نداء الي كل المواطنين !!!

ياناس ياعالم ياهووه ..

ممنوع رمي القماااااااااااااامه في الاماكن العامه ..

الناموس كلانا والذبان عطب حالنا والبشبو قلل هنانا ..

نحن من قبل يابال توا ..مافيش وعي ؟ مافيش ظمير ؟

كل مواطن ياخذ القمامه في سيارته وايحطها في المكان المناسب ..

عالاقل في الفتره هذي بس نين تنحل..

والله منظر البلاد مش تمام بكل ..

لا .. واللي داير روح شاطر يمشي يحرقها ..

حرام انتنفسوا هواء نقي وطبيعي ..

لاحول ولاقوة الا بالله ..

ومعلش عالاسلوب بس حسيت هذي اقرب شي يوصل اللي بداخلي لاني مقهوره ..

والله صدقتي اختي

وين الضمير علي الاقل ساهموووووووا في بناااااء ليبيا الجديدة

( النظافة من الايماااااان)

ياريت تلبوا النداء وسادنا امراض

حررررررام عليكم راعوا المرضي

مشكورة اختي علي لفتك الطيبة

رنوة كتب:: والله صدقتي اختي

وين الضمير علي الاقل ساهموووووووا في بناااااء ليبيا الجديدة

( النظافة من الايماااااان)

ياريت تلبوا النداء وسادنا امراض

حررررررام عليكم راعوا المرضي

مشكورة اختي علي لفتك الطيبة

لاشكر علي واجب يارنون..

نورتي صفحتي ..

وانشالله يسمعوا النداء ..

<p>وتحياتي" المكلله بعطر الورد والياسمين" ..

الحمد لله هذا ما عند نش ربى لطف بينا والله ايكو ن فى عو نكم

والله كلامك صح

ندعي ربي يصلح حال البلاد والعباد

مشكوره اختي علي المشاركه الرائعه

بنت الريف كتب:: الحمد لله هذا ما عند نش ربى لطف بينا والله ايكو ن فى عو نكم

[size=29]

يعوينكم طبعا في الريف ماحدا قدكم ..

ومشكوره اختي علي المرور ..[/size]

زهرة القلوب كتب:: والله كلامك صح

ندعي ربي يصلح حال البلاد والعباد

مشكوره اختي علي المشاركه الرائعه

ربي يسمع منك يازهره ..

وعساها تكون ساعة استجابه ..

ومشكووووووور يا عسل ..

وعساااك دايما بخير ..

يا عائدة انت شكلك دوبك عائدة مازلتي ساخنة متأثرة بالخارج

بس أنا انقولك تطمني ان شاء الله الوضع حيتغير صح مش بسرعة يمكن اربع خمس سنوات بس الي يرجى خير ملي يتمنىالحمد لله كنا وين وتمينا وين تحسابي الناس يلي في الخارج ما يعزفوش

الكناسة من الرقي مش كلهم راقيين راهو في عندهم قانون تدفع غرامة طول كان تعزق كاسة وفي كمرات مراقبة وفي نشر وعي عندهم بالامراض والحاجات هذه لكن عندنا تلقي الواحد يعزق تحت عمارتم عادي جدا بعدين في حاجات هن يلي خلن الواحد يفسد في البلاد بشكل عام مش بس الكناسة وهن الوعي وهذا معدوم القانون والمراقبة وهذا طبعا مدفون حب الوطن وهذا ماكانش في عند الغالبية المكان الجميل يخليك تتحشم توسخه لكن لما يكون خرابة مش خسارة فيه شئ وطبعا نحن ما فيش عندنا مكانات سمحة

وشكرا يا عائدة على غيرتك الواضحة والله عودت امثالك مكسب للوطن

روزا كتب:: يا عائدة انت شكلك دوبك عائدة مازلتي ساخنة متأثرة بالخارج

بس أنا انقولك تطمني ان شاء الله الوضع حيتغير صح مش بسرعة يمكن اربع خمس سنوات بس الي يرجى خير ملي يتمنىالحمد لله كنا وين وتمينا وين تحسابي الناس يلي في الخارج ما يعزفوش

الكناسة من الرقي مش كلهم راقيين راهو في عندهم قانون تدفع غرامة طول كان تعزق كاسة وفي كمرات مراقبة وفي نشر وعي عندهم بالامراض والحاجات هذه لكن عندنا تلقي الواحد يعزق تحت عمارتم عادي جدا بعدين في حاجات هن يلي خلن الواحد يفسد في البلاد بشكل عام مش بس الكناسة وهن الوعي وهذا معدوم القانون والمراقبة وهذا طبعا مدفون حب الوطن وهذا ماكانش في عند الغالبية المكان الجميل يخليك تتحشم توسخه لكن لما يكون خرابة مش خسارة فيه شئ وطبعا نحن ما فيش عندنا مكانات سمحة

وشكرا يا عائدة على غيرتك الواضحة والله عودت امثالك مكسب للوطن

اولا .. مشكووووره اختي " روزا " علي

مرورك واهتمامك بالموضوع ..

وانا " عائده الي الوطن " معنويا وليس فعليا

وياريت تدخلي علي موضوع " الي اخي الورفلي "

في قسم الترحيب بالاعضاء عشان تعرفي قصدي ..

انا عارفه ان الوضع تغير والحمدلله والخير جاي

باذن الله وشعورنا اتجاه ليبيا تغير كليا ..

