من طرائف مصرف التجارى

السلام عليكم

طبعا طرائف مصرف التجارى الفرع (الرئيسى )كثيره كما تعلمون . من كم يوم خلص دفتر الصكوك الخاص بى فقلت نمشى للمصرف .وناخذ دفتر صكوك قبل زحمة الرواتب وانتم تعلمون ماهى زحمة الرواتب فى التجارى تبيلك يوم وانت قاعد فى الطبور عشان تسحب (معاشك )

المهم جيت للقسم الحسابات وطلبت دقتر الصكوك فاجبونى لاتوجد دفاتر فى الوقت الحاضر وقالولى تعال يوم الاحد

احتمال ايجن الدفاتر..

يعنى بالله عليكم هذا مصرف .

من قبل ايقولو المنظومه عطلانه وتقعد كم يوم ماشى جاى على المصرف نين تصلح المنظومه وقلنا ماشى تحصل

احد الموظفين يحكى معك بااسلوب همجى نين ايحسك انك جايه فى مصرفا الخاص وتشحت فيه وانقولو عادى مسكين

ظغط عمل وكاثره عليه .لكن توصل بيهم الى درجة حتى دفاتر الصكوك يقصرو عليهن .هذا الشى ما كنت نوقعه ابدا.

لااملك الا ان اقول حسبى الله ونعم الوكيل

فعلا ماعندنا مانقولو غير حسبنا الله و نعم الوكيل ولك الله ياليبيا اللى هذا حال المصارف فيك

افلونه بارك الله فيك على مرورك الطيب

تعليقي سوف يكون بالشكر لك
اولا أخي شاهين علي هذه الاطروحات المتميزة....
لعل اطرف ما بهذا المصرف هو
العاطل الدائم والمستمر
للمنظومة¡¡إتخطر علي بإنقطاع
التيار الكهربائي ...

اهههههههههههههه حتى انقطاع التيبار معاد ايخصك فى الشتاء

مشكور اخى الورفلى على مرورك

سبحان الله قبل كان فى صراف يجى لمقر العمل ويصرف للموظف راتبه قالو لا المصارف افضل

واحسن وين ايامك يا صراف على فكرة شاهين برقة انا فى نفس المصرف بس فى بنغازى

وانعانو من نفس القصة بالله كثرتن على قلة ابركتن كان غير ريحونا من وجيج المصارف

راهو الواحد متريح اكثر ربى يكون فى العون وبارك الله فيك على مشاركتك المميزة وننتظر

المزيد تقبل تحياتى بفائق ودى عبر مرورى ..

ودق ..

مرورك اضاء صفحتى بارك الله فيك

اخي .....شاهين برقة

مافيش اي حاجة غريبة على المصرف التجاري .....

ولنا الله ......

تقبل مروري ......أمــــــــــل

من الخبر الي ايسير فيه المصرف التجاري بالبيضاء قاعد اشهر مصرف ف العالم
واخذ سمعه بس ع ابيض عمري ماشفت فيه حتي ميزه وحده
قاعد اتقول كسكاس كله عيوب
أخي شاهين برقه أهلا بتميزك بيننا عارف أنها جت متأخره فألتمس لي العذر

مافيش خير من البطاقة الالكترونية وكان يديروها تتريح وتريح الاخرين وبلاش بلكل من الموظفين

المصارف ولا يقدر اي حد يتهكم عليك ولا زحمة ولا غيره

ولد البيضاء بارك الله فيك على ترحيبك بى واشكرك على مرورك الطيب

اختى امل اختى لوجين اسعدنى مروركن بارك الله فيكن

الله يعينكم على هالمصرف ياربى المصارف كلهن زى بعضهن..

وتوا دايرين نظام السحب الذاتى احسن واسهل انشالله يفتحولكم هالميزة قريب..
شكرا" على مشاركتك خوى شاهين...

زهرة المدائن اسعدنى مرورك بارك الله فيك

سه

ل دفتر صكوك ويقولك مافى سقف يغطى المبلغ

المشكلة موش في عطل المنظومة ولكن في خصم الأقساطبعدها
لمرتبك بدون خصومات وتتخيل انه في زيادة فيالمرتب وفي الشهر التالي لا تجد في حسابك سوا أصفار
(خصم قسطين في وقت واحد)
يعني نحنا انتحملو الاخطاء امتاع المصرف وهمموش قادرين ايتحملو جراير اخطائهم في كل الحالات الدق عليك
الله غالب
هلي

هلى عبدالمنعم...حمدى حماد اسعدنى مروركم بارك الله فيكم

الاخطاء ليست فى المنظومة بل فى زبائن المصرف الدفاتر تأتى من مصرف ليبيا موش يطبعو فيهن جوا او ثانى حاجة الاقساط واحد خذا مرتب بالكامل ليش موش عارف انه عنده قسط والله قالوله الدولة اتزيد فى الرواتب غلطت التجارى انه يفتح احساب الكل من هب او دب المفروض اتجى تقعد يوم وتشوف الشغل فعلا صدق اللى قال الجمل مايشوف عوج رقبته هظا المثل موجه لكل من قال كلمة فى حق موظفى المصرف التجارى وللحديث بقية.........

» زيارة غير مسبوقة من أطفال روضة براعم الى مصرف التجارى
» طرائف مصر .......
» طرائف