الله اكبر............. الله اكبر ولله الحمد

الله أكبر ........ الله أكبر ......... الله أكبر ولله الحمد

تم القبض علي الطاغية معمر القذافي من قبل ثوارمصراته الصامده

عندما هاجموا ثوار ليبيا مدينة سرت فقبض ثوار مصراته علي القذافي

عندمادحروا الثوار ازلامه فاحد الثوار لاحظ حركة غريبة بين كثبان الرملية فالمجاهد البطل سراج التهامي من كتيبة النمر اطلق عليهم الرصاص ووصل المدد من باقي الكتيبة

فسلم الجنود اللي مع الطاغية تم حس الثوار ان هناك شخص فنزل هذا البطل الي الجحر فوجد القذافي موجود فيه واخد يقول شن فيه شن فيه وكان مايندري علي شيء

وهذا البطل وقف مندهش ينظر الي الجرد في الحفرة فنزل شخص تاني من الكتيبة واخد يجر القذافي من كتفه

وصارت مناوشات بين الثوار وفلول القذافي فاستشهد البطل محمد الجطلاوي ومات الحقير القذافي

واخدوا الي مصراته هو وابنه

والحمد لله شاهدنا الطاغية بام اعيوننا وهو ميت

فهذه عبرة للطغاه نسي انه يحارب في مصراته

واخدت الفرحة تعم المكان

شن فيه شن صار مصراته شدت فار

مصراته هيا مصراته راسه هالتافه جاباته

تحية لكل ابطال ليبيا الحبيبه

يا سيدة همس أسألك أولا هل أنت من مصراته وإن كنت منها هل أنت مصراتية تسكنين مصراته أو مصراتية في منطقة أخرى كبنغازي مثلا

الله اكبر............. الله اكبر ولله الحمد 926381

أولا عيب أن تقولي مصراته مصراته ثوار مصراته وغير هذا فهذه عنصرية ثانيا هل ترين ما فعله ثوار مصراته

بطوله القصة غلط أولا مش ثوار مصراته اللي قبضوا عليه عندكم علم أن ثوار الشرق طاردوه وعندما فر بالرتل قصفه


النيتو وترك سيارته فقط يعني مش بطوله سيارة وحدة يا ناس ولقيوه مصاب عليك بطوله في مصاب وشايب كبير إلا إذا

كنت تقصدي البطوله اللي داروها هي ضرب رجل مسن وجريح ودمه ماليه ومش قادر يصبي أنا لست ضد قتله فلو

تركوه حي لقام المجلس الانتقالي بتهريبه مثل محمد وسيف نجلي القذافي لما هربوا من قبل ولكن لو قتل بطريقة أفضل

مثلا يوضع على كرسي ويوقف دمه ويطلب منه الشهادة والاستغفار ويعلموه بأنه سيطلق عليه الرصاص وتطلق

رصاصة واحدة في قلبه هل البطوله أنهم يضربوا أسير يشدوا شعره ويركلوه بأرجلهم ويجروه من يديه وبعد موته يشدو

شعره ويقولو يا كذا وكذاأم البطوله التصوير مع جثث موتى والضحك فوقها هو يستحق كل شئ ولكن الميت له حرمته

والميت له رهبه عندما تراه تحس بالخشية من الله تعالى أنا أكرهه لآخر لحظة لكن رسولنا الكريم وصانا بحسن معاملة

الأسير والميت الرسول عندما مرت جنازة يهودي وقف لها ياهو الراجل مات خلاص لا داعي للشماته

فعلا ياهند بس هاتلك من يفهم فرحانين يحسابوها فخر هظا كان منتهي حتى عجوز والله تمسكى

والله النيتوا كسرا بالقصف انا نحكي على طريقة التنتيش كل واحد ايكر من جيها كيف الفريسى

مش هكي والله كنت نرجى في مسكتى ابفارغ الصبر منظرا والله الناس كلها حز في نفسم شفت

حتى عمتي (ام شهيد) نقدت الاسلوب كشفوا بينا قدام العالم في جميع النشرات يحكوا عليها وتوا

الامم المتحده تبي اتحقق شوفوا بدل الحق لنا تما علينا[/size]

