ياشباب الحل بسرعة

بسم الله الرحمن الرحيم

ممكن اغلب الاشياء فى حياتنا تحتاج الى مشاورة الاخارين وخاصة الى عندهم خبره بس بصراحه انا مقدرتش نعطى الراى بشان هل الموضوع ممكن عشان انا بنت وتفكير كان بمشاعرى او...... بصراحة معرفتش فنبيكم تعطونى الحل خاصة الشباب ونحكيلكم القصة بتفصيل ونبى المساعدة بسرعة

عندى بنت خالتى مرتبطه بشخص بعلاقة حب له سنه وشهرين والايام الاخيرة تمت اتخاف انا يكون يكذب علية هو حالتة عادية يعنى توا مش قادر ايدير خطوة رسمية الامكانية مازال شوى وعنده اصحابة مستشهدين فى الجبهة قاللها كيف نفرح واصحابى ملهمش شهر المهم تبى اثبات قاللها ورب العزة والكعبة المشرفة وحق ربى الى خير منى ومنك انى شاريك وناويك على سنة الله ورسوله بس صبرك شوى على والله ماانفكر فى وحدة غيرك يعنى حلفة بلله وبلمصحف بشكل انا لما حكيت معها اذهلنى بحلفه بلله وانسان فعلا يحب صح وقالى شارية بس اتحول الوسوس من راسه وتصبر والله انا قتله رد بالك حلفت بلله قالى انا ما انجامل ومنحلفش بلله على الكذب انخاف ربى وانا لو منبيهش كنت قلتله منيش متحشم منه عادى وكلامى مش زايد على لكن انحبه بصراحة انا حسدتة عشان فى انسان ايحبه بشكل هذة بس هيا طالعة بقصة اخرة اتقول شن عارفنى مرات الشباب يحلفو على كذاب معقولة ياشباب انتو لما تبو تقنعو البنت تحلفو كذب بيش تستمر امعاكم بعلاقة السؤال ياشباب وحتى البنات هل انتو هك والله البنت وسوسه بزيادة وشن رايكم الحل ياريت بسرعة توا الى يقرا القصة يعطى حل او حتى مساعدة انا عجزت نعطية حل حرت مرات انقوللها وسوسة ومرات انفكر كيفها ان الشباب يحلفو كذب والله معرفت فحبيت انقوللكم وشكرااااااااااا مقدما

شئ جميل ان يحب الانسان وان يشعر بذلك الحب

بل الاجمل ان يجد من يحبه ويصدقه الحب ولكن

للحب علامات ودلالات وشعور ... فالحب يظر فى

العيون والتصرفات والكلام آخرها ........

وقلب المراءه زى مايقولوا دليلها .......

ولكن النصيحه (طول السلك يودر الابره)

اسعدت بالمرور والمشاركه بمشورتك ........

تقبلى مرورى ........

المخضـــــــ ــرم

صدقيني اختي والله في شباااب صادقين وشارين الوحده

ومادام هو حلف اااكيد هو صااادق وصدقيني بينه وبين ربي وكااااان فيهم الخير لبعضهم ربي

هايجمعهم قريب انشاااااءالله

وهي نصحيتي لها بان تتبعد عن الوسوسه وان تدعي الله وحده وتتوكل علي في جميع امورها

واللي فيها الخير ربي ايجبيا لهم ويدلهم علي الخير

وربي يفرحهم ببعضهم وانشاءالله اختي تبشرينا بفرحهم قررررريب

ااااااااااامين

اخى المخضرم شكراااااااااا لك على ردك واكيدة حتاخذه بعين الاعتبار لكن الله اعلم بضروفه ومتقدرش تغصبة

اختى رنوة والله ردك رفع معنوياتة ويارب يكون صادق معها واكيد حنبلغك لو صار شى رسمى

_اختى رينو ....

_كل كتاب فى العالم يقراء من عنوانة

واى كتاب لا يوجد فية عنوان يكون مبهم

_والواضح هنا ان الاخت غير مطمئنة وهذا

يدل على شك فى نوايا الشخص الاخر ((وكما قال

لكى اخى المحترم المخضرم قلب المراءة دليلها))

_الحل :

_فاليتقدم لخطبتها وينهى الموضوع .

_وان كان لا يستطيع ان يتقدم الان

فاليكون بينهما وقت محدد ليتقدم بة

ولا يزيد عن مثلا ستة اشهر او سنة

وان تقدم لها احد فى هذة الفترة فهو يتحمل

المسئولية فى تاخرة عن خطبتها .

_او على الاقل يصير ربط بالكلام ولو تاخر

الزواج .........وكان الله فى عونهم ...اما

كتقييم اذا كان يحبها اوصادق معها او لا

فهذا علمة عند الله (وكما قلت لكى الكتاب

ينقرا من عنوانة ......تقبلى مرورى اختى

الكريمة واتمنى لكى حياة سعيدة ..... ... .

