى الدولة لان مش هيسير ويحصلو

عمل خيرلهم ياخذوهن خير من امراجاتم بلا فايدة ..سبحان الله عقول تقول ولا تعى ما تقول

ربى يكون فى العون من التطورات الجايا لبلادنا ..

وووووووووووووووووووواااااااااااووووووووووووووو
خبر شين والله انا لما سمعت الخبر حسيت بالاهانه ونفسى صعبت على انا اللى قريت وتعبت على شان نبى نخدم بلادى
انا حتى مستغربه مستخسيرين فينا 300 دينار اللى كل بعد شهرين ونص يجن بنشافة الريق
ويعطوا فى العاطلين معليش نقول اللى فاشلين اغلبهم فى قرايتهم وحتى التعب مش تاعبين يعطوا فيهم 500 دينار وكل بعد كم شهر يجنهم 5000
اللهم لاحسد بس والله قهر على الاقل ديرولنا شوية قيمه
والله خبر شين

حسبنا الله في نظامنا وسياستنا ودولتنا

لا حول ولا قوة الا بالله

» تعرض موقع ليبيا اليوم والمناره للقرصنه
» ساركوزي: فرنسا ستواصل العمل “حتى انجاز مهمتها” في ليبيا
» وزير خارجية ليبيا: مصر لها الأولوية في الاستثمار داخل ليبيا