شعر مضحك

هــذا جـيـل الـجـو الـفــايـح قـلـيـل ربـايــح ديـمـة نـص اللـيل ذوايـح

جــيل البريـوش جيــل اللى دسـكه مـخـتــوش

طـاهق بـالمـوضـة مـغـشـوش و مـنـهــا يـأخــذ سـوك رايـح

جيــل الشـوكـات جيــل الجــل و الكـريمــات

لــو يـلقـى في الشـوكة يبات حذا المدارس ديمة طايـح

جيل الباهى جيل اللى في الكيكة لاهى

نسيوه بــريـريـد الشاهى و ع المكياطة تما طايح

جيل الراب لا يقرأ و لا يحل كتاب

ديما شاطح دون اسباب و من الدخان خياله سايح

جيل الموضات جيل آخرو احدث طرحات

يتبع ف الفيديو كليبات و ماشي في التيار و رايح

جيل فضيحة جيل نوادر آخر صيحة

في الجو مزنح تــزنيحـة مع هيفا و روبي يصايح

جيل ال ok جيل اللى يحكى بيديه

تتعب و انت تعدل فيه و لا ما تثمر فيه نصايح

جيل التوخيرة جيل يقلد في شاكيرا

و مسكر راسه تسكيرة مقفول و مفتاحه رايح

جيل الشيشه صارت في عقله تعشيشه

لا يعرف خدمة و لا معيشه يبى فلوس ايدير فضايح

جيل الغم لا يقدر بوه و لا عم

و هابا كان نداته الام نصايحها امغير نبايح

جيل الماكسيما يبى راحه ديما ديما

لا يعرف ذوق و تبسيما كلامه كله غير قبايح

يطلع في الحمرا بتبـريمه

يـزورق و دومـــانـه مـــايح

جيل النقال ايكمل عمره غير اهبال

لا يكلف و لا يجيب المال مكملها عركة و طرايح

جيل الجل لا يعرف خدمة و عمل

يرقد نين العصر ايهل يطنقش زينه و روايح

جيل الملفوف جيل احباله جيل سيوف

جيل وساطه جيل اكتوف ينابش في المسلم و السايح

جيل التنباله جيل صياعه جيل رزاله

يا خسارة اعزيز حماله راح تعبها ادموع نوايح

جيل الشم لا يتاجر لا يدير غلم

زايدنا هم على هم او كان نصحته يدير شطايح

جيل النوم في غياته امغير ايعوم

وكنه اوعى و دار عزوم انديرو له حضرة و ذبايح

تعـذرهم منه اللى ايلوم

زمان شين و مركبهم ذايــح

امـفـيت يفزع ربي القيوم

و من غيره للغمة زايح

هذا الشبا ب قبل الثوره بس ايام الثو ره بيضو ها وغيرو نضرة النا س ا لهم فتحيه كبيره لهم

[size=29]







هم هذوم شباب الجل .. اللي قالوا لمعمر حل ..



شباب الجل اللي ما كان متوقع منهم كل الشجاعه والنخوه هذي ..

شباب الجل اللي ضحوا بارواحهم وقالوا نحن فداكي يا ليبيا

من داخل ليبيا ..ومن خارجها

اللي جو من حياة عز ونعيم من امريكا وبريطانيا و... عشان يحرروا الوطن

ربي يحقن دماؤهم ويشد علي ازرهم يارب العامين ..

هذوم الللي رفعوا راسنا ووروا للعالم من الليبيين .؟ من احفاد المختار ..؟ من احفاد السويحلي ؟



وانشالله النصر جاي علي ايديهم باذن الله ..

ومشكوووووووووووور اخي علي المشاركات الرائعه ..[/size]