يااختي الحبيبه الله اعلم بما في النفوس لللللللللللللللللكن انا اضم صوتي لصوت اخي محب فهو جابلك من الاخير الراجل لما يفكر مجرد التفكير في بنت والله مايبعد عنها ابدا ولايسمح لشئ مهما كان ان يبعده حتى لو كان الميت احد افراد الاسره هذه اعذار واهيه وحجج بعض الرجال يحلفوا عادي حتى على المصحف مش حلف عادي المهم مش قادر على الخطبه خليها اتجرب واتقولا خلي امك اتجي مجرد تعارف وخليها كلمه لمدة سنه سنتين ............عشره عادي وطبعا تلبيسه وانا نعطيك حق الدبله والله توا ايتهرب باي شكل وهكي اتزره وخليها تعطي رقمه لوحده استاذه في التلفون واتشوف النتيجه والله ايطيح ايطيح لوكان مش نظيف..............انا عن نفسي لااثق بالرجال مع انه حظي تمام فيهم وعمره من انضحك على لما ايحسك الراجل واعيه وفاهمه لايجرئ يلعب امعاك بل ايتمسك اكثر حتى وانتى مش عاجبته ينقلب لاعجاب .....والشخص اللي تحكي عليه مااقترب منها الا وهي عاجبته لكن مع مرور الوقت مل لانها اصبحت روتين وهي ماارتبطتش بيه طبيعي يتهرب ويبحث عن وحدخرا وفي نفس الوقت مايفرطش فيها لانها متمسه بيه وتذكره انه راجل ومايبي عذاب الضمير المؤقت فكان هي ماتداركت نفسى تشوه سمعتها على الفاضي وخليها اتغير من طريقة كلامها المعتاد الرجال يبوا وحده اتشاركه حتى في المواضيع الخارجيه للحياه التنوع في الحديث يجعلك مصدر لجذب جميع انواع الناس ويحب الجميع التحدث معك لانك تفهم الجميع فالطفل يريد من يشاركه في تفكيره ويلعب معه اويقول له شاطر شاطر انت تفعل كذا وكذا..والشيخ الكبير يريد من يقول له ماذا كنتم تفعلون ايام زمان وتتحمل طبعا وترسم الابتسامه ..والفتاة تريد من يقول لها انت جميله وذكيه ولاتعترضي على افكارها بل استمعي لانها مش حتغير بس تكرهك...والشاب يريد من يحدثه عن اشياء لايعرفها واماكن لم يذهب اليها وطبعا السماع لمغامراته الكذب كأن ضربت فلان وانا قاطع الحي وهكذا,... اما الرجل طبعا يبيك اتكوني صديق وزوجه وعشيقه وام واخ واب واخت وعندما ينظر اليك تفهميه من غير مايحكي وتختاري الاوقات في الحكي مش ادقي وخلاص هذا كله مخلوط بالابتسامه الدائمه سواء العاديه او المزاح المحمود اه ه ه ه راك تنسي كان هو يشتغل في مجال اتشاركيه كان عندا كاروا يجب حفظ جميع انواعهن مثل الوحش الليبي الفراشه شكوانتا واذا كان دكتور تحفظي انواع الاسلاك والابر والتغذيه ومعدات دار العنايه وكان مدرس التعليم المدرسه المدير الطلبه وموعد الامتحانات وهكذا من كثرت مايحكوا عليهن وانت مستمعه جيده فعشان هكي الراجل ايمل حتى من زوجته لانه المرأه بطبيعتها تنسي وتحكي بس على المنزل والاطفال ان وجد وتبي السوق وحوش هلها والراجل يطوف بين اصحابه وحوش امه وهكذا(من الاخر الراجل يريد صديقه اكثر من اي مسما لان كل الاشياء تبلا مع الزمن وما يبقى الا الاسلوب والمعامله الحسنه)...عذرا انا باعدت عن الموضوع لكن المغزا صاحبك مل وردي بالك والطيبه ماتنفع يا اختي ريمواودام الله الود

بسم الله الرحمن الرحيم

لن أزيد على الآراء التي شارك بها الأعضاء

لأنها كلها آراء تؤخذ على محمل الجد والتفكير

كل ما أود أن أقوله لكي أخية هوا أن الحب

قعل وليس بالحلف وكلام الاعجاب والإطراء

فضعي الأمور في نصابها وفكري ملياً فستجدي

الرأي الصائب ولن أتهم الشباب بأنهم ربما

يتخذون الكذب وسيلة للنيل من المرأة

حتى الفتيات يحلفن بالكذب ولا أقصد الجميع

بالكذب صفة سيئة هناك الكثير ممن يتصفون بها

كل ماعليك هوا تحكيم العقل والمنطق وستجدي

الحل والله موفق الجميع بأذن الله ...

