ملحمة من انتم

موضوع: ملحمة من انتم الخميس 18 أغسطس 2011, 9:55 am

ردا على سؤال الطاغية من انتم قام عدد من الشعراء الشعبين بنظم ابيات لتعريف القذافى من نحن

على عبدالعزيز:
نحنا خوفك .....نحن الرعب اللى فى جوفك
جثامه مابين اكتوفك ...ياللى ماتعرف من نحنا
نحن يومك...نحنا قل هناك ونومك
نحنا كل اسباب همومك ...ومانك عارفنا من نحنا
نحنا ضدك ...نحنا ما نبوك ايسدك
طامع تحكمنا من جدك؟...لو صارت ما نبقوا نحنا
ا
ادريس التركاوى

نحنا دابك ...نحن شرطناه اكتابك
حتى كى نشيت اكلابك.. ما بينا نستسلم نحنا
ياناكرنا ...ليبيه ع الضيم صبرنا
لكن حن الله وثرنا..بيش ايقولوا لك من نحنا
من تحسابك ..صبيت وودرت اعصابك
واحنا كل اسباب وكابك..من جدك ناسينا نحن

مفتاح بوعريقيب

نحنا سيل ...امخلط بالهول وبالويل
ايغرب نين يشيلك شيل ...وساعتا تعرف من نحنا
نحن موتك ...نحن السم اللى فى قوتك
نحن الخوف اللى فى صوتك ...ياناشد من انتم ؟ نحن
نحنا جينا ...من فج وصوب تنادينا
منك ملينا كلينا ..صبر ايوب صبرنا نحن

خالد الزول

نحنا الاجواد ..اللى صبوا كى صار اعناد
عصاره مافينا حلباد ..ودون اترابه وطنى طحنا
نحن الاصايل ..سدك وانت فينا عايل
ملينا م الحكم الطايل ..وامصمم تبى تمسحنا ؟
نحنا ليبيه ..نقاره وضنا بيتيه
كم منك حاملين اذيه ..ياظالم نين تملحنا

احميده بوشنة
نحنا عله...فى جوفك والقلب اتسله
قول وفعل وما اتبله ...ربى خير اليوم منحنا
نحنا الفهايم ...شعب وكل خميسه صابم
موكيفك بالسلطه هايم ...صبينا كيف تملحنا
نحنا اجواد ..انواعد وانجوا عالميعاد
ان صار الضيم اجوك اشداد...سال الدم وما سامحنا

نحنا هلها نحنا فكاكين وحلها ... يايهودى ماتعرف

من نحنا .................. متميز دائما ....

نقل رائع لملحمة اروع

لكي تحياتي اخي بنت ليبيا

وهذه جزء مشاركتي في هذه الملحمة

نحنا الثوار .... نحنا اشبال عمر المختار

لا فينا جرذ ولا فار ..... اصقورا قوق سمانا نحنا

صناديد انهدو ع النار .... وكسارين اخشومك نحنا

تحياتي لشخصك النبيل

الـــــــــــــــــــــــــــــــشمعه

[size=29]الله ...طرح مميز..

و شعر ولا اروع ..

في احلي من الفن والتراث الليبي ؟!!

يعطيك الصحه اختي (بنت ليبيا ) ..

ومشكوووووووره ..

تقبلي مروري ..

<p> [/size]

مشكور اخى المخضرم

وكل عام وانت بخير

الشمعة :كتب

نقل رائع لملحمة اروع

لكي تحياتي اختى بنت ليبيا

التحية لك ياشمعة المنتدى

وصح لسانك على ابياتك المتميزة

شكرا على المرور

اختى عائدة الى الوطن

اشكر لك حضورك ومرورك العطر الذى شرفنى واسعدنى واضاف للصفحة روعة وجمالا

رائع بنت ليبيا مشاركه ولا اروع

نحنا اللي ثؤنا من البيضاء والمرج ودرنه
وبنغازي نين تحررنا
نحنامن طبرق شحات والأبرق
وجيشك من شيح وشبرك ياللي في العالم فاضحنا
مصيرك تعرف من نحنا

تسلم يدك علي النقل الرائع

تحياتي

اختى زهرة القلوب

انتى الاروع ربى يحفظك

وكل عام وانتى بخير

» قصة وحدوثة كأس العالم ملحمة ابطالها انتم...
» رد على سؤال من انتم ؟؟
» اين انتم ياعملاقة السلفيوم عالم الاحساس ناصر العوكلى العمدة