ما اتقول داير شى ......

ما أتقول داير شــــى

ماتقول داير شى..............................جرحنى عزيز وجا يساول فى
عليك عزم عنده
ماتقول فينا دار..............................امواجع عزيز امعا جروح اكبار
لارق عزمه لارحم لنظار..................... لاعاد ذكرى ذكراتا بى
ولاتقول ذايق من خطاه امرار................. ولاعاد نهمه أن متت والله حى
جانى ايجامل فى طرف زوار.................سبحانه عزيز اليوم هك ابقى
ولاباس كنك قال باختصار...................وماقبل حوته مد يدا لى
وبعيبا وجرحا ولوعته والنار................. لو قال ((آسف)) مايهون على
وندور وتلقى للعزيز اعذار.................. ممكن خطا عفوى عزيز اخطى
ونكانهن اظروف وزارا زرار................ وين ينتهى ظرفه اساع ايجى
امغير ماقهرنى قهر مسع صار...............متغير عزيز ومقتنع وانسى
ولايريدلى ذكرى ولاتذكار..................ولايريدلى خلطه انكان القى
*********
عزم كبير...............................ولاحس ذنب ولاعذاب ضمير
داير ومو داير امعايا خير................. ساهر وهو راقد ابنوم هنى
ونا الليل كله ناخذه تسطير............... اجروحة خطاه ومن شقاى اغلى
وخايف عليه انقول تو يطير............... انراضيه لو يزعل عزيز اشوى
ولاعمر رضانى على مايدير............. نزعل ونرضى ونعتذر وانجى
لاالقلب عندى مقتنع بالغير.............. ولا القلب عنده حس مرة بى

ــــــــــــــــ المخضرم ـــــــــــــــــــــــــ

عن الشاعرعبدالسلام ابوعجيله

ماتقول منه صار كثير م الخطأء نين كادهن لنظار
لا الليل نرقد لا انروق نهار.... اتروقب اعيوني فيه امتي ايجي
يجرح انسامح فيه مهما دار... نرويه من كاسي حنان نقي
ما انواخذه مهما عليا جار... انخاف نجرحه انكان قتله يكفي

ما اتقول فيا داير
امواجع اكبار منهن دليلي حائر... نقسم الليل اثنين فيه انخاير
بين دمعتي وبين صبر يقهر في... غيضي عليه اشواق بيهن طاير
نبضي وراه والروح ماهن لي... والعقل راحل ما اسمع دباير

مرصود حبته في احجاب فقي... كنه علي واجد حبيبي جاير
كسر خاطري واجد علي اقسي.... دار للعواطف سوق ميري باير
باع الوفاء بالهجر ساومني....نسقيه ودي وفي خطاه انساير
نلقاه مقتنع بغيري خلاص اغني.... لا القيت حيله ولا القيت دباير

ولا اقدرت نعرف ليش لي انسي.... اخساره بعد درته فنار مناير
القيته سراب دربه علي أغبي... حرقني كنيني ومالقيت بشاير
تميت عنده شي ما نعني... الكون كله بالكواكب داير
انحســه علي بعد الحبيــــــب أخلـــــي
ياريت يبري جرح فيا غائر... سحن كبدتي جور وجار علي
انكمل اسنيني في عناء وقهايـر... ويكمل العمر وما يهون علي
الله ايسـامحه
منقول

رائع... رائع

سلمت اناملك علي نقلك الجميل والرائع

السلوى .. شكرا لمرورك ومشاركتك الرائعه وكل

عام وانت والاسره بالف خير ...

رنوه ... اسعدت بمرورك كثيرا وكل عام والرنوه

واسرتها بالف خير ....

ـــــــــــــــــــــ المخضرم ــــــــــــــــ

» وين ما الليل مسا.... تحلف علي اتقول ماني نا ...لو كان ريتني
» الرقم القديم القيت داير رنه