بس مشكلة القمامه مازالت ما انحلت ..

وعدي وشوفي البلاد .. استهتار بصحة المواطنين ...

والشباب والله ما قصروا بس الخلل عند البقيه ..

وانا سافرت وشفت العالم ..

بس ابدا ما اندير في مقارنه بينا وبين الاجانب

لان هذا شي مستحيل وغير منطقي ..

وبالنسبه للاجانب مش في كل شي يحكم فيهم

القانون بس: الضمير الحي ..

وهم ناس يعرفوا الاصول وناقصهم بس قول : " لا اله الا الله " ..

ونحن للاسف واخذين من دينا ومن اخلاق الرسول القليل القليل ..

وكما جاء في الحديث .. قال " صلي الله عليه وسلم ":

( الايمان بضع وسبعون شعبه اعلاها شهادةان لا اله الا الله وادناها اماطة

الاذي عن الطريق ) ..

ووالله عيب ان الواحد يحط كناسة قدام الحوش ويرجي واحد

اخر يجي وياخذها ..خصوصا في ظروفنا الحاليه ..

المساعده واجب وهذا اقل واجب.. وانا امعاك ان ماكان

في شعور بالوطنيه وحب للوطن و بس حاليا شنو؟

مش في ناس قاعدين ايضحوا بانفسهم عشان الوطن ..

معقوله كل شخص مش قادري اينظف قدام حوش او

عالاقل في الشارع اللي ساكن فيه ..

والمساله مش مسالة مكان سمح والا شين ..

بعدين مفروض الانسان المسلم لما ايشوف الغلط يحكي

عليه مش يقول " ياللا ماشيه " ..ويدير نفس الغلط

مشكوووووره اختي وغيرتي علي وطني شعور نابع

من اي مواطن ليبي بعد " 17 فبراير "

صديقتي عائده الى الوطن ان مايبدو لك انها مشكله بيئيه هي ليست كذلك انها صدقيني مشكله ثقافه متوارثه ومشكلة فوضى ضاربه اطنابه لمده ليست بقصيره على كل حال ان لم يحركنا وازع الوطنيه زائدة الجرعه هذه الفتره فلنعمل بقول الرسول صلى الله عليه وسلم (اماطة الاذى عن طريق المسلمين صدقه ) وليس كما نرا الان بعض طرقتنا لاتستطيع المرور عليها من كثرة ماوضع بجانبها ثم عليها من قمامه نسأل الله السلامه والعافيه والتوفيق احيي فيك احساسك بهذه المشكله

هاهاهاهاهاهاهاها اختى عائدة تعبيرك ايهبل فعلا بعدها الذبان ابرد منا مافيش نحنا معندنش مكيف فى الحوش ولما تحما اول حاجه انحلو الرواشن بلا مقدمات طيران البشبو وايحط جوااا ويبد فيه العياط البنات والناموس ما ايصدق يبدا من عندا مشكلة فعلا والى مافيك باردة

فارس الجبل كتب:: صديقتي عائده الى الوطن ان مايبدو لك انها مشكله بيئيه هي ليست كذلك انها صدقيني مشكله ثقافه متوارثه ومشكلة فوضى ضاربه اطنابه لمده ليست بقصيره على كل حال ان لم يحركنا وازع الوطنيه زائدة الجرعه هذه الفتره فلنعمل بقول الرسول صلى الله عليه وسلم (اماطة الاذى عن طريق المسلمين صدقه ) وليس كما نرا الان بعض طرقتنا لاتستطيع المرور عليها من كثرة ماوضع بجانبها ثم عليها من قمامه نسأل الله السلامه والعافيه والتوفيق احيي فيك احساسك بهذه المشكله

شكرا لك اخي فارس علي مرورك وكلماتك الطيبه ..

كلامك واقعي وهو ماقمت بسرده في هذا الموضوع فانا عرضت مشكلة القمامه " المشكله البيئيه " ونوهت في مشاركتي عن قلة الوعي لدي الناس .. فقلة الوعي والثقافه هما اللب لمعظم المشاكل التي نعانيها نحن الليبيون ومن ذلك العادات والتقاليد ووووو ... ولكن من وجهة نظري مشكلة القمامه وبالاخص لا تحتاج الي ذلك القدر الكبير من الوعي والثقافه وهي بالاصح مشكلة فوضي واستهتار كما ذكرت وانا علي امل في انتشار الوعي والثقافه بين الناس( ككل )بشكل سريع فهناك مشاكل كثيره كمشكلة القمامه مثلا لا تحتمل الانتظارطويلا .. ..

وشكرا لك اخي مره ثانيه ..

ريمو81 كتب:: هاهاهاهاهاهاهاها اختى عائدة تعبيرك ايهبل فعلا بعدها الذبان ابرد منا مافيش نحنا معندنش مكيف فى الحوش ولما تحما اول حاجه انحلو الرواشن بلا مقدمات طيران البشبو وايحط جوااا ويبد فيه العياط البنات والناموس ما ايصدق يبدا من عندا مشكلة فعلا والى مافيك باردة

شكرا لك اختي ريمو لمرورك وتعقيبك عالموضوع ..

ونورتي صفحتي يا شقيه ..

» إجلاء المواطنين السوريين المقيمين في ليبيا
» نداء لإدارتنا
» نداء عااااااااااااجل جدا