دار مقعد ... فى المنتدى !!!!

...... خيتي مروووووش لا باس البنات قالنلي مرضه عاديه ...

هيا صبي معاي نمشي نعاينك ......

ويالورفلي انا مانضرب خواتي الا عالغلط بس .....

وباهي الي شقيتو بالمربوعه وجبتولها خدامه

نقنها المربوعه توا ما شاء الله عليها مشرحه ومن الاخررررررررررر ......

طق طق طق حلوووووووووووووووووووووووووووا الباب قطعني الصقع بنت خالتكم جت ونبي نقعد عندكم نعسل عندكم يعني هيييييييييييييييييييييييييييييييييييييي زعيط ومعيط شفتكم علي وورفلي حلوا الباب اممممممممممممممممممممممممم والله انكم باردين غسوقة حليلي باهي انتوا الاتنين علي وورفلي توا تشوفوا بصاصة رسمي قاعدتلكم وعند باتكم بعيدن وان شاء الله يضربكم يلا امشوا جبولي عصير عليك برادة ضيفة راني باهي امية باهي خلاص مانبي شي نبي نعدي نشوف مرووش قالولي مريضة وانتوا العيال ردوا بالكم تكلموني نهارك يبقى وخاصة انتوا الاتنين تفنيص من يوم وغادي دار مقعد ... فى المنتدى !!!! - صفحة 4 Bmp

دار مقعد ... فى المنتدى !!!! - صفحة 4 Bmp

بعي شفت مربوعتكم يععععععععععععععععععععععععععععععععععععععععععععععععععععععععععععع
دار مقعد ... فى المنتدى !!!! - صفحة 4 730604992

خير يا بنت خالتى ..... شفتى حالنا .... الباب ما ينفتح كان الملاك مش قاعد لين انحله انا او وحدة من البنات
ماميلا ناصر والورفلى أمعطبين معيشتنا
ناصر و ماميلا وقتهم كله فى المطبخ و يبو طلبات
و كلا الورفلى واخذ تركينة فى الحوش و ماسك عصا ويضرب فى البنات الصغيرات وخلاص و مكرهن فى عيشتهن
امتى بس يا ربى ايديروا حواشين ونتريحوا من طلباتهم
..................
وما تنسيش يابنت خالتى وريهم العين الحمرة ...

لا ماعليك قاعدتلهم هنا لا شغلة لامشغلة ملاك وظيفي وطياح والله واحد يمد ايده عليكن نهاره يبقى اللي يدور فيه واللي راجل يضربكن شي رابطتلهم عالباب لالالا شكلي نبي ندير اقامة عندكم مش عاجبني هالوضع ياينعدلوا والا انا نمل خاصة الاتنين هذوم عليان وسعيدان امممممممممممممممم ناويتلهم عليها قال يضربوا قال
دار مقعد ... فى المنتدى !!!! - صفحة 4 9fc001e63e

دار مقعد ... فى المنتدى !!!! - صفحة 4 9fc001e63e

او و و و إمممم عمتي الحاجة بنت البيضاء شنو حالك...عطيني راسك إنكب علية....ياعمتي هي الأولة
انا نضرب علشان إيقولوا في الحوش فيه كبير صح ولا موش صح...
الثانية:عندك غشق*لميش*وودغ*ومروس*بنات هرجتهن واجده
مايسكتن بكل...حتي باقي البنات
يشكن منهن....ديمة في دار المقعد قاعدات قرمة افلان دار افلانة دارت...معقوله هكي ترضيها ياعمتي....كان ترضيها قوليها لي...تو انحطك في قائمة الضرب عادي همهمهمهم

غسق كنها عمتي ما شيه مركبه على روووحها .... فيش تحكي فهميها النظام الي ساير ....

واقوليلها راه الملاك طيب وفي حاله .... لكن لما ينفصل ما يمسكه حد لا نعرف بنت خالتي لا شي

... ايوه احكيلها على فصلتي على وحده من البنات يومتها .....