الله أكبر الله أكبر
اني مصراتية من مصراته

ولكم حرية التعبير

بس القصة اللي وصلت عندكم غلط

وامشي اطلبي الفيديو من ليبيا Tv

وشوفي قصف الناتو او لا

وبعدين شايب وكبير وما شد حد الا ثوار مصراته

ومفيش عنصرية عادي شدوه ثوار مصراته

وشكلكن من الطابور الخامس

هند وماريا

من يقول علينا طابور خامس احترمي نفسك ضحكتيني ممكن طابور خامس من مصراته لكن لا يمكن طابور خامس من البيضاء ما تصحش يعني إما انقولوا مصراته مصراته ولا نقعدوا طابور خامس وبعدين يا أبله أنا ما نحكيش تعاطفا مع القذافي ولكن نحكي بأخلاق رسولنا كن مش عاجبك محمد صلى الله عليه وسلم تقعد حاجة ثانية الرسول قال هك قال ارحموا عزيز قوم ذل وقال احسنوا معاملة الأسرى والقتلى واكرام الميت دفنه يعني الله غالب رسولنا فرض علينا هكي ولازم انطيعوه يا أبله هذي السنة مش نلتقطوا الصور فوق الموتى والبطوله المواجهة في الساحة مش البطولة القبض على جريح أو قتيل يا حلوة أصلا وكن مش عاجبك رجاء أطلعي من المنتدى أكلمك بكل هدوء وذوق وما عندي فيها قصد ولكن يعني لو ما تعجبك البيضاء شوفي غيرها وشاركي في منتديات محليه بمصراته سلام يا حلوة

يكفينا شرفا أن نحن جدنا عمر المختار وأنتو جدكم السويحلي الخائن اللي ياما متع في سيارات

وطيارات الطليان تبي الصور اندزهن لك وحارب أهالي الجبل الغربي وحارب ورفله ولكن

اذبحوه ورفله يوم عيد الأضحى ودفنه امرأة من ورفله وحتى قبره مش معروف تقدري اتقوليلي

وين قبره؟؟؟ وسبحان الله وارثين التخلف من جدكم نفس الالتفاف والكذب هو جاء في الأخير في

معركة القرضبية وقال أنا قائدها بينما قادوها الشراقه "صفي الدين السنوسي" بينما كان متفق مع

الطليان أن يدخل في الدفعة الثانية مع ايطاليا لكن بعد ما هزم الطليان عاد بجيشه لورفله ليجتاحها

وكان الاتفاق أن يسلمه الطليان ورفله ولكن قتله عبد النبي بالخير

اولا حشاها البيضاء انك تكوني منها

وتانيا مصراته يقف العالم تحية اجلال واكبار لها

العالم يتفرج فلا داعي ان اتكلم

ههههههههههه

السلام عليكم ورحمة الله

اختى همس يحق لكى ان تفتخرى بابطال مصراته واللى شفتوه انتو ماشافه حد

انتو سطرتوا ملاحم الجهاد والصمود

وعيب منك يااخت هند هذا الكلام ياريت تكونى واعية للكلام اللى تقوليه

انتى والاخت ماريا بصراحة لما حد يقرا ماتكتبن يستغرب ؟؟؟ويحط علامات استفهام ليش هالعنصرية وليش هالتفرقة بين الشعب الواحد
وهند همس ماقالت ان البيضاء ماتعجبها بل العكس انتى وماريا متحاملات عليها وعلى عرب مصراته ياريت توقفن الهجوم عليهم لان اللى شلفوه عرب مصراته ماشافه حد

وياريت معاش تفرقن بين المدن ومكان شفتى االلقاء اللى كان فى الجزيرة واحد من مصراته وواحد من بنغازى واحد من الزنتان كيف يحكوا وحاسين انهم واحد نقصد الثوار وفى نفس الكتيبة
ياريت معاش تزرعن الفتنة والتفرقة بينا انتن شن عرفكن بالى صار فى الجبهة

ياهند ؟كيف صار توا بس طلع الطاغية شايب كبير ؟؟؟؟؟

وختى همس يشرفنا كل الشرف انك تكونى احدى اعضاء منتدانا وياهند باى حق ان تطلبى منها ان تخرج من المنتدى؟؟؟؟؟؟؟؟؟؟؟؟؟

اختى همس كل واحد مسؤل عن نفسه وكلام ماريا وهند يعبر عنهن وليس عن كل عرب البيضاء

واخير ليبيا وحدة وطنية لالشرقية ولا غربية

عاشت ليبيا حرة ابية

يابنت هذا راينا ونحنا حرات مش محتاجين تعليمك علينا انت غرباويه من البيضاء وحتى لوكنتي

