اغاني علم مختارة

* نمشى بلاه بين الناس @ ردوا العقل ياوخدينا

* ايصير عباده غلاه اللي سطى@ ع القلب نين تماده
* اظلمك بالعين قديم @ بسكاتك ظلمتي خاطري

ما طحت في حنون ايقول ... حيدوا عليه ياللي تظلموا

اغاني علم مهداء للاخ محمد سعد/
1- امرار وقت وفعلاه @ لتنيين ظلم ياليميني
2- بيني وبين عزيز مسافة @ وايش اطفي نار اريافي
3- اسموري مومن عازت شئ @ امفيت غياب عزيز على
تحياتي /عديل الروح

فى صوبى اتمرميده صارت نين النيه منا طارت
ان ماهن امعاك عليك ليام ماعلى غايتك ايجن
لانوم لاهنا لاعزم معا قديم غايبات كلهن
فيه اللى ربك كاتبله راقد والريح اتحطبله
جديد اديرى ماهنوك اقدم سمعو لمباكر جوك

برعصية لنقانك جيتي على الجرح /مشكوررررررررررررررررررره

عديل الروح كتب:: اغاني علم مهداء للاخ محمد سعد/
1- امرار وقت وفعلاه @ لتنيين ظلم ياليميني
2- بيني وبين عزيز مسافة @ وايش اطفي نار اريافي
3- اسموري مومن عازت شئ @ امفيت غياب عزيز على
تحياتي /عديل الروح

وصل الإهداء وبارك الله فيك

وهذا ردي:
" م الوقت ما انريد جميل ... خلوه بيش مو جايني ايجي "

" انسيهم اتقول انظري ... الها قلت عيني اتقوللي "

" ان راد لك الله الخير ... ايجيك نوم وايجوك الاقدم "

وهذي مني لك :

" شكولي او نا مجروح ... يبري الله جرحي وجرحهم"

" يا مجروح اتشاكي فينا ... يبريــــك الله ويبريـنا "

وأخيراً >>>

" الكن الله قولن خير ... كنيب يامجـاريـح تنفرج"

محمد سعد/ اهداء
حالفت ما ندير جديد@ مازال قديم عقلي رايده
-يالقديم ارضاك انريده @ ماتلزمني نار جديدة
- حطم جديد اعلقت فيه @ عيط قديم رديت لاوره /
تحياتي

مشكورة أختي عديل الروح

ولكن بما انك جبتي طاري القديم

انقوللك:

بالموت ما دعيت عليه ... اجعل قديم لا مال لاضنا

اجعنك ياقديم اتداوى ... كل اثنين غسيل كلاوى

ايبان في قديم ادعاى ... يبقى كفيف وايقودا عدو

كان قديم نشد قديم قولوله ... بالعيشه السوده ندعوله

ادعاى يالقديم عليك ... ادعا حاج مولاى قابله

وكان تبي تعرفي السبب :

" زهاهه قديم ايام ... وبكاها علي طول عمرها"

أكييييييييييييييد

مش للدرجه هذي ^_^

لأن بصراحه

عيت قديم اليوم امعاهم ... فضت برضانا وارضاهم

ايامي عدن نا وقديم ... الدايم وجه الله الكريم

وانقول للقديم:

" سموحك يالقديم امعاك ... ايسدن ذكريات غلاك"

" امسامح يالقديم امغير ... اطرينا في ميعاد الخير"

ونصيحه لك:

" اللي ياعين قديم قديم ... عليش اللوعه والتخميم "

" صوب قديمك حيدي عنه ... را العلايل جنك منه "

وكان قلتي ما نقدرش

انقولك

" كونه ايهون ايهون ... قديم غير تبيله اشوي "

تحياتي

^_^

خويا محمد سعد/ خديت بنصيحتك وقلت
- قديم سفيت عليه رديم @ مع جديد يانار اولعي

- يانا الليلة يحسابني قديم @ ماريت غير ازويله مامن غلاه درناه

- انعنك ياللي خنت غلاي@ مريض ومالك شئ داواي

واخيرا انقول
- سماحة الغلا والصوب @ يجن اصداف عقال يفهموا
مشكورررررررررررررررررررررررر يامحمد سعد

يا لجديد أنزل فالخاطر ... ما شكع برق الا ماطر

يا لقديم وما تعلمها ... نارك صوب جديد ردمه

ياقديم ان ريدك طيب ... درت جديد احذاي اقريب

سفيت عالقديم رديم ... مع جديد يا نار اولعي.

سفيت على القديم رديم ... الا جديد ناره كابره

جديد ياقديم ادفرك ... كنس مطارحك نين عججن

يا القديم ايش الي درته ... بعد بري جرحي قشرته

فالخاطر بعد لولاف ... خليك يادمعه تخنقي

نصيبك ايجيك ايجيك ... علي عزيز خليك صابره

تقبلو مروري

مبروووووووووووووووووك جديدك ياخوي الشمعه

انواري انذاري فيه ... غلا جديد ماانريدلا نبا

دسيته علي العيون ... غلا جديد دوبي دايره

من شر قديم افتكينا ... وايدين حنونات القينا

تباعد يالقديم وطز**** جديد أمعيشنى فى عز

دز قديم ايريد إيصالح ~ مايحساب كلاه المالح

تربح يالقديم اخطاني ~ تاخد سو اللي داواني

إنعبيهن الانظار رديم ~ كان التفتن شور قديم

عقبااااااالك

وصلى ع النبي راك تاخذنا بعين
:نونو1
2:

اختى شمعه مبروك جديدك والعقبة ليا حتى انا نلقي جديد

اخي اسفه درت مؤنت بل اخي درت اختي خطاء مطبعي / مبروك جديدك وانشاء يبقي ريدك

= منك منك توعي عقاب الليل @@@@ تنشد عنك كل ما جري للعين منك منك
= العين امغير على طاريك @@@@@ اترايف يالبال تلاقيــــــــــــــــــــــك

» شتاوي ثلاثية مختارة