ما تحكيش عليك يا الحنين فى خوته ... هى قالت الملاك الوظيفى ... مش انت ...
و بعدين انت الوحيد اللى شكرناك ...و قالت تبى تورى الخرين خاصة الورفلى ... اللى يده و العصا
اما انت ما نتحملو فيك شئ

...... لالالالالا غسووووقه اقري كوووويس شن كاتبه ..... قالت انتو الاثنين انا والورفلي ....

بلغيها ..... ماتخليني نغير معاملتي .... معرمتهن كعك بالهبل وعادت السنه وجايه مكسده وتبي

تفش غلها عندنا .... بلغيها سلم خيتي ......

ايش ايش؟؟ايش ايش؟؟؟ من اللي يحطني بالقائمة ومن اللي عمتكم وتكب على راسي كبوا عليك سطل مية مصقة عالصبح ان شاء الله وامشط شعرك هذا تقول عمره ماخشه مشط خزي عليك شكل ومن اللي معرمتها كعك بالهبل هههههههههههههه اسسسسسسسسسس راني عرفتكم بلاش نتكلم خيرلكم راهو اصبحوا انا لاني خايفة منك لامنه وتوا نمشيكم عالعجين ماتلخبطوه توا تشوفوا حطيتكم براسي عليان وسعيدان وانت ياهووووووووووه نقصدك راهو مانيش خايفة منك لئيم انت وياه وبعدين امس شنو هالهرجة اللي دايرينها ماتخلوا حد يرقد البنات عندهن قراية واللي عندها شغل انا توا نحطلكم نظام بالحوش هذا فرحانين بمربوعتكم المعفنة حلوا رواشنها قبل ونظفوها اممممممممممممممممممممم جيتكم انا شينك جية والله انتوا الاتنين تكرهوا حياتكم مني توا نوريكم خذيتوا عالسهر والله نرقدكم قبل الدجاج من المغرب وحسكم يشتهنه البنات جاكم اللي يعرف طبكم قاعدتلكم هنا معش نبي نروح لهلي هههههههههههههههههه (ضحكة شر) نوضن يابنات وقت عليكن حطيت الفطور راهو هيا فيسع
دار مقعد ... فى المنتدى !!!! - صفحة 4 01239473904

دار مقعد ... فى المنتدى !!!! - صفحة 4 01239473904

...... لو تفهمي وبنت بلاد صح راكي ما جيتينا ..... عارفه ليش .... لان البنات عندهن

امتحانات زي ما قتلي .... يعني ذووووق معدووووم عندك .... لكن انتي واخذه عالسقووووط ...

فعادي عندك .... ومادام هكي توا نوريك المعامله شن تكوووووون .... مانيش داير شي الا انتي

..... ووووريني روحك كذا كنك وليه .... خذيت اجازة شهرين مالعمل وقاعدلك طياح كاس العالم

قرب ..... وماعندي ماندير .... ياااااا عمتي ماشهيه ......

قال قاعد وكاس عالم اخرى والله تحلم شكلك يحسابني المسكين نمشي قبل الكاس خلاص يابابا انسى اني نطلع من هنا دام في بنات في هالحوش ويقرن انا مقيمة هنا وتوا تشوفوا انكان ياوليدي ماخربت الباقة والرسيفر كسرته قبل الكاس بيوم مانقعد انا بنت خالتكم ودور وين اتفرج حلوة حتى هذي البنات عندهن امتحانات شهادة قيس الكاس يعني نبي نعزق الابرة نسمعها انت والورفلي قيسكم مدلعين واجد رانا مداد بعضنا وعارفين الجو وعلى فكرة تعرفني ايام القراية اني شاطرة عمري ماسقطت بلكي مرة في سمستر اخرى ناري عاللي بالدبل ياخذها هو والاخر امممممممممممممممممممممن زعما واسكن عادي خود اجازة يانا يانت وخفت انا حسني منك قال يبي يعاملني معاملة اخرى اخخخخخخخخخخخخ ضحكتني والورفلي وين خانص اه وينه قراية ماعنده ووين لعند توا وانا ماشهيه مشت عظامك ان شاء الله اسمعوا نبي نحط نظام فطور وغدا وعصرية وعشاء والشاهي ترامس بالساعة نحطها واحد يطول معش يلقى ماياكل ايوة ايام التسطي عالبنات انسوهن واللي يعلي صوته من يوم وغادي نورية فاهم ياعليان وقول لسعيدان هالكلام