برعصيه من وسط البيضاء مادخلكش نحنا حرين رانا نفتحوا فضايح مصراته المعفنه المتسلقه على

حساب فرسانا يامنافقه بلاش نفاق ومايشرفنا ........... وعموا انتي ماتعبري عن عرب البيضاء

وصدقيني والله والله والله اغلب عرب البيضاء نفس كلامي حتى الشباب ماتاخذي على مجاملات

المنتدى[/size]

يا همس ارحمينا من هالمواضيع كبدي وجعتني قريب نرجع راهو كان نبي نسمع اخبار وإلا امجاد توة نفتح الجزيرة نهرب من التلفزيون للنت نلقى نفس الكلام ارحمووووونا

يععععععععععععع

بصراحه اقف امامك واعطيك التحية اختي بنت ليبيا فانتي في قمه الادب والاخلاق ومشكوره

وان شالله مافي عنصرية وخليك منهن في ناس مرضي ميواخدوش فيهم وماريا وهند منهم

وثوارنا يد وحده

اختى همس تعرفى افضل شى انك معاش تردى على النماذج هذى

ياماريا حسبى الله ونعم الوكيل فيك لانك اتهمتينى بالنفاق

ومش حنرد الا بهذه الابيات إذا نطق السفيه فلا تجبه = فخير من إجابته السكوت

فإن كلمته فـرّجت عنـه
= وإن خليته كـمدا يمـوت

مرضى والله مافي مريض وانت حيه اما انلقوا لك والله نبقوا مرضى هظوم اعيالنا ومانرضوا

اتجي حضرتك واتجرحي فيهم وبديعدين خلاصه الجيش الليبي كنت في البريقه مش عشان رمله

يامفتحه لان القذافي عارف وحوش الشرق وكل قوته كاانت في البريقه عشان خايف يمشوا ايحروا

الغرب وبالفعل مصراته حرروها من البحر وطرابلس درنه هي من حررها وهلم جر اتجي انتي

اتقفقفي مصر مصر [/size]

أولا يا همس عيب اتقولي مرضى ربما تكون ماريا صعدت الألفاظ لكن أنا لازلت أحترمك ربما صعدت النقاش لكن لم

أتباذئ وتقدري تقري كل مشاركاتي في المنتدى

ثانيا يا بنت ليبيا اتقولي اللي يزرعن في العنصرية والفتن من اللي بدا ويقول مصراته مصراته لو كان قالت ليبيا رانا ما قلنا شئ

واتقولي توا شايب كبير أنا قلت أني مش متعاطفة معاه ولكن رسولنا قال الميت والأسير يحسن معاملته شنو انديروا

هووصانا وسبق وقلت نبوه يقتل لكن بطريقة أفضل ما شور شئ يشدوا شعر جثة ميته

ويا همس لو أنا مريضة هل الجزيرة والعربية وفرنسا 24 وغيرهن مرضى اللي يناقشوا موضوع التنكيل بالجثة وهل

منظمة حقوق الانسان وأراء الشارع العربي والأوربي مرضى وما تقوليليش نحن جربنا النار وهم لا لكن رسولنا وصى

هذا الشرع

أما بنت ليبيا اتقولي مش من حقي نطرد همس أنا لم أطردها لو دققت أنا قلتلها بكل هدوء وكل ذوق وقلتلها كن مش

عاجبك قصدي يعني لو متضايقة ومش عاجبينها تقدر تشارك بمنتديات مصراته هي مش مجبوره على الشرق اللي يبيعوا في السلاح وما يعرفوش يحاربوا

يا بنت ليبيا إذا نحن لا نمثل البيضاء فأنت أيضا لا تمثليها فهل آراء 3 لا تمثل البيضاء ورأيك أنت يمثل ؟؟؟ وبعدين يا همس خوذيني علي قد عقلي أنا مريضة بس جاوبيني وين جدك؟؟؟

احسن من اديري

(اذا جائتك مذمتي من ناقص فهي الشهادة لي بأني كاملا)

» ردد معي .. الله اكبر ولله الحمد ...
» الحمد الله
» صور اقتحام قصر سيف القذافى فى لندن.. الله اكبر!!