وأشكر أختي ماريا مداخلتها رائعة لكي تحياتي


بالكذب و

كلا انا انقولك حاجة وحدة انا الشباب مش كلهم يكذبو الي يكذبو هم امتاعين العلاقات صاحب بنت خالتك اسالي عليه بنات اخرا كنهو امتاع علاقات معناها يكذب خاطيها راهو يحكي بصدق وشكراا على الموشاركه انا نحكي هكي عشن معتبرك زي اختي ما تزعلش وشكراا مرة اخرا

ياعلى كلام الحق ميزعلش وشكراااااااااااااااااااااا جدا وحيكون فى الاعتبار

عفوا يارمز الوفاء هذا رأيي الخاص والباين من القصه هكي



وبالنسبه لاخي الورفلي البنت يلي تحكي عنها موقفا واااضح واكيد اخلاقها باينات بس صاحبك هو اللي ماعرف يختار هي تسلى عليه ومش داير منا راس مال وبالعكس انت عطيت الاجابه للاخت ريموا بدون ماتحس شوف صاحبك لما هو يحب البنت ابصدق عزم على الخطبه ومافكر حتى انه يسألها تبي ترتبط والا لا هذا سؤال مفروض انه عارفه من اول ماحكا امعاها ....واتقولوا ظروف ومندري شنوا لوا يبي كان ذهب لهلها

ان مدخلتي في هذا المشاركه لتوضيح شي مهم الا وهو ليش كل بنت اتحط في اللوم علي الشاب مع العلم بان البنت احيانا تكذب اكثر من الشاب وانا نبي انقولك شي مهم جدا الشاب لما ايقول للبنت اللي ايحبها انا انحبك تقدر البنت ان تشعر بصدق الكلمه من نبرة صوته وفي التكبيد عندنا الشباب اكثر من البنات ............وهذا راي وموش حتنزله عنه واسمحولي (الشاب الليبي اصدق من البنت الليبيه ).........

والله صدقت ورفلينا في كلامك

والله في بناااات حرام يلعبن بمشاعر الشباب ويسلن امعاهم

وربي يهدينهن وخلاص

صدقني البنت والشاب يعرفوا اللي يحبك من اللي مايحبك

وبالنسبه للقصة اللي حكيتها عن البنت

انا عن نفسي واااسفة علي اللفظ اللي بي انقوله

( انها بنتجرئية وواقحة))

وانشاءالله ربي يعوض صاحبك خير صدقني هالكلمه تكفي للتعبيرعن هالبنت

وربي يهديها هي وامثالها

السلام عليكم

؟؟؟؟؟؟؟؟مع انى لى ززززززمان على مثل هذه النقاشات؟؟؟؟؟

بس من خلال خبرتى البسيطة.... لاسف بنات توه موش زى بنات زمان ...وبنات توه موش زى بعضهن ...ولا الشباب كذلك
وللاسف ايضا نصف بنات توه ضحايا للشباب و للعلاقات سابقة لم تكلل بالنجاح او بالاستمرار الى الزواج وهذا ادى الى تغير اخلاقها من سوية الى اسوءء
وادى ايضا الى ووقوع ضحايا للاسف من شباب صادقين فى شباك تلك الفتيات

ولكن صدقونى ....كل شئ قسم ونصيب

ومهما كنت محب... صادق فلن تاخذ الى ما يكتبه الله لك

واخيرا الى يحب بصدق ...صدقونى لابد انا يضحى.....ولو بالقليل

ولا يقف امامه اى عوائق ...

فحلاوة الحب .... التضحية


تحياااااااااااااااااااااااااتى للجميع

ياورفلي ما حد ايقولك غير رايك بلعكس كل انسان جميل بأفكاره ونقاشه الحقيقي وانا امعاك في

كلامك لكن انا مانحكي عن الشباب بشكل عام انا نحكي عن الشخص بطل قصه اختي ريموا

ومع ذلك نحن البشر سيئين الواحد لما ايشوف حد متمسك بيه تكبر في خشما ويبحث عن معجبين

اكثر ويجرب نوع اجمل وينسى انه الاجمل والاحسن لاينظر له بل ينظل للافضل منه وهكذا ندور

في دائره مفرغه (عادتا البنات يللي يلعبن ايكونن على قدرعالي من الجمال ووالشباب بالمثل)[/size]

ما تزعلي مني اختي بس انا انقولك شي اخير صاحب صحبتك محتاج لبعض الصبر من قبل صحبتك بس لازم تعرف ان كل ما اطول المهله امر غير جيد.....

باااااهي الحمدلله هذه بشااااااير خير للموضوع

وانشاءالله نسمعوا الفاااتحه قريب

وربي يوفقهم ويوفقك كل الناااس

ريمو موش قتلك خليها ادير عركه امعاه علشان ايدز هله خخخخخخ واحد كذاب خخخخخخخ المهم الف مبروك وربي ايتمم علي خير

يا ورفلى اول نصيحة خذتها نصيحتك انت وتمام بس دارو عركة اخره ههههههههههههههه وماينفع شى صداد ورداد او اسعيط وامعيط وانا دورى انحز بينهم ويا خوفى ايجينى كف من واحد منهم وشكراااااااااااااااااااااااااااااااااا ونبوا نصيحة اخرة مفعوله اطول حتى اسبوع