وبعدين حاجة اخرى كل واحد يغسل دبشه بروحه البنات ايديهن انهرت من الغسل وانتوا كل يوم عرم دبش تقول تلبسوا كلهن مع بعضهن انت والسمح الاخر جيبوا بانيو وتايد وشمروا على ايديكم واغسلوا دبشكم بروحكم والمربوعة الخديمة نبي نوزعها مانبيهش في الحوش عندنا شباب نحنا مربوعتكم انتوا تنظفوها تغسلوا الفرشة اذا اتوسخت تهوها كل يوم وتنظفوا وتكنسوا في الاخر تبخوا ملطف البنات مالهنش علاقة بيكم هن يقعدن فيها والا انتوا هذا لعند توا نفكر بعدين ونقوللكم شنو اخرى ايوووووووووووووووووة توا نبي نقيل شوي قبل العصر ولا صوت نسمع باهي وخلي البنات راقدات تعبانات دار مقعد ... فى المنتدى !!!! - صفحة 4 Hafralbatin2dadca8f69

دار مقعد ... فى المنتدى !!!! - صفحة 4 Hafralbatin2dadca8f69

..... لا وووووووين لا ووووووووووووووين ..... وين كيف انتي لجنه جايه من طرابلس والله

شنو ..... وووين هالجو الي تبي تديريه ... ترامس ومش عارف شنوووووو .... لا ووووين

هالنظام كنك مادرتيه في حوشكم الجوووو هضا .... والله تبي تبيني راكي حره ونظيفه .... لالالالا

راكي بنات برررررررررررر .... بحتي للقمل الي قاعد اجمام على راسك .... راكي تعدي البنات

... راهن بنات بلاد .... وكسري الريسيفر كنك وليه وشوفي شن يسيرلك .... غسووووقه

ووووينك وين البنات ..... راهي تقعد قايلتلكن شي كلمه مزعلتكن ... ها الهمج ... حتى

قفطانها سكة ... قديم بككككككككككل .....

شنو طولة هاللسان هذا اه توا نقصه لك لسانك هذا خزي عليك شكل ثاريتك غير اسمك ملاك فكني من جوك ايوة راني بنت بلاد ونعرف واااااجد بر مابر مانيش جاية من ادغال انا وماوكلي قاعدة واو على طولة هاللسان ثاريته ينخاف منك ماكنتش نحسابك هكي غلبت الصبايا والرسيفر نكسره على راسك توا تشوف يا..........والا بلاش ربك ستار نعرف انا نذل راهو .بس يلا دير خير وارميه في البحر يلا يابنات نوضن صلن العصر وعصرن واقرن شوي واللي تبي تمشي معاي السوق تقول نجيب شوي حاجات نقصاتي نهاركم اسود ماتقولوليش سعيدان ماجش حي عليه عليه قالوا عنده محل يعيييييييي مشيتله مرة بس مالقيتش ياخسارة كان هذا وريته شغله ديما يقول في جملة وحدة"الكندرة لو لبستيها وطلعت الفردة اليمين من الباب مانيش علاقة ومعش نردها"اممممممممممممممم من بيردها اصلا مازلت مصدومة انا من هذا طويل اللسان اللي ماينسمه توا نخليك غصبا عنك تعتذر والا في جعبتي حكاية امممممممممممممممممممم ؟؟!!اعتذر خيرلك واسحب كلامك قال بر قال اصحى يابابا توا نوريك عرب البر شنو يديروا ان مانسوك اسمك مانقعدش انا بنت خالتك سلم سعيدان مازال مابان خيره من شره هين ياعليان وريني شنو تبي تدير
دار مقعد ... فى المنتدى !!!! - صفحة 4 2654219172_ba5fb87629

دار مقعد ... فى المنتدى !!!! - صفحة 4 2654219172_ba5fb87629

بصراحة موش متوقعة يوم من الايام نقرا كلام زى هذا فى منتدى السلفيوم حتى اذا كان بصارة ..شنو قمل ماقمل..انكسر الرسيفر مانكسر...الخ ومن من؟ من الملاك وبنت البيضاء؟!! ارجوكم ماتزعلوش منى بس ماتوقعتكمش تنزلو لها المستوى فى الحوار وهذا شىء اصابنى بالذهول لانكم ماعودتوناش على اسلوب هكى ولانكم تكتبو فى موقع المفروض يكون مستوى الحوار فيه ارقى من هك ومرة اخرى ماتزعلوش منى وتقبلو نقدى بكل روح رياضية..

لا لا ماتفهميش غلط يالولي نحنا بس نلعب وهذا كروح دعابة مش اكثر سوا مني سوا من علي ونمثلوا قاعدين بس بالحق لو تجي للحق ماهوش نزول مستوى يعني شنو درنا بصرنا شوي من جدك تحكي انتي وبعدين كل الاخوة في الحوش ان ماكان كلامهم مع بعض هكي يبقى فيها حق عالاقل يبصروا هكي نتمنى ماتكبريش الموضوع ونحنا اكيد مستوانا الحمد الله عالي اللي في المنتدى كلهم الحمد الله بس كتغيير جو يالولي؟؟!!هكي حبينا نكونوا والمسلسلات الليبية لو تحضري فيها وخاصة بنغازي يحكوا هكي شنو ليش مانقدوهش تعرفي ليش لانها حياتنا بالصح والواقع هكي جو بصارة بين الخوت يعني مش جريمة خليكي فاهمة هذا كويس واهلا وسهلا شرفتينا

شنو هذا ... بنيت الدار علشان تخربوها ليا
بنت البيضاء راهو الملاك هو خونا الحنين ,,, يعنى ما انتحمل فيه شئ ... و كان تبى تنلقبى .. أنقلبى على الباقى
رانى من أمس يا بنت خالتى منقهرة عليه ما انحبش حد يدوسله على طرف ... على الاقل هذا هو اللى خرجنا بيه من خوتنا فى الحنية
.......................
بنت جيرانا لولى :
انستى وين لنا زمان عليك كنك قاصة علينا والا مزعلك ماميلا ... قوليلى بس كان زعلك تو انكلم فيه خويا الكبير أبو معاذ
اما على الهرجة بين بنت البيضاء و الملاك فهذه ديما اتصير ... لكن حبيت انها ما تكبرش اكثر من هكى
علشان ما يستغلوش اللى بينهم خصام و مواقف و يستعملو مثل هذا الحوار و كان واحد نهاهم يقولوا ما بنت البيضاء و الملاك كانوا ايديروا فيها
و السبب الثانى ...
ان لا نترك فرصة للذين لديهم هواية البحث عن الاخطاء والزلات التى تحدث فى المنتدى ... لتشويه المنتدى .. واستغلال مثل هذه الحواريات ولو كانت نوع من المزاح لأغراض دنيئة لأحباط عزيمة المنتدى

امممممممممممممممممم توا هذا كله دايرته عشانكن نبيكن تنجحن وانتي تقولي هكي وشفتيه ايش يقول علي يلا توا نشوفوا ايش يقول ولو اعتذرلي اوكي حصل خير معش نكلمه بس لو مااعتذرلي على طولة لسانه فيها كلام اخرى انا بنت خالته عيب نراجي انا عيني نظر لو عقله في راسه يعرف خلاصه اسمعي مشيت للسوق جبت لكل وحدة حاجة حطيتها بالدار انا نبي نرقد زعلتوني حسكم وطوا الصوت دار مقعد ... فى المنتدى !!!! - صفحة 4 24245.imgcache

دار مقعد ... فى المنتدى !!!! - صفحة 4 24245.imgcache

يابنت البيضاء انا ماقلتش ان البصارة جريمة وان الخوت مايبصروش مع بعضهم.. انا موش عارفة انتى من وين جبتى هالكلام!! وبعدين انا لاكبرت الموضوع لاشى وهذى موش صنعتى انكبر المواضيع التافهة..كل اللى فى القصة انى قلت ان الكلام اللى كتبتوه راهو بصراحة موش لائق ينكتب فى منتدى على الانترنت حتى ولو كان بصارة على الاقل راعو الناس اللى تقرا فيه.. وبعدين انتى قلتيها بروحك ان الاخوة فى الحوش ايبصرو هكى يعنى فى الحـــــــــــــوش موش فى المنتديات وبعدين مانى عارفة ايش دخل المسلسلات فى النص !!! واخيرا ارجوك ماتزعليش وارجوك سكرى ع الموضوع وماترديش على كلامى هذا احسن مايكبر الموضوع صاح واتقولى انا اللى كبرته.

استغفر الله لااله الانت سبحانك اني كنت من الظالمين لاحول ولاقوة الا بالله وحسبي الله ونعم الوكيل

.... غسووووقه شن الاخبار ...... منوره سلم قرعتي ...... وبنت خالتي اصلك نرفزتيني ....

لكن مش مشكله ..... حقك علينا ..... انتي ضيفتنا ..... ومانبو نزعلوا الضيوف ..... تبو شي

........ في امان الله

صبااااااااااااااااااااااح الخير يلا صحصحوا وتيتلكم الفطور قبل مانمشي ياربي نكون كنت ضيفة خفيفة ليومين عالاقل حبيت نغير جوكم بس ماعلينا امممممممممممممممم يلا خلوا بالكم من بعضكم اولى وعنكم من خواتكم والبنات عنكم من الشباب يلا مع السلامة نهائيا
دار مقعد ... فى المنتدى !!!! - صفحة 4 W6w20081114204150aea5525e

دار مقعد ... فى المنتدى !!!! - صفحة 4 W6w20081114204150aea5525e

دار مقعد ... فى المنتدى !!!! - صفحة 4 Gurlz-group08

دار مقعد ... فى المنتدى !!!! - صفحة 4 Sigpic70198_1

ياعمتي بنت البيضاء والله إترجي حلفت بالله إتردي هذي دار مقعد وعندك فيها قرعه ونسبة من الميراث بعد ما الله يأخذ حكمته
إذا كان ليا خاطر عندك إتريدي
حلفت....وعلي فكرة عندي لكي هدية بس لما إتخشي لدار المرة الجاية نعطيها لكي....
بعد خطرها شن اخبار الوشون...

.... شكلنا زعلناها يا سعيدان على قولتها .....

والله كنا نبصروا ...

غير ردي هاكي الريسيفر كسريه .....

مغير ردي .... بس

انا جيت عشان خاطرك راهو بس ونبي ناخذ هديتي ونمشي شنو هي اممممممممممممممممممممممم ياربي عارفتك انا تلسين عشان نحكي تعرفني قصقاصة نبصر والله فيك الخير جديات ورفلي والوشون يسلموا عليك دار مقعد ... فى المنتدى !!!! - صفحة 4 635961

دار مقعد ... فى المنتدى !!!! - صفحة 4 635961

دار مقعد ... فى المنتدى !!!! - صفحة 4 115176

ها شنو هديتي

لامانبيش نرد زعمتوا كبدي انتوا ناخذ هديتي ونمشي ذعلانة منكم انا ياملاك
دار مقعد ... فى المنتدى !!!! - صفحة 4 635961

دار مقعد ... فى المنتدى !!!! - صفحة 4 2753

دار مقعد ... فى المنتدى !!!! - صفحة 4 254172

» الى كل من فى المنتدى
» هل أنت راض عن وضعك في المنتدى؟؟
» طلب من إدارة المنتدى