لعبة الصراحة (ممنوع دخول الكذابيين )

اذا جاني بالاحضان ماعندي ماندير انجامل نحضن وخلالاص لكن بعدها تبقى المعامله رسميه........تعرف اخي العمده السؤال جا في وقتا لان صار معايا اليوم..........سؤالي .....اذا انت كنت مريض وتبي تعاين ومشيت للعياده يوم الجمعه وبعدا دخلت لدكتور والقيتا مش عاجبه الوضع ويقولك اليوم عطله مافيش معاينه لكن مش مهم تفضل ...شن ادير تطلع ولالالا تقعد نين يعاينك؟؟؟؟؟

انحب الناس كلها واللى ياذينى نبعد عنه والله يسامحه الكلمة الطيبة حسنة بس متكونش نفاق او على حساب نفسى والمسلم ميكرهش مسلم لان الكره حرام وسلامة لاجميع وربى يحبب الناس فى بعضها .

امين يا wadak2010

كنت انتمنى سؤال لكن ما لقيتش .........

لكن انجاوب على سؤال بنوتة .

نعاين مكرة فى الدكتور علشان يشتغل بضمير مرة اخرى ......

مع الحذر انى ما نصرفش الدواء اللى كتبه ليا وندور دكتور اخرى نعالج عنده....

هههههههههههههه

شن ايكون موقفك اذا وصلت لواحد غالى عليك

وما اتحبش حد يخدعه كلام على حسن نية من واحد ايقرم فيه وما يحباش وهو ايضن العكس ...

بعدين ايتكوها .

وبعد فترة يصالحوا ..

وتشعر ان الاثنين ينضرولك نظرة الفتان؟؟

انا انحب كل الناس لان الله موصينى ان الانسان لا يكره اخيه الانسان حتى لو مكنش يحبه المجاملة لا بس انرد بطريقة لبقا تحفظ ماء وجه غيرى منعن لاحراجه سؤالى هو ليش نجرو وراء الدنيا وعارفين انا مش خالدين فيها ومرات انعادو بعضنا يعنى الاخ يعادى خوه .؟؟!! لعبة الصراحة (ممنوع دخول الكذابيين ) - صفحة 2 312519

لعبة الصراحة (ممنوع دخول الكذابيين ) - صفحة 2 312519

س .ع..........طيب انتي ماسألتي نفسك ليش جينا للدنيا اصلا ...انا انقول نجرو وراء دنيا عشان رصيد الاخره ....والاخ ليش ايعادي خوه عنصريه ماليش فيه انا ....سوألي ..في وحدين في المنتدي خشين بي اكتر من اسم ليش

ذلك لكى يسبب بعض الفتنه بين الاعضاء...........اذا جاك واحد صاحبك صاحبك او قالك نبى افلوس دين لفترة واكملت الفترة او كل مااتلقو انت وياه مايجيبلكش طارى الفلوس بلكل وانت محتاج افلوس ايش ادير افطن صاحبك صاحبك ؟؟؟؟؟؟؟؟؟؟؟؟؟؟؟؟

والله ماندورهن (الله يلعن لفلوس وساعتهن) اهم شي مانخسرش صاحبي ..لفلوس يمشن ويجن وعد الله جابهن لى وصرفتهن.................لو القيت روحك واخذ مقلب فى واحد (واو بكل) ..شن اتدير اتفوته ولا اتجامله ولا اتبكها له وخلاص؟؟؟؟

لا انجامله ولا انفوته ولا انبكها له لكن نفطن لروحي ونعامله عادي وندير اي حاجه عشان يغرف اني مانيش واخذه فيه مقلب ...... بعد واحد يعقد جالس معاك وينافق ينافق و
ينافق شن ادير اتهزبه ولا شن اديرر؟؟؟؟؟؟؟؟؟؟

تخليها على الله ..وتبينله انك كشفت نفاقه بطريقة سلسة ...وما تهزبه حتى ما تنزل نفسك لمستوى متدني زى مستواه ... وتعامله بطريقة تدل على انك راقى الاخلاق
شن اتدير لو حسيت روحك غلطت مع انسان ... واعتذرت منه وما قدرش هذا الاعتذار .. اتفوته وتقول ( شن عله الله فى شانه ) والا تكرر الاعتذار

والله عندي صديق لي زعلان مني جيته اعتذرت منه اربع مرات ومازال زعلان مني رغم السبب بسيط لكن الله غالب انا المهم اني اغلطت وأعترفت بغلطي هذا اهم شي والنية يعلمها الله_
لو خطم واحد من قدامك وفنص فيك وقعد ايبحت فيك بنظرة فيها شر هل اتقوله كنك ولا اتفوته وتمشي في طريقك _ ¿?

عطيه طريحه وقوله كنك اتفنص قاتل بوك ولا جدك اه كان قالك معلش تعطيه هديه من احذيه اللي عندك فضيحه كان ماعطيتا راه....................شن احسن لون تحبا ؟؟؟؟مالقيت سؤال كويس

اللون الاسود لانه بكل صراحة سيد الخواتم اسف قصدي سيد الالوان وعلي فكرة بالنسبة للشخص اللي ايفنص طلع واحد نعرفه_
اذا وجدت شخص ملقي علي الطريق وكان هذا الشخص مطعون بسكين وميت هل تتركه ام تقوم بالابلاغ عن ذلك_

... اكيد من غير قوول اولا نسعفه وبعدها ... اكيد اذا كنت انا اول شخص شافه ملقي على الارض حايطلبوا مني اني نحكيلهم شن صار ... واقوم بالابلاغ عنه ... س 1 _ ما هو الامر الذي يشغلك في هذه الفترة وبصدق ؟؟؟؟

بصدق ... نرجى فى فلوس جاياتنى ... علشان نمشى للعمرة ... ادعولى ان شاءالله يصير منها
لان فى عرب واجد نقولى فيها

س:- واحد ظلمك .. وفى يوم جاتك الفرصة علشان ترد الضربة ... شن اتدير ؟

المسامح كريم وانا بصراحه مش كريمه نرد الضربه بضربتين عشان تقعدله عبره مش يلقاني ساكته ويضلمني مره اخره......ماذا تفعل عندما يرفض ابوك اهم فرصه في حياتك وانت كنت ترجا فيه بي فارغ الصبر

عادى نتقبلها بكل رحابة صدر

صارت معاى من زمان وما تغيرت ولا كأنه صار شى

شنو تدير لما تكون معزوم عند واحد ودار لك قهوة وانت القهوة ماتشرب فيها ؟

بصيطة ان قولة القهوة ما نشربش فيهااااااااااااااااااا

ماهو وزنك

مش سمينة 72 كيلوووو

لو عزمك صاحبك على عصيدة شعير وانت ما تحبها شنووو أدير ؟؟؟؟؟
نونو5

لو ما نعرفش واجد واول مرة يعزمنى ....نحاول نتعذر وانقوله ما عنديش نية

لو ضغط على واجد ناكل اشوي

وكان زودها انقوله ما ناكلش فيها

(لان بصراحة ما ناكلش فيها والموقف هذا صارلى حقيقة من قبل)

س- كيف تقاس الحياة السعيدة (الدنيوية) عندك...بعد عبادة الله ورضاه؟؟؟؟؟؟؟

س- كيف تقاس الحياة السعيدة (الدنيوية) عندك...بعد عبادة الله

ورضاه؟؟؟؟؟؟؟

بعد رضا الله عز وجل ....برؤية السعادة والفرح مرسوم على وجوة

الناس وعندما أكون من رسمت هذة الفرحة فهذا

أعتبره أعلى مقياس للسعادة الدنيوية ......

لا تحب أن يضعك أحد في خيارات صعبة هل هروب أو أنك

تكرة الخيارات الصعبة ؟؟؟؟؟؟؟؟؟؟؟؟

ليس هروب بل كره للخيارات الصعبه

كيف تقيس مقدار وفائك لصديقك ,والعكس ؟؟؟

كيف تقيس مقدار وفائك لصديقك ,والعكس ؟؟؟

أن أقف معه فى الشدائد ولا أتخلى عنه مهما كانت الصعاب

ووفاء صديقي لي بأن يعذرني عندما أغضب فهي نقطة ضعفي .....

كيف تنسيى حباً سكن قلبك وخصوصاً أذا أكتشفت أنة من طرف واحد؟؟

انا من الناس اللى دائما انحب انكون علاقات اجتماعية باستمرار وبكل صراحة انا انحب جميع الناس والان ماعندش اى حقد على حد ونا مش من اللى نقول عيبك فى وجك يعنى انحب انجامل لكن مجاملة معقولة حتى مانحرجش حد
هل انت صادق مع نفسك والاخرين

انا صادق مع نفسي والاخرين وربما مع الاخرين اكثر .

مارأيك في منتدى السلفيوم بشكل عام ؟

رائع نحس بوجودى فى مدينتى وبين نا سى حتى وانا فى بيتى
دعاء تتمنى من ربى يحققه وتلح فيه من امور الدنيا

» ممنوع دخول المشرفين !!!
» ممنوع دخول اصحاب القلوب الضعيفة
» ممنوع الدخول