تسلم عليك امي وقالتلك...

من منا يتذكر او يحن الي بنت او ابن الجيران يدق علي الحوش ..ويبتسم بكل سعاده
ويقول..
تسلم عليك امي وقالتلك. عطيني شوي افواح والا راس بصل نسوي عليه حساء..
واكيد توا دز منا لكم..
انا لا اقول ان هذه العاده انعدمت بس اكيد قلت.وخاصة في السنين الاخيره حتي ان بعض الناس
يعتبرنها تخلف حضاري...
موضوعي هو هل الجيران اصبحوا جيران بالبيوت بس وكل واحد مسكر علي روحه والا مزالو يمشو ويخشو علي بعضهم وطاردين الغيبه..
وهل صحيح الجارقبل الدار والا الدار ومو ضروري الجار..
وجهة نضر يا جيراني في المنتدي

تحياتي عز الرفق

أخي عز الرفق

ما تتحدث عنه صار من المأثورات التي نذكرها عندما نذكر حياتنا البسيطة والبريئة حين كان كل شيء على حقيقته حتى نفوس البشر.

تسلم عليك أمي وقالتلك موضوعك رائع

مش فى كل مكان تعتبر العادات هذى منقرضة او من الماضي...العادات هاذى تحكمها روابط اجتماعية قوية بين الجيران ..فحينما تشعر ان حوش جارك هو حوشك فاكيد العادات هذى لن تندثر--فمثلا- انا وبنوتة مازلنا دايرين جو متاع قالتلك امى...بس بصراحة بنوتة امزودتها ....خطرها يا بنوتة رديلى خيط شحن الابرة اللى خذيتيه منى

فضحتي بينا ياام البنات يبقى حتى انتي دزيلي طاجين البيتزا اللي درتي بيه بيتزا بعد ماجوك جماعة السلفيوم اذكرتيه...... تسلم عليك امي وقالتلك... 312519

تعرف في مناطق في ضواحي البيضاء مازالت هذه العادات موجودة
توا ان عيت جدي يسكنوا في منطقة"الفايديه" عندنا عشاء غادي ... خش راجل صاحب عمي مادار غيبة بكل السلام عليكم واين اعمر قالولا موش قاعد قاللهم ماتبوا
شي نقصكم شي حاجة ردوا لا شكرا
بصراحة عادات نحن كنا عيشنها لكن
موش عارف شن صار....موضوع جميل...

بنوته ... كيف صار البيتزا إنتي اللي دايرتها ؟؟

وانا نقول مش سمحه زي اللي كليناها أول مره ..

‏(حاشا النعمه طبعا)..

تسلم عليك امي وقالتلك دزيلي جنيه رصيد...جديده هدي

قصدي قالتلكم شكرا جزيلا

عمتى صافية ،،، قالت مرة كلام عجبني
عويلها عندهم محل عطار و مرات اتزيد عندهم الحاجة و تقعد واجد فيجيبوا منها للحوش و عمتي صافية اتجيب لنا منها . لعند هنا عادي خير ما يعزقوها ، لكن في نقصت السكر و الحمد لله في ليبيا كل مرة ناقصة علينا حاجة المهم جت عمتي صافية و معاها سكر و مرة اخرى جابت سكر .... فقالولها يا عمتي صافية السكر غالي و كيف اتجيب فيه لنا الحاجة يلي اتجيبي فيها من قبل عادي لكن السكر سعره غالي
فقالت : يلي ما يعطي من قل ما يعطي من كثره

و يا ام البنات ردي الطاجين لبنوته و كيف ماعندكش طاجين مع انك صاحبة طواجين

يا الله كم هى رائعه هذه العمة الصافية...قلت النساء اللواتى على شاكلتها...........................والله مانى واخذا منها طاجين ياعمدة كل شي ايخص عندنا غير الطواجين نحنا

لا يا ناصر البيزا اللى جتنا حلوة بالمره وبعدين بنوته جابت الطاجين بس لكن اللى دارت البيتزا هى اختنا ام البنات ..بس نقولك سر ..الاطباق اللذيذة التى تقدم لنا تشترك فى اعدادها ايدى بنوته بس ما تقولش لحد انى قلت لك الكلام هذا ..هذين صحبات وديمه مصبيات مع بعضهن

الفارووووق انت شن عررررفك ؟؟؟

واي شي من بنووته او ام البنات اكيد جميل ولذيذ ... غير بصاااره رااه بس ..

» أمي تسلم عليكم
» يا لسان قل خيرا تغنم وأسكت عن شر تسلم "
» عليك قهاير...