اعادة التصعيد بالجبل الاخضر

سبق لوكالة ليبيا برس وأن نشرت خبرا عن اجتماع قبيلة الدرسة
بالجبل الأخضر لدراسة خروجها من التصعيد دون حقائب تذكر رغم ثقلها القبلي في المنطقة
وتولي بعض أبناءها لحقائب وزارية بالدولة، وأن مسؤولا كبيرا بالدولة الليبية طالب القبيلة
بتشكيل وفد وإرساله لأمانة مؤتمر الشعب العام لتدارس الموقف.

وفي الأيام القليلة الماضية صدر حكم عن محكمة البيضاء الإبتدائية
بناء على دعاوى طعون في التصعيد بإلغاء التصعيد وإعادته بشعبية الجبل الأخضر، مما يعزز
من حظوظ قبيلة الدرسة في مواجهة قبيلة البراعصة المسيطرة على مدينة البيضاء في حصولها
على حصص في الأمانات التنفيذية المتنازع عليها

نقلا عن وكالة برس

بالتوفيق للجميع ............

كما إن هناك سبب وجيه ..
آلا وهو وجود أحكام
وقضايا على بعض الأمناء
لم يبث فيها بعد ..!!!

ألم أَقل لكم
إن التاريخ يُسجل ..!

.
.
مودتي وامتناني لكِ
مراسلتنا النشيطة
حفظكِ الله

أمانات ... شقق ... براعصة .... ما هذا ؟؟؟؟؟؟؟؟؟؟؟؟ اعادة التصعيد بالجبل الاخضر 681128

الله المستعان
حدث ولا حرج

اولا ارجو عدم الزج باسم قبيله البرعصا فى كل كارثه فى البيضاء
بعدين الكل يعرف لماذا الدرساء لم يتحصلوا على امانات ثقيله
لانهم تصارعوا فيما بينهم ولم يتفقوا
واستغل الموقف الحاسه مع البرعصا واتفقوا وحصلوا على الكعكة كامله
والكل يعرف ان التصعيد فى القاعه والمصعدين هم من يقررون
والفوز للاغلبيه
هذا للتوضيح

يا ثلاثى أدوه موش الاغلبيه أدوه من إلي يصلح المدينه هلى تحكو عليهم أمتاعين كراسى وبس
ورينى من ألي عنده غيره على المدينه مافى كرسى ولمات ومشاريع له وتغيير الحوش
شنووووووووو رايكمممممممممممممممم

ممكن فى اعادة التصعيد يرتد الحق لا صحابا

يعني معاش في الا البراعصة تحكوا عليهم

وبعدين مش تعصب لقبيلتي بس كان ما اصعدنا في وطنا وين نبوا نصعدوا
واللي متعارف عليه ان البراعصة هذا وطنهم
يعني ملخص الدرسة{قاعد في ركني ومشاركني}
سامحوني ع الاطالة وماحد يزعل من ردي لان هذه وجهة نظري

يا اختى يا اختى البيجيتيه هذا تصعيد على مستوى الجبل الاخضر انتبهى لنفسك واعرف اكويس ما هى مناطق الجبل الاخضر فهى لسيت كلها حكرا على قبيله معينه ونحن فى ليبيا احرار

ولا تكونى قبليه فكلنا ليبين وعرب ومسلمين وكل واحد يقيم على اسلوبا وتفكير وتصرفاتا

لا لقبيلة من انشاءلله اتكونى فهمتى .........

البجيتية كتب:: يعني معاش في الا البراعصة تحكوا عليهم

وبعدين مش تعصب لقبيلتي بس كان ما اصعدنا في وطنا وين نبوا نصعدوا
واللي متعارف عليه ان البراعصة هذا وطنهم
يعني ملخص الدرسة{قاعد في ركني ومشاركني}
سامحوني ع الاطالة وماحد يزعل من ردي لان هذه وجهة نظري

لا تجعليني أسرد عليك التاريخ
و أصل آل برعاص ..!!!

اعادة التصعيد بالجبل الاخضر 11287016462

أناي

البجيتية ارجوا منك ان تحترمي كل قبيلة
مافيش حد عاب في البراعصة وهو موضوع انطرح وهذه وجهة نظر كل عضو
ارجوا ان تحترمي وجهة نظر كل واحد
بعدين الوطن مش ملك للبراعصة الملك لله وحده
ياريت تقبل رائي
ارجو منك ان تحترمي قبيلة الدرسة مع العلم اني مش درسية
بس لازم ناقشنا يكون ارقي من هيك
وبعدين كل قبيلة لها الحق في هالوطن
البيضاء مش للبراعصة راهي

البراعصه ايصعدو فى البيضاء فقط ورونى برعصى يقدر يمشى ايصعد فىزواية العرقوب او الحنيه او قصر ليبيا او شحات حتى شراء ارضى فى وطن الدرسه ممنوع ابيعو لواحد برعصى

وبعدها البراعصه ماخذو كل الامانات اهم امانه الى هى التعليم خذوها الحاسه وسبق للدرسه مسكو امانة الموتمر فى البيضاء واسكنو فى امانة التعليم من عام 1998/الى 2010
ياريت ماديرو البراعصه شماعه والبراعصه عمرهم ماداعكو حد ولا ادككو فى وطن حد والبراعصه حتى لو مسك منهم واحد امانه ايكون معروف ومعه موهل علمى مشرف مثل الدكتور فوزى اكريم امين امانة الموتمر

شاهين يا شاهين كلنا اخوات وعرب ومسلمين وليبين فكونا من التعصب القبلى

يوم القيامه كى يتحساب الانسان ربى ايقولا انت ادرسى او برعصى

كلنا بشر سواسيا واللى امخرب المنطقه الشرقيه هذة القبليه

وارجوامنك عدم التعصب

الدرسا يسلموا والبراعصا يسلموا كلهم فيهم الخير والبركه ولو كان عندهم اخطاء

فنحن بشر وخطوون لو كان الموضوع ايزعلك نلغوه خالص

اختى .. بنت العز..

انتى شكلك قريتى ردى انا فقط وغضيتى النظر على بقية الردود شوفى الردود الى قبلى وبعدها تعالى انصحنى وانا عادى نتقبل نصيحتك بكل ود لكن ياريت اتشوفى الردود على قبلى..

ونا ماقتلك البراعصه ملائكه مايغلطو
تحياتى

لا ابدا قرات جميع الردود ولكن لا نريد ان ندخل فى حوار عقيم حول القبليه التى تكاد تسيطر على اغلب العقول

ولكن اريد ان اوضح ان كلنا ليبين ولا نريد اى قبليه وكلنا هنا اخوة فى المنتدى

فلا داعى لان ندخل فى نقاشات قد تجرح البعض

طبعا هذى طبيعة الليبيين
ونا منهم طبعا انسيبو
الموضوع الاساسى ونطو ونتناقشوا
ونديروا فى مشاكل على
هوامش الامور نبى انقول فكونا
من التعصب القبلى
عارفة كل واحد يعتز بقبيلته
ويفتخر بيها ومايحبش حد يحكى
عليها بس لازم نحترم بعضنا لان
فى الاخير ليبيين
(بس ماحد يحكى عالبراعصة lol!

)

بصراحة كان من المفروض لي عدم الخوض في هذا النقاش
والحور والتعصب القبلي الذي
اهان الشعب الليبي واصبحنا
نمجد القبلية وننكر الهوية
وإننا خير إمة إخرجت للناس
انا مسلم ومواطن لليبي واعتز
بعروبتي وبإمتي!!!
الأمة الاسلامية ....
مما جعلني اسال الأخت برعصية
أيهما افضل عندك
وهل هذه طريقة للحور والنقاش
لا والله....
اعتذر من الجميع وسوف يكون
هذا الرد الأخير....
وأقول لا حوال ولاقوة إلا بالله
العظيم....
وحسبنا الله ونعم الوكيل...

ياخ الورفلى ياريت تقرا كل الردود ماتقرش رد ورد لا

تحياتى

لماذا تحولون هذا المنبر الاعلامى الى صراع قبلى على السلطة,,,,
لماذا لا تجود اقلامنا بشىء انبل وارقى من المناوشات القبلية ,,,,مع احترامى لوجهات نظركم يا شاهين برقة ويا بنت العز ويا أناى والبجيتية ولكل من ادلى بدلوه فى موضوع لا انكر انه يخصكم ولكن هنا ليس مجاله,
مع تقديرى لكم واتمنى ان تتقبلوا كلماتى برحابة صدر

فكونا من التعصب القبلى هده مدينه موش قريه بهتو للمدن الثانيه شنو ألي كبره ومشته لقدام مافيش قبليه لان ألي يصعد بشهايده والخبره وليس بلمرابيع
وملاحظه:[/color]دبينكم فلقبليه وأنتم لاورى
وشكرااااااااااااااا

والله صدقت يأخي عبدالعزيز
لازم نتطلع الي قدام ونطور من بلادنا وفكونا من القبلية
كل قبيلة واخذه قرعتها مش البراعصة اللي واخذين كل حاجة مافيش داعي للظلم قبيلة البراعصة
مع العلم اني ورفلية ومفروض ماندخلش في القبلية
راني بنت عمك ياورفلي

بالنسبه للتصعيد خليكم راقيين ضعوا الرجل المناسب فى المكان المناسب بلا قبليه

» المصعدون الجدد بالجبل الاخضر
» اعادة الطلب
» أضحى مبارك اعادة الله عليكم باليمن والبركااات