الاهــــــداء الي الورفلي

السلام عليكم ورحمة الله وبركاتة

تحية طيبة وبعد

أمس كنت عند الورفلي في المحل ؛؛؛ اشوي قرمة في المنتدي من عندي او من عندا !!

المهم القيت عمك الورفلي متلخبط ؟؟؟

ورفلينا كنك ؟ قالي امس احلمــــــــت ؟

قتلا خير ان شاء الله

قالي شفت في المنام ان ريال مدريد واخذين الكاس

وعيت منفجع

قتلا لا متخفش ؟؟؟

لانا جماعة الريال ديما يحلموا بالكـاس

الاهــــــداء الي الورفلي 635961

هو هو هو هي!!!!..
يا أحمد هذا موش حلم هذي
حقيقة انا عندي إحساس كبير
بإن الريال حيفوز بالكأس وبالدوري
تعرف ليش يا أحمد
إنزل لوطه
إنزل لوطه
إنزل لوطه
إنزل لوطه
إنزل لوطه
إنزل لوطه
إنزل لوطه
لإن الريال كبير
إنزل لوطه
إنزل لوطه
إنزل لوطه
إنزل لوطه
إنزل لوطه
الريال كبير يا أحمد
وزي مايقول عصام الشوالي
وتلك الأيام ندولها بين الناس ....

وانا انقول شن عنده الورفلى زعمك حضر وتخرج او ربى فتح عليه ووفقه ببنت الحلال او

يكون عيد ميلاده او شن القصة واخرها تطلع على الكورة .. عطكم الخير بس بجد ورفلى

لخاطرك ندعى كل يوم بيش ربى يفكك من سريب الكورة ويخفف عنك لان مرض مزمن وهوس

تاعب صاحبه يلا بالك الريال يحسو بمشجهم المتعصب ورفلينا تقبل تحياتى ..

ويا خوى ورفلى الريال ياخد الكأس و الدورى هاذى اممممممممممممهه
نحس فيها مش موزونه العملية شن خليت للبرسا امالا
و الله برشلونة من غير ما نحلم بيهم نشوف فى الكأس بين ايديهم
ويا أخى المتعة مييسى متعبنى بصراحة(ماشاء الله تقول كمبيوتر )
حاول تحلم مرة و تعدل فى الفيديو اللى شفته .. هههههه
موفق ان شاء الله و تقبل تحياتى

شكرا ودق علي مشاعرك الطيبه
يا ابو إسلام شكلك من مشجعي
البرشا اللي يفهموا في الكورة
موش زي غيرك إمغير دوشة
وهرجة
نبي نسألك سوال واحد بس؟؟
هل إنتهي الدوري لنحكم انا وانت
بإن البرشا او الريال فازوا بالدوري
والكأس؟؟
بالتاكيد سوف تكون إجابتك بإن
الأمور لم تحسم بعد ولكن
الأقرب هو البرشا!!
سوف اجب واقول لك بإن البرشا
لازالت لديه مباريات صعبه
ضد فباريال وفالنسيا وإشبيله واتلكتوا مدريد
والريال خاض نصف هذه المباريات بنجاح !!
إذا لايمكن ان نتوقع بإن الدوري
سيكون للريال ولا البرشا
إلا بعد إنتهاء الدوري
ولتدرك بإن إحساسي لا يخيب
ابدا وسوف يحقق الريال لقب
بطل الدوري والكأس وبإذن الله الابطال هذه السنة
ولي عودة ولكن ليس الأن
وبهذا المكان والزمان
وفي نهاية المشور إشكرك
علي هذا الحور!!!

ورفلينا ان شاء الله ظنك واحساسك ما يخيب
بس عندي سؤال
هل تشعر ان في أمل ولو من بعيد في تأهل ليبيا لكأس العالم ولو علي المدي البعيد
ان شاء الله نشوفو هاليوم قريب
لكن مش حلم بس

ورفلي انشاءالله حلمك يتحقق ونفوزوا علي البرشا اشوي ونخلهم يتواضعوا
والله كان ميسي يطلع من البرشا توا اتشوفوا البرشا علي حقيقته واتشوفوا الفضائح صاح
اللي ساتركم هو ميسي بلا ميسي مافيش برشا انشاءالله ميسي ينتقل للريال
وانشوفكم وانتوا اتشجعوا في الريال توا يقعد الريال بالدعاك
عجباتك ورفلينا والا لا قول قوية صاح
انشاءالله الريال ايفوز بالكاس
بشرط كان الريال فاز بالدوري يعزمكم يافرسان المنتدي الورفلي علي عشاء في حوشهم
وتوا انا نسمع شن دارلكم في العشاء عشاء زايط اولا اتفقنا
توا الاخبار يوصلني اول بأول
انا نعرف الورفلي كريم شن يقعد تغير بعد مشيتي لفرنسا ههههههههه
وتي روحك وتي للعشاء من توا ورفلينا بيضلنا وجوهنا

