ما طلعت أبشي

ما طلعت أبشــــــــي ..... خاطي تبهديل أوعذاب قوي

حبيت لاكن ما طلعت أبشــــــــــــي

طلعت أبحيرة ..... وأهموم واجد واعرة أومريرة

أوقلبي أسكر صارله تضريرة ..... ظلام أفظلام اليوم ما في ضـــــــي

أوعلي كل فم أبقيت ضحكة أوسيرة ..... طالع أنفظ مالغلا في أيدي

مكسور ما تنفع أمعاي جبيرة ..... مجروح ما يقدر طبيب علـــــــــــــي

وين ما أنروق أتصيرلي تخطيرة ..... والجرح ينزف وين قلت أبري

أوماعاد بالأمكان نعشق غيرة ..... أو لوكان في عيني غلاه أحلـــــــــي

جتني الصدمة فالعزيز كبيرة ..... سلمتله والغدر كان خـفـــــــــــــــــي

عني رحل لا عذر لا تبريرة ..... باهي اللي مازلت توة حــــــــــــــــــي

طلعت أنـــــــــــش ..... قدر غلاي أوطيبتي بالغـــــــــــش

وأتقول شايل غل فيا فـــــــــش ..... موقف رماني فيه ما هو لــــــــي

غاب أونساني في هناي ربـــــش ..... تاريتني غافل أوكنت غبــــــــي

بلاني أبياس أفكار عقلي خـــــش ..... مادار فيا من جفاه أشوي

خدعني أوقلبي في هواه أنغـــــش ..... نحساب روحي في غلاه هنــــــي

خداني لحم بعدين في نهــــــش ..... رماني أعظام أبكل عزم قوي

قصيدة للشاعر حازم الصبيحي

دمت بود يا ولدنا

وشكرا لذوقك .....

ايها المتذوق ....

ولدنا ... أحسنت الاختيار رائع جدً وين هالحس

الشاعري لك مني كل الود واحترام

ما طلعت أبشي 13606245321821639894

[img]

[/img]

» قصيدة ما طلعت بشي ...