إختي زهرة
يسمع منك ربي وإنشوفوا راية
ليبيا في كاس افريقيا قريبا
وبعدها كأس العالم وهذا
موش حلم قد يتحقق لو الأتحاد
الليبي لكرة القدم واللجنة الاولمبية
برعاية قائد ومهندس الرياضة الليبية
(محمد معمر)
بصراحة منذ أن تولي هذا
المنصب والرياضة بجميع انواعها
في تطور وهذا امر واضح ولا
يمكن نكرانها...
لكن مازال في شي ناقص قد
يكون الملاعب او اي شي اخر
من وجهة نظر البعض
ولكن من وجهة نظري خراب
الكورة عندنا هو التحيز الكبير
لفريقي العاصمة الاهلي ط
والاتحاد
وعدم الاهتمام بفرق الدرجة
الثانية
والله ثم والله يازهرتنا إن شاء
فاطمة ماتشوفي وانا إدلع فيك
توا لكن حلم حياتي
إنشوف ليبيا رايتها في كل مكان
إترفرف في جميع المسابقات
الدولية والعالمية!!
ام انتي يارنوتنا
كلامك جميل وعجبني وبحق
شفته فرحني وسعدني!!
وياريت كل مشجع برشني
يسمع كلامك ويقعد ريالي
قبل ما يفوته القطر ويقعد
طرالي !!!خ خ خ خ خالي عنك......

أهم حاجة راك تنسي العشاء
وتي للعشاء من توا خلينا نقهروا جماعة البرشا ويقعد عشاء سمح
اشهدوا ياجماعة البرشا راكم معزومين من توا علي العشاء
هذه دعوة مفتوحة مني انا رنوة نيابة عن الورفلي
نظراً لكثرة مشاغل الورفلي هو في الحقيقة كلفني بهذه المهمة واني ادعوكم جميعاً للعشاء
خاصة جماعة البرشا اوكي
مش هيك ياورفلي او لا
افا عليك ورفلينا انت قدها وقدود العشاء

يخرب بيتك خربتي بيتي!!
اا ا ا ا ا أمزبوط كلام ر ر ر نوة
العشششاء عند ي ي ي
لما إيفوزوا الريال!!

شن رايك ياورفلينا انقلبوها علي جماعة البرشا
يعني كان فاز البرشا طبعاً ماانشاءالله اش ايفوزا راه العشاء شور جماعة البرشا
يعني وزعوا ارواحكم ياجماعة البرشا من اللي يأخذ او شوره العشاء يعني
بين ملاكنا وولدنا وشاهين بيناتكم العشاء كان فاز تعزموا فرسان المنتدي كلهم ياربي
تعزموا عرب البيضاء كلهم علي العشاء ويفضل انكم اديروا في قاعة النسيم واديروا الدعوة عامة
وبشرط تعزموا حبيبكم وروح قلبكم ورفلينا لازم ايكون حاضر
اتفقنا والا لا قولوا رايكم بصراحة كان هيك اندبروا واحد اخري ادير العشاء
وتوا ارواحكم ياجماعة البرشا مش انتوا واثقين من الفوز خلاص وتوا للعشاء من توا
الا ورفلينا اكيد يدعي وايقول انشاءالله الريال يخسر
علشان خايف من العشاء خايف من الميزانية تخرب هذه تحويشة فرحك انشاءالله
هاتريح في عزومة عشاء فوز الريال انشاءالله ههههههههههههههههههههههه

إنتي تسكتي خالص!!!!
هههههههه

الورفلي كتب:: سوف اجب واقول لك بإن البرشا
لازالت لديه مباريات صعبه
ضد فباريال وفالنسيا وإشبيله واتلكتوا مدريد

ياورفلي صحح معلوماتك راه برشلونه فاز على الفرق

التي ذكرتهن كلهن في مرحلة الذهاب واليوم يلعب امعا

اتلتيكو مدريد في مباراة الاياب يعني ياريتك اتاكد من

معلوماتك قبل ما تكتبهن

اما ع الدوري انت احلم بس كيف حلمك ان ليبيا اتأهل

لكأس العالم

على قولة رمز ال اتأهل ال ههههههههههههه

ياولدنا صحح معلوماتك إنت وركز شن قصدي انا قلت مازال ما تلاقوا
امعاهم في الأياب
والأياب واعر عليكم ياعشاق
البرشا وموش حنشمت فيكم
اليوم....
البرشا حديد ريال صيحوه

... أبنائي الآفاضل أحمد كريم ... والورفلي ...
ربي يسعدكما بكل خير أينما كنتما وأينما حللتما
فبصاماتكما خير شاهد على طيب معدنكما
ابعث لكما أعطر التحايا والتقدير والاحترام
و نتمنى لكما من كل قلبي حياة سعيدة مستقرة في حضن ليبيا الحرة

ذكريات حلوة لن انساها

» الاهــــــداء الي أم محمد
» الي اخي "الورفلي"
» مبروك الورفلي